متابعة للصفحه علشان يوصلكم اشعار بالبارت الجديد
الياس بصريخ : انتي بتقولللللي ايه
اتخضت ايرين و صحيت من النوم لقيته في وشها : ايه في ايه الولاد كويسين ؟؟
بصلها بنظرة كلها غيره : انتي كنتي بتحلمي ب مين ؟؟
ايرين : نعم ، انت عرفت منين أن ....
مسك ايديها قبل ما تكمل كلامها و شدها عليه و اتكلم بغيره : حتى في احلامك متحلميش بيه والا مش هخليكي تنامي فاهمة
خافت ايرين منه و حاولت تبعد بس مقدرتش : الياس سيبني مش كل مرة تمسكني كده ايدك بتوجعني
سابها و قام وقف : حضري نفسك عشان هنتعشى برا
اتكلمت بسرعة : لا مش هخرج معاك ، اتصل بخطيبتك تخرج معاك هي
ابتسم الياس لما لقاها غيرانة و قرب منها اكتر : غيرانة
ضحكت باستفزاز : ده بعدك يا حبيبي روح اتجوزها معنديش مشكله
شدها وقفها : طيب قدامك عشر دقايق عشان تجهزي والا ...
و الا ايه ؟؟
شدها من وسطها : و الا هنتعشى هنا في اوضتنا ...
اوضتنا ؟؟
و على سريرنا كمان و انا بصراحه بحب اكل اوي بروقان و مزاج
فهمت ايرين قصده و اتوترت : اخرج بقى عشان اتنيل البس بس قبل ما نروح عندي شرط
- اممم قولي وانا هقرر هيتنفذ ولا لا
خلي جوون يجيبلي لبسي و اللابتوب و كل حاجتي من المانيا عشان لازم اشتغل على حاجات معينه
الياس ببرود : هفكر و اقولك
اتعصبت من رده البارت : طب اطلع بقى عشان البس
بصلها بخبث : اساعدك ؟؟ انا بعرف اقفل سوست برضوا
أحرجت ايرين و خرجته ووقفت تشوف اللبس اللي جايبهولها اللي منهم فستان احمر مقفول و ضيق من الوسط و واصل تحت الركبه
بصت للفستان باشمئزاز : احمر هو فاكرني ايه انا هسودها عليه
لبست الفستان الاسود التاني اللي جايبهولها و سيبت شعرها و حطت كحل و روج احمر
نزلت ايرين بس اتخبطت في سارة مرات ابراهيم
- اسفة معلش كنت مستعجلة
ولا يهمك انتي مرات الياس ؟
- احم اه يعني ممكن اااه مراته
ضحكت سارة : انا مرات ابراهيم هو حكالي عنك كتير اوي بس مكنتش متخيله انك بالجمال ده
ايرين : وانتي جميلة جدا انا اتشرفت بمعرفتك عن اذنك
أنت تقرأ
ابنتي اليهوديه
Mystery / Thriller'رواية بالعاميه المصرية' 'اقتباس' بس انا مش هغير ديانتي الياس بعصبية: لا هتغيريها احنا مش هنقعد معانا واحده عبرية لو مش هتبقي مسلمه يبقى تمو"تي رد ابوهم اللي كان من أكبر شيوخ القبا"ئل في سـ. ـينا : الياس سيبها يومين و هترجع لصوابها يا ولدي قامت اي...
