မနက်ခင်းတိုင်းရောက်လာနေကြ မိုင်လိုဘူးလေးနဲ့ စာရွက်အပိုင်းအစလေးတွေမရောက်လာတာ ၃ ရက်တောင်ရှိသွားပြီ ။ ရင်ဘတ်တစ်နေရာကသိသိသာသာပင်လစ်ဟာနေသလိုခံစားရတာကြောင့် မျက်နှာမှာမရွှင်မလန်းဖြစ်နေတော့သည် ။ သူကိုယ်တိုင်လည်းထို ၃ ရက်အတွင်းတစ်စုံတစ်ခုကိုမျှော်လင့်နေမိတာသူသာသိသည် ။
"ဂျောင်ဂုမင်းဟာလေးလည်းမတွေ့မိပါလား"
"မတွေ့ရင်မတွေ့ဘူးလို့မှတ်လိုက်ပေါ့ကွာ ။ ဘာလို့ငါ့ကိုလာမေးတာလဲ"
"မင်းရုပ်ကလည်းအပူရုပ်ကိုဟန်လုပ်နေတဲ့ရုပ်နဲ့...ကြိုက်နေရင်လည်း ဟိုကလေးကိုပြန်ကြိုက်ပါတော့လား"
"ငါသူ့ကိုမကြိုက်ပါဘူး ။ သူကငါ့ညီလေးတစ်ယောက်လိုပါပဲ"
"မကြိုက်ဘူးသာပြောတယ် ဟိုး...အင်္ဂါဂြိုဟ်ပေါ်ကနေလှမ်းကြည့်ရင်တောင် ဂျွန်ဂျောင်ဂုကပတ်ဂျီမင်းကိုကြိုက်နေတယ်ဆိုတာသိသာနေတာ ။ ဖြတ်လျှောက်နေတဲ့ခွေးကိုသွားပြောရင်တောင် မင်းကိုကိုက်လွှတ်လိမ့်မယ်"
"မင်ဟာ မင်းကငါ့သူငယ်ချင်းလား သူ့ရှေ့နေလား"
"ငါကမြင်တာပြောရုံပဲ မင်းဟာမင်းဘူနေတာကိုငါ့ကိုလာမမည်းနဲ့ ။ အချိန်ဆွဲနေမနေနဲ့နော် မင်းဟာလေးသူများနောက်ပါသွားမယ်"
"ဆောမင်ဟာ ထွက်သွား!!"
မင်ဟာပြောတဲ့စကားကိုအလိုမကျမိတာတော့အမှန်ပင် ကောင်လေးကတခြားတစ်ယောက်နောက်ပါသွားမှာမဟုတ်ဘူးဆိုတာ ကံကြမ္မာဟောစာတမ်းတွေသွားမကြည့်တောင် သိတဲ့ကိစ္စပင် ။ သို့သော်ငြားစိတ်ထဲတွင်တော့မတင်မကျ ။
ခြေထောက်ပြန်မကောင်းသေးလို့လား ။ လမ်းမလျှောက်နိုင်သေးတာလား ။ ဒါမှမဟုတ်ဖျားသွားတာလား ဆိုတဲ့မေးခွန်းတွေကခေါင်းထဲအစီအရီ ။ အိမ်တိုင်ရာရောက်သတင်းသွားမေးရအောင်လည်း သူတို့နှစ်ယောက်ဆက်ဆံရေးကဘယ်လိုခေါင်းစဥ်မျိုးတပ်ရမယ်မှန်းမသိတာတော့ခက်သား ။
မျက်နှာပြောင်တိုက်ပြီးညီလေးလိုသဘောထားတယ်လို့သာ မင်ဟာ့ကိုပြောလိုက်ပေမယ့် သူ့ခံစားချက်တွေကနယ်ကျော်နေနှင့်ပြီဆိုတာ ဘေးလူတွေကအစသတိထားမိသည် ။
YOU ARE READING
Take this milo, now you're half of my heart //Kookmin//✔️
Fanfiction"ကျွန်တော်ပေးတဲ့ Milo ကိုလက်ခံမလား ကျွန်တော့်နှလုံးသားကိုလက်ခံမလား" "Milo ကိုပဲလက်ခံလိုက်မယ်" "Milo ကိုလက်ခံလိုက်လို့ အခုကစပြီးခင်ဗျားကကျွန်တော့်ရဲ့နှလုံးသားတစ်ခြမ်းဖြစ်သွားပြီ" Genre: Romance , Fluff Start date:03.06.2022 End date:08.06.2022 "ကြၽန္...
