نبدا بالشخصيات كدا
ناصر... هو والد ( ميرا وملاذ)
وكان متجوز الاول " ورد" اللي هي بنت عمه وكانت بتحبه وكانت مبتخلفش
ومراته التانية " سلوى" اللي كانت في نفس الوقت صاحبه " ورد" وكانت بتغير منها عشان هي فقيرة وكانت مطلقة واتجوزت ناصر وخلفت " ميرا "
"ورد" بعدها خلفت " ملاذ"
وماتت في حادثة سيارة وكان معها ملاذ وبسبب الحادثة اصابت ملاذ وبقي عنده عرج في رجليها
" مني" اخت ناصر وفي نفس الوقت مبتحبوش عشان محملاه سبب موت " ورد" واصابة "ملاذ" وطبعا عدوتها اللدودة " سلوي"
واللي ضمن الاحداث تنازلت عن الاسهم بتاعتها لملاذ عشان تتحكم ملاذ في الشركة وتكسر ناصر وسلوي
ودا لانه كان عايش برا وقت حادثة ملاذ وامها
وكان هيحكي علي علاقتهم قامت ملاذ( بطلتي اللي جيبالي الكلام) قالت انها حبيبته ودبسته فيها وعملت دا عشان بتحب ادم وخافت عليه ( هبلة زى اللي جابتها)
سجي... اخت ياسين وتوأمته وطبيبة ومتجوزة يحيي اللي هو صاحب ياسين ومخلفوش لحد دلوقتي
وحماتها بتحبها حب ملوش مثيل ( سامحني يارب ع الكدب دا) من كتر حبها فيها عاوزه تجوزه " دليلة" بنت اختها المطلقة اللي عايشة معاها
امينة... صاحبة ملاذ واخت ملك وهم بنتين عايشين مع امهم بعد ما ابوهم طلق امهم عشان خلفتها بنات ورماهم
وملك شغالة مع ادم ومكنش فيه احداث لسه لهم فالجزء الاول
حمزة... زميل امينة فالجامعة وماشاء الله اخلاقه فظييعه ( هولع من كتر الكدب) وعايش مع مامته مايسة اللي هي ممثلة
اظن كدا تلخييص سهل اهو للجزء الاول
كان معاكم ميس / امنية سليم لتلخيص الروايات والاجابات النموذجية
أنت تقرأ
قربان حب (الجزء الثاني) - امنية سليم
Romanceابنتان لرجل واحد لكن كلا منهما ولدت من رحم امراة اخرى ..جمعهما اب واحد لكن حييت كلاهما حياة اخرى .. متناقضتان هما احدهما كالنار والاخرى كالماء ... جمعهما قدر واحد ليتنافسا على قلب رجل واحد فمن ستحظى به ومن ستكون هى القربان !!.... ولكن ماذا لو اصبحتا...
