أوقعتني في الغرام✨💗

♕♡البارت التاني عشر♡♕

Part 12
♡تانى يوم في بيت عزالدين المنشاوي♡
نوران بصوت عالي: يلا يا مامي عشان منتاخرش علي الكوافير
سارة: جاية اهه يا نوران اهدي عليا
نوران: طب يلا ياجميل هستناك في العربية
سارة: ماشي يا نوران روحي انتي وأنا هاجي وراكي

بعد شوية سارة راحت ل نوران

نوران وهي بتصفر:ايه الحلاوة دي يا سوسو ده انتي كده هتخطفي العريس مني😂
سارة بضحكة:طب يلا بقا عشان نلحق الكوافير
نوران: يلا بينا بس برضو موزة يا سوسو
سارة بإبتسامة: والله ماحد موزه غيرك ربنا يفرحك ياحبيبتي
نوران: يارب يا ماما

بعد شوية وصلوا الكوافير نوران دخلت الأول تختار الفستان اللي هتلبسته

نوران: ايه رأيك في ده يا ماما
سارة: االله جميل أوي يا نوري ادخلي البسيه كده عشان اشوفه عليكي
نوران دخلت تلبسة وطلعت بعد شوية بس كانت قمر في الفستان الفستان اللي اخترته كان لونه أحمر ووصلها بعد الركبة وكان طويل من ورا وقصير من قدام كان فستان جميل وهي خلته أجمل لما لبسته

نوران وهي بتلف: ايه رأيك يا ماما
سارة والدموع بتلمع في عينها: ما شاء الله ياحبيبتي شكلك زي القمر وخدتها في حضنها من كتر ماهي حلوة
نوران بدموع فرحة: ربنا يخليكي ليا يا ماما أنا مش عارفة من غيرك كنت ممكن اعمل ايه انتي اللي هونتي عليا انتي اللي خلتيني ارجع احب الحياة تاني
سارة وهي بتمسحلها دموعها: انتي هبلة يا نوران ده انتي بنتي وحتة مني اومال لما أنا مقفش جمبك مين هيقف جمبك وبعدين يلا بقا ادخلي اخلعي الفستان و روحي للميكب ارتس وأنا هدفع سعر الفستان وهاجي وراكي علطول

نوران: حاضر يا ماما
ودخلت قلعت الفستان وعملت زي مامتها قالتلها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كارما: هاه يا ماما ايه رأيك فيا
مني وهي بتمسك ايدها وبتلفها: اللهم صلى على النبي ايه القمر ده يا كرملة
كارما بفرحة: بجد يا ماما يعني شكلي حلو
مني: قمر يا روح ماما ده انتي هتتعاكسي مننا
كارما بضحك: محدش يقدر يعكسني😂هروح اشوف حالظابط عمل ايه

♡كارما وهي بتخبط على باب اوضة شهاب♡
شهاب: ادخلي يا كرملة
كارما بإبتسامة: عرفت منين إن أنا؟
شهاب بضحك: قلبي حس إن انتي قولي بقا شكلي عامل ايه
كارما وهي بتعدله الكرفتا: قمر يا حالظابط عارف لو مكنتش اخويا كان زماني متجوزك😂
شهاب بضحك: ومين قالك اصلا إني كنت هرضي اتجوزك
كارما: اخص عليك يا حالظابط أنت تطول اصلا تتجوزني ده يابخته اللي هيتجوزني أمه دعيله
شهاب ضحك بصوت عالي: لاء ضحكتيني يا كيمو😂
كارما: نينيني بارد بصحيح وبعدين خلص يلا زمان النااس مستنينا
شهاب وهو بيحط برفان: أنا خلاص خلصت

وطلعوا برا الأوضة هما الاتنين وكانوا جهزين وما شاء الله الاتنين كانوا زي القمر

يوسف: خلاص ياولاد كده
شهاب: خلاص يا حج يلا بينا
يوسف: يلا بينا بس ادي للناس رنة قبل ما نروح
شهاب: حاضر يا بابا وطلع التلفون و رن على آسر
ايه يا آسر أنا جاي اهه انتوا جاهزين
آسر/.........
شهاب:يلا بينا آسر بيقولي انهم جهزوا