ابنتي اليهوديه

23

متابعة للصفحه علشان يوصلكم اشعار بالبارت الجديد

فضلت ايرين واقفة مصدومة و عيونها اتملت بالدموع

شافتها فريدة اللي بعدت عن الياس فجأة و بصتله بحزن : الياس ..؟

بص الياس على ايرين اللي لفت بضهرها و طلعت فوق من غير ما تتكلم

عيطت فريدة وهي منهارة : الياس انت ... ليه اتصلت بيا عشان اجي ليه عملت كده

- انا قولتلك لو عايزة تيجي تعالي مأجبرتكيش على حاجه

بتغيظها بيا عايزها تغير عليك ، رجعتلها بعد ما سابتك وراها

و انا اللي حبيتك ٣ سنين و مستنيه اي امل منك تعمل فيا كده ، انا عملت كل حاجه عشانك و في الاخر محبتنيش

ابتسم الياس : استنيتي مين ؟؟ فوقي يا فريدة انتي اتخطبتي مليون مرة

- و كنت بفشكل كل مرة عشانك عشان مش قادرة اشوف غيرك ابو ولادي

الياس : ده اللي عندي يا بنت الحلال انا مش قادر اسامحها على حاجات كتير ولازم اعرفها أن اللي عملته غلط و انتي لو حابه تساعديني هتساعديني مش حابه الباب مفتوح

- انا غلطانة اني جيت اول ما بعتتلي

خرجت فريدة وهي بتعيط و قفل الياس الباب و خد نفسه و طلع على فوق

كانت ايرين نايمه على السرير و مغطيه نفسها وهي بتعيط

الياس بتمثيل : اللي حصل كان بغير قصد هي مكانتش تعرف انك هنا

قامت ايرين مسحت دموعها : هيفرق ؟؟ انت على علاقه بيها من ٣ سنين و في الاخر خو"نتها معايا

- هي بتحبني و متقبله ده

ضحكت ايرين : اللي بيحب مبيهنش نفسه

قعد الياس بغرور : بيهرب ؟ ولا بيسرق؟

- مش هتفرق يا الياس كده كده انت هتط"لقني وانا هتجوز تاني و تالت و رابع و هعيش حياتي

قام الياس و مسكها من شعرها : انتي بتقولي ايه اخرسي

افتكر الياس معاملته ليها من ٣ سنين لما كان بيه"ينها و فجأة بعد عنها و هو بيحاول يتمالك أعصابه : طول ما انتي على ذمتي متتكلميش ولا تقولي الكلام ده فاهمة

قربت ايرين منه بكل غضب و ضر"بته في صدرة : لو فاكر اني هحبك و انت بته"ينني تبقى غلطان زي ما هر"بت مره ههر"ب الف مرة

مسكها من دراعها و قرب منها اكتر و با"سها وهو غضبا"ن من كلامها ، بعد عنها و اتكلم بهدوء وهو نفسه في نفسها : وانا زي ما رجعتك مرة هرجعك الف مرة

غمضت ايرين عينيها بأ"لم و اتكلمت بحزن : انت وعدتني اشوف ولادي بعد ما تاخد اللي عايزه و انت اخدت يبقى دوري

رجع الياس لورا : وانا هوفي بوعدي

- خدها و رجعوا الفيلا دخلوا سوا بس ايرين حزن العالم كله في عينيها أنه بيلعب بيها و بمشاعرها بس شافت منظر أول مرة تشوفه في حياتها