أوقعتني في الغرام✨💗

♕♡البارت السادس♡♕

Part 6💗✨
كارما: ايه يا ما ومكملتش كلامها من اللي شافته!!!
مني بخوف: ايه الدم ده يا كارما وايه اللي جابه علي قميصك
كارما: وهي بتفتكر
Flash Back
وكارما طالعة من مكتب آسر بعد اللي حصل بتبص لاقت ايدها بتنزل دم في استغربت الدم ده جي منين وبعدين قالت ممكن اكون اتخبطت في حاجة بالغلط عشان كده اتجرحت وفجاة بتبص علي قميصها لقيت عليه دم من ايدها ف راحت بسرعه علي الحمام عشان تنظفه بس برضو الدم بقا ليه آثر علي القميص
ورجعت علي شغلها تاني وتجاهلت الموضوع

كارما بشرود: اه يا ماما الدم ده ايدي أصلها انجرحت مني وأنا في الشغل بس الحمدلله جات سليمة
مني بتحذير: مش تبقي تاخدي بالك يا كارما
كارما: الحمدلله يا ماما حصل خير
مني: الحمدلله ياحبيبتي عاوزه حاجه بقا تصبحي على خير
كارما بإبتسامة: وانتي بألف خير ي ماما
وخرجت مني من أوضة كارما و راحت علي أوضتها عشان تنام وكارما كمان راحت في النوم لانها كانت تعبانة أوي
*******************************************
تاني يوم الصبح في بيت آسر
سارة قالت ل عز علي موضوع الساحل وهو وافق بعد منهدة طويلة طول الليل
سارة حضرت الشنط هي و نوران و كانوا جاهزين للسافر
نوران بفرحة: بجد يا ماما أنا مش مصدقة إن بابا وافق بجد أنا هموت من الفرحة
سارة بإبتسامة: والله يا نور أنا تعبت لحد ما اقنعته بس الحمدلله انه وافق
نوران: الحمدلله يا ماما
ونوران بدأت تكلم صاحبها اللي متفقين يروحوا معاها وبعد ساعات قليلة وصلوا
وكلهم كانوا فرحنين أوي والفرحة ملت المڪان وسارة كانت مبسوطة جدا انها قدرت تسعد بنتها وتطلعها من اللي هي فيه
نوران بفرحة كبيرة: يلا يا ماما عشان ننزل المياه البحر شكله يجنن
سارة: لاء انزلي انتي و صحابڪ ياحبيبتي وأنا هقعد اتفرج عليڪم من هنا
نوران وهي بتبوس أمها: براحتڪ يا سوسو ونادت علي صحابها بصوت عالي يلا يابنات عشان نخربها
ونزلوا المياه وفضلوا يلعبوا مع بعض في المياه وكانوا فرحنين أوي كل ده وسارة قاعده بره علي الشاطئ بتتفرج عليهم و بتبتسم
**************************************
مني: ايه ده كارما انتي مش رايحة الشغل ولا ايه
كارما: لاء يا ماما مش هروح الشغل النهارده
مني: ليه يابنتي ده انتي لسه ملحقتيش تروحي حاجة
كارما: مليش مزاج اروح النهارده وبعدين قالتلها بهزار ايه يا منمن انتي معتيش عاوزاني اقعد في البيت ولا ايه
مني: لاء ياحبيبتي مش المقصود بس أنا فكرت في حصل حاجة مابينك أنت وحد أو اضربتي مع حد عشان كده مش عاوزة تروحي
كارما بارتباك: لاء يا ماما محلصش حاجة ومش زعلانه من حد وحبت تغير الموضوع اومال صحيح البت كاميليا فين؟!
مني: نزلت مع ابوها وهو رايح الشغل عشان تجيب شوية طلبات للبيت
كارما: اممم ماشي بقولك صحيح أنا هلبس وهروح ل نانسي أصل زمانها زعلانه مني
مني: ايوه صحيح دي جتلك بس أنا نسيت اقولك وفعلا كانت زعلانه انڪ مقلتلهاش علي شغلك الجديد
كارما: لاء أنا كده لازم اروحلها عشان اصلحها
*****************************************
آسر راح الشركة واستغرب إن كارما لسه مجتيش دي اتاخرت ساعة عن معادها الأساسي هو خاف لتكون سابت الشغل
آسر بيفكر يرن عليها بس هو متردد يرن وفجاة لقه نفسه بيطلع التلفون وبيرن
آسر: الو ايه يا كارما انتي مجتيش الشغل ليه لحد دلوقتي
كارما: تعبانه شويه عشان كده مقدرتش اجي
آسر بخوف عليها: تعبانه مالك؟! فيكي ايه؟!
كارما وهي مستغربة لهفته عليها: لاء مفيش حاجه شوية صداع وهيروحوا لحالهم
آسر: ألف سلامة عليكي يا كارما هو ممكن ابقي اتصل علي بليل عشان اطمن عليكي
ڪارما ابتسمت ومردتش عليه
آسر بفرحة: خلاص اتفاقنا هرن عليكي بليل «هي أصلا مردتش عليه ومقلتلهوش رن😂»
ڪارما قفلت معاه وكانت بتبتسم وقلبها بيدق بسرعة ومكنتش قادرة تاخذ نفسها هي متوقعتش انه يرن و يسأل عليها