نظرت لة روح بسخرية ثم قالت بجدية : بس يا قمور شغل العبط دا مش معايا فوق كدة و امشي من سكات علشان بصراحة انا مكسلة اوطي اجيب الجزمة فا يلا بقي
الرجل بغمزة : وانا مش همشي هاا هتعملي اي جيبي اخرك معايا
روح بردح وصوت عال : لاء يعمرري دنا روح دنا هعمل كتير ،، قالت كلامها وخلعت حذائها وضربت بة الرجل بقوة ثم قالت : بقي انت يا معفن تعطلني علي الأعادة بتاعت المسلسل دا انت يومك اسود دنا هندمك علي اليوم الي جيت فية
قالت اخر كلامها ونظرت حولها رأت كثير من الناس تنظر لها بصدمة ثم قال رجل كبير في السن كان يقف من ضمن الناس بصدمة : هوا في اي يا بنتي بتضربي الراجل كدة لي
روح بعصبية : هوا لسة شاف حاجة دا يومة اسود النهاردة
الرجل بخوف : انتي مستحيل تكوني بنت مفيش بنت كدة
روح بغضب : لا في انا وبعدين انت لسة هترغي معايا يا حيوان انت
قالت اخر كلامها و عادت مرة اخري تضربة بالحذاء تدخلت فتاة وهي تقول : انتي بيئة اوي بجد في بنت تعمل كدة وبعدين سيبي الراجل دا في حالو
روح وهي تنظر لها بقرف قائلا : بيئة طب انا هوريكي البيئة دي هتعمل اي تعالي انتي كمان بشعرك الي فرحانة بية دا
قالت اخر كلامها ومسكت الفتاة مش شعرها وقامت بضربها بقوة وهي تقول بردح وصوت عال : انا بيئة يالا يا صدمانة يا عدمانة يا رفيعة يا مسلوعة ومن الادوية مقربعة دا الشعر كنيش والصحة مفيش وتشوفها وتجري تقول ياشويش
البنت ببكاء : انا رفيعة ومسلوعة وشعري كنيش
روح بغضب : اة عندك مانع
البنت ببكاء : معنديش بس سبيني امشي انا اسفة
الرجل بخوف : وانا سبيني امشي
روح بسخرية : اي مش كنت عاوز تشوف اخري عموما دا اولي لان اخري انت مش قدو يلا امشو كتكو الارف شعب راضع زبالة يلا يا جماعة كل واحد علي بيتة
ذهبت روح الي بيتها ورأت والدتها وقالت : ماما جبتلك الحاجة
والدة روح بتسأل : روح هوا اي الصوت الي كان تحت دا
روح بالامبالاة : دا صوتي
والدة روح بأستغراب : صوتك لي في اي
حكت لها روح كل ما حدث وانهت حديثها بضحك
والدة روح : جدعة يا روح بس برضو كنتي تلمي الحوار
روح : لاء يا ماما كان لازم اعمل كدة علشان محدش يقربلي تاني ويبقي عارف انا هعمل معاة اي في المواقف الي زي دي مينفعش اسكت
اومأت لها والدتها وقامت تجهز الفطار ..
____________________________________
أنت تقرأ
احببتها بالخطأ ولكن (بقلمي يارا ابراهيم)
Misterio / Suspensoهوا دائما يبحث عن قصة حب يعيش فيها فا حنيتة كفيلة لجعل النساء ترتمي تحت اقدامة لكنة يريد فتاة يخضع لها قلبة ولكن بالخطأ وقع بحب فتاة ليست سواها الذي دق قلبة لها ولكن هذا حب خطأ ويجب علية اصلاحة !! هي الفتاة المشغبة المدللة التي لاتؤمن بالحب قط كل مف...
