أوقعتني في الغرام✨💗

♕♡البارت السابع♡♕

part 7
نوران بزعيق: أنت ازاي تسمح لنفسڪ انك تمسڪ ايدي بالطريقة دي
الشاب: براحة يا آنسة محصلش حاجة لكل ده أنا بس مش عاوزڪ تمشي وأنت مضيقة من اللي حصل
نوران بصتله بقرف ومشيت من قدامه من غير ما ترد عليه
الشاب بإبتسامة: ايه البت مجنونة دي
نوران خصلت هي وصحباتها شوبنج و راحوا علي الشليه بتاعهم وكل واحدة دخلت اوضتها عشان تستريح
نوران دخلت الاوضة وهي بتنفخ
سارة: ايه يا نوران بتنفخي ليه ايه اللي حصل؟!
نوران حكت لمامتها اللي حصل بالتفصيل
سارة: بس يانوران أنا مش شايفة الراجل غلطان في حاجه هو غلط واعتزر انتي بس اللي كبرتي الموضوع زيادة عن اللزوم
نوران: يعني أنا يا ماما اللي غلطانة
سارة: ايوه يا حبيبتي انتي اللي غلطانة وطبعا دي مفيش فيها مجملة لازم كل واحد يعرف غلطه
نوران سڪت ومتكلمتش بس حست فعلا انها غلطانة

وعدي عليهم أسبوع جميل واستمتعوا فيه بكل حاجة وقدروا يغيروا جوه ونوران بدأت تنسي اللي كانت بتحبه ورجعت لحياتها الطبيعة
******************************************
محمد ڪلم والد كاميليا واتفق معاه انه يجيلهم يوم الخميس بليل  عشان يتفق معاه علي معاد تحديد الفرح هو خلاص جهز كل حاجة معتشي نقصله حاجة غير كاميليا محمد بيحب كاميليا اوي ومعتشي قادر يعيش من غيرهاا

يوم الخميس بليل في بيت كاميليا✨
مني وهي بتكلم كارما: هاه كل حاجة كده بقت جاهزة
كارما بفرحة: ايوه يا ماما كل حاجة بقت......... وقطع كلامها جرس الباب وهو بيرن
مني: ادخلي انتي بسرعة شوفي اختڪ خلصت ولا لسه علي ما افتح الباب
كارما دخلت الأوضة عند كاميليا ومني فتحت الباب وهي بترحب بيهم وبدأوا يسلموا علي بعض وياخدوا بعض بالاحضان ويوسف طلع من الاوضة بعد ما لبس واتشيڪ علي الاخر واكنه هو العريس😂

وقعدوا في الصالون وبداوا يتكلموا
يوسف: ازيڪ يابني يا عامل ايه
محمد: الحمدلله يا عمي كويس

وبعد لما محمد خلص كلامه طلعت كارما ومعاها كاميليا اللي كانت شبه القمر كانت لبسة فستان بينڪ لحد بعد الركبة وكانت عاملة شعرها ديل حصان و منزلة أوصة جميلة جدا وحطت ميڪ اب خفيف وكان شكلها زي الاميرات كانت جميلة أوي أوي
كاميليا وهي حاطة وشها في الأرض من الكسوف: السلام عليكم
كاميليا بدات تسلم عليهم وبدات بحماتها
كوثر(مامت محمد) وهي بتحضنها: عروسة ابني القمر ربنا يحفظڪ ياحبيبتي ويحميكي من العين
مريم(اخت محمد الوحيدة): ايه القمر ده يا كوكي
كاميليا بإبتسامة: ده انتي اللي قمر والله
الدور جيه علي محمد
محمد قام وقف وسلم عليها: ايه الحلاوة دي
كاميليا حطت وشها في الأرض من الكسوف وقالته: شكرا
محمد ماسڪ ايدها ومش راضي يسبها و نسي اللي حوليه و ركز مع شكلها وجمالها بس
يوسف بصوت لفت انتباه محمد: نتفق بقا علي معاد الفرح
محمد فاق من شروده: ايوه نتفق وبدا يتكلم هو و أمه
كوثر: احنا عاوزين نعمل الفرح علي آخر الشهر واحنا الحمدلله ابننا جهز كل حاجة وبصت ل كاميليا بإبتسامة مفيش حاجة ناقصة اللي العروسة
يوسف: بس انتوا مستعجلين ليه كده
محمد: ياعمي مستعجلين علي ايه احنا مخطبين بقلنا سنتين وأنا بقا بصراحه ياعمي معتش قادر استني أكتر من كده
يوسف ابتسم: طب ناخد رأي العروسة الأول ايه رأيك يا كاميليا
كاميليا وهي بتبص في الارض وبتفرك في ايدها: اللي حضرتك تشوفه يا بابا
يوسف: علي خيرت الله نقرءا الفاتحة