أوقعتني في الغرام✨💗

♕♡البارت الخامس♡♕

Part 5

مروان اتصمد مكانه من اللي سامعه😮
مروان سمع محمود بيتكلم بصوت واطي جدا وكان بيقول
محمود بخفوت: يا معتز بيه أنا بقيت عايش في رعب بيقت حاسس إني هتكشف في أي وقت معتش عارفه اعمل ايه أنا تعبت والله تعبت
معتز /.......
محمود بصوت حزين: حاضر يامعتز بيه مسافة الطريق وهكون عندڪ
مروان سمع كده و راح على مكتب آسر بسرعه مروان كان عاوز يلحقه قبل لما يروح ولحسن حظه لقاه لسه مروحش
مروان وهو بينهج: آسر الحمدلله انك مروحتش
آسر بخوف على مروان: مروان في ايه يا مروان أنت تعبان
مروان: مفيش وقت للكلام تعالي معايا بسرعة وأنا هحكيلك على كل حاجة
آسر بعدم فهم: اجي معاك علي فين وهتحكيلي ايه أنا مش فاهم حاجة
مروان وهو بيحاول ياخد نفسه: هفهمك كل حاجة واحنا في الطريق
مروان و آسر ركبوا العربية و مروان حكي كل حاجة ل آسر
آسر بذهول: محمود محمود يعمل كده أنا مش مصدق ده آخر شخص  كان يجي في بالي انه يعمل كده بجد أنا مش مصدق اللي سمعته
مروان: والله يا آسر ولا أنا مصدق اللي حصل أنا حاسس إني بحلم
آسر: طب احنا هنعمل ايه دلوقتي
مروان: هنفضل ماشين وراه زي ما احنا وهنشوف هيقابل معتز فين وهنحاول نسمع هيقولوا ايه وبعد كده وهو طالع هنشممه وهناخده في مكان بعيد
آسر بتوعد: والله لوريه 
♡محمود وصل للمكان اللي بيقابل فيه معتز♡
ونزل من العربية وهو بيتلفت حوليه عشان يتأكد إن مفيش حد شايفه
معتز كان مستنيه في الجنينة بتاعت الڨيلا و قاعدوا المره دي في الجنينة على عكس كل مرة
و مروان و آسر وقفوا وراه شجرة كبيرة عشان محدش يشوفهم وسمعوا كل حاجة دارت بينهم
بعد شويه خرج محمود وجيه عشان يركب العربية مروان ضربه على دماغه و بسرعه شالوه و ركبوه العربية عشان محدش يشوفهم
****************************************
سارة بقلق: ياترا أنت فين يا آسر لحد دلوقتي ومش بترد علي تلفونك ليه
عز وهو بيحاول يداري خوفه: اهدي يا سارة اكيد هو في مكان مفيش فيه شبكة وإن شاء الله زمانه جاي
سارة بدموع: أنا عاوزة ابني أنا خايفة ليڪون حصله حاجة اتصرف يا عز وهاتلي ابني
نوران بتحاول تهدي أمها: يا ماما اهدي اكيد هو عنده شغل عشان كده اتأخر
سارة بعياط هستيري: يارب احفظلي ابني يارب و رجعهولي بالسلامة😭

معتز وهو طالع من الڤيلا مروح: ايه ده هو محمود ساب عربيته ليه اومال روح ازي المجنون ده وطلع تلفونه وحاول يتصل بيه بس التلفون بتاعه كان مغلق معتز محطش في دماغه و ركب عربيته عشان يروح
***************************************
♡في مكان بعيد في بيت مهجور♡
آسر وهو قاعد علي الكرسي مسك كوباية مياه و رشها في وش محمود
محمود بخضة: ايه في ايه وبيبص قدامة لقي آسر قاعد علي الكرسي محمود وهو بيقطع في الكلام: ا ا آسر بيه
آسر بصوت عالي: أنت خليت فيها بيه ولا زفت ليه عملت كده أنا عملت فيڪ ايه وقال بصوت اعلي رد عليا
محمود بدموع: أنا هحكيلك على كل حاجة يا آسر بيه
مروان: وأنت فاكر اننا هنصدقڪ احنا معدناش بنصق فيڪ بعد اللي عملته
محمود بدموع: والله العظيم هقول الحقيقة بس صدقوني
آسر وهو ماسڪ دماغه: قول اللي عندڪ واخلص
محمود: بدأ يحكلهم على كل حاجة من الأول وفعلا مكذبش في حرف
Flash Back♡
في يوم كنت طالع من الشركة مروح لقيت عربية جايه عليا و فجأة نزل منها ناس و خدروني ومحستش بنفسي إلا و أنا قدام معتز وهو بيقولي
معتز بصوت مخيف: نورت المكان يا محمود مش اسمك محمود برضو
محمود: أنت مين وعاوز مني ايه
معتز: أنا اسمي معتز بيه وعاوز منك طلب لو نفذتهولي هتطلع من هنا سليم وبخير
محمود: وايه هو الطلب ده
معتز: تنقلي كل أخبار آسر المنشاوي
محمود بصدمة: آسر بيه لأ طبعا مستحيل اعمل حاجة زي كده
معتز وهو ماسڪ السكينة وبيمشي ايده عليها: يبقي اترحم على عيالك ومراتك
محمود بعياط: عيالي و مراتي لأء بلاش ونبي تأذيني فيهم دول أغلي حاجة في حياتي ومليش غيرهم في الدنيا
معتز: يبقي تنفذ اللي بقولك عليه
محمود بكسره: هنفذ كل اللي هتطلبه مني💔
معتز بضحكة شر: كده أنت جدع