ابنتي اليهوديه

3

متابعة للصفحه علشان يوصلكم اشعار بالبارت الجديد

#ابنتي_اليهو"ديه

قومي اقلعي يلا ....و بعد كده نتكلم

ايرين بخوف : اقلع ليه ..انا حلوة كده

فهد : انا هسيبكم و اخلص شويه شغل و ارجع اشوف ايه حكايتك يا صغيرة

خرج فهد و انهارت ايرين في العياط

- مالك يا بنتي بتعيطي ليه

انا مليش كده ..و متشكره ليكي على اهتمامك

- طب انتي منين يا حبيبتي

اتوترت ايرين بس اتكلمت بخبث : انا فلسطينيه بس اهلي كلهم ماتوا بسببهم ...

زعلت امال و خدتها في حضنها : و ازاي وصلتي ل سينا يا حبيبتي منهم لله

ضحكت ايرين وهي في حضنها أنها قدرت تضحك عليها

.....

فات ٣ سنين و نص و عاشت ايرين معاهم بس كان دايما في جزء غامض فيها و في شخصيتها و انطوائها لحد ما قرر فهد يرجع سيناء هو و أهله عشان يحضر فرح هناك

- فهد انا مش هقدر ارجع معاك انا هفضل في اسكندرية و كمان عشان في مقابله شغل لازم اروحها

ابتسم فهد و قرب منها شويه : ايرين انتي مكانك عندي اغلى من اي حد وانتي عارفة بس مقدرش اسيبك لوحدك هنا خصوصا انك كبرتي و بقيتي انسه جميلة

ابتسمت بحب من كلامه اللي بيجذبها دايما : بس لو حد من اهلكم سألكم عليا

قرب منها و خبطها في كتفها : هقولهم خطيبتي ايه رايك

ضحكت بدلع : اوووه انت كده لازم تخطبني بقى ولا ايه

غمزلها و اتكلم بصوت خافت : تحت الاغراءات دي كلها انا مش هقدر أقاوم يلا بقى جهزي الشنط و انا هجهز العربيات

ابتسمت بخوف و طلعت تجهز شنطتها وهي بتكلم نفسها : لا اكيد مش هيفتكروكي اصلا و بعدين عدى ٣ سنين و اكتر تلاقيهم نسيوني و حتى لو فكروا يعملوا حاجه فهد هيدافع عني ....بس هيدافع عني ازاي وانا إسرا"ئيليه يا ترى لو عرف هيعمل ايه

- بس هو بيحبني أو يمكن بيحب ايرين البنت المسلمه مش ايرين العبرية لازم اعمل اي حاجه عشان ميعرفونيش

..ركبوا العربية سوا و طول الطريق هدوء لحد ما اتكلم ابو فهد الشيخ كامل : شغل قرأن يابني

ايرين بتوتر : عمي فهد بيتوتر لو حاجه اشتغلت

اتعصب الشيخ كامل اللي عمره ما حب ايرين ولا حس انها تنتمي ليهم : انا حكيت مع ولدي مش معاكي و الزمي حدك

امال : اهدا يا شيخ كامل ايرين متقصدش تزعلك

فهد : خلاص يا شيخنا هشغل قرأن اللي يرضيك هعمله

اشتغل القران و طول الطريق و ايرين لابسة السماعات و بتسمع اغاني

نامت ايرين و صحيت على لمسه فهد لخصلات شعرها : يلا يا جميل وصلنا

ضحكت و ابتسمت ابتسامه خدت قلبه : انت هتفضل تدلعني كده كتير

- انتي شايفة ايه ادلعك ولا لا

ابتسمت تاني و رفعت حواجبها: انت و ذوقك بقى يا ابو عيون عسلي

ضحك و فتحلها باب العربية : يلا انزلي

نزلت ايرين و قلبها بيدق بصت حوليها و شافت بيت الشيخ سليمان و قلبها بدأ يخفق بشكل كبير و الرعب ظهر على وشها و ملامحها

- ايرين ... ايرين انتي كويسة

ها ..اه انا كويسة اه ممكن ندخل جوا ؟

خدها و دخلوا جوا و طلعت اوضتها بسرعة وهي حاسه ان في حاجه هتحصل و فضلت فيها لحد بليل

خبط فهد عليها : جهزتي ولا لسا

ايرين : انا تعبانة مش هقدر اروح الفرح

فهد : ولا كأني سمعت حاجه خمس دقايق و هاجيلك تاني لو فضلتي كده هدخل اخدك بالبيجامه

اتوترت اكتر و فضلت تفكر و اخيرا وصلت لحل عشان تقدر تخرج

رجع فهد بعد ربع ساعة

فتحت ايرين وهي لابسة جيبه قصيرة منفوشه و بلوزة مفتوحه من الضهر و عليهم البرقع الاسكندراني مغطي اجزاء من وشها و عليه قطع من الفضه

فهد بصدمه : انتي لابسه ايه و ازاي ايدااااااا

ايرين : فهد افهمني انا اصلا مش حابه حد يعرفني عشان ميرجعنيش تاني للحر"ب و الخر"اب ارجوك المره دي بس

فهد بحده : مفيش نزول كده انتي عريا"نة

قربت منه و مسكت أيده لاول مره و بصتله بحب : ارجوك لأما خليني في البيت

تاهه في عيونها و كلامها و رد بتلقائية : خلاص اعملي اللي انتي عايزاه كله مش هقولك لا

ضحكت بانتصار و خرجوا سوا مع الحاجه امل و الشيخ كامل

وصلوا للفرح و طول الوقت ايرين قاعدة جنب فهد و بتبص حوليها لحد ما البنات شدوها عشان ترقص معاهم

فرحت و قعدت تتمايل معاهم و فجأة دخل الشباب برضوا و حسد ايرين ب ايد على وسطها بتشدها ناحيتها

لفت وهي مبسوطه بس ضحكتها اتلاشت اول ما اتقابلت عيونها مع عيونه الخضرا

حاولت تبعد بس شدها اكتر و قرب من ودنها : رجعتي تحت ايدي من تاني و المره دي مفيش رجعة .......

Part 3
ابنتي_اليهو"ديه
سُميه_عامر