احمد: هو انا مش اعتذرت ايه ده
يلبس و يطلع فوق و يخبط على الباب
تفتحله ندى
احمد: السلام عليكم
ندى : خير
هند: مين يا ندى
ندى: جارنا يا ماما
هند: يا حج البشمهندس على الباب
ابراهيم: اهلا اهلا يا هندسه اتفضل
ندى تدخل جوه
احمد: اهلا بيك يا حج
ابراهيم: اتفضل اتفضل
احمد : شكرا يا حج
يدخلو الصاله
هند : ندى
ندى: عاوزة ايه يا هند
هند: يا مزغوده عندنا ضيف ساعدينى و قوليلى ماما قدامه
ندى : ليه أن شاء الله
هند: خلاص روحى
و تجهز السفره
فى الوقت ده
ابراهيم: نورتنا يا باش مهندس
احمد: منوره بيك يا حج
ابراهيم: بص يا بشمهندس انا عندى حته ارض جنبنا هنا بفكر ابنيها
احمد: تمام
ابراهيم: خلاص يا باشمهندس شوف عاوز تبتدى امتى
احمد: ممكن اظبط الاسبوع الجاي ان شاء الله
ابراهيم: تمام يا بشمهندس
هند: يا حج السفره جاهزه
ابراهيم: يلا بقا ناكل لقمه مع بعض و يبقى عيش و ملح
احمد: انا اعتذرتلك مع ندى و جيت علشان خاطرك
ابراهيم: مقالتليش بس بردو ناكل مع بعض و يبقى عيش و ملح
احمد: اعذرنى
ابراهيم : مينفعش لازم تاكل طبعا احنا مش بخله
احمد: ماشى يا حج
ابراهيم: اه صح يا بشمهندس
احمد: اتفضل يا حج
ابراهيم: طبعا انت شوفت ندوش
احمد: ندوش مين
ابراهيم : كل مد ايدك
ندوش بنتى ندى
احمد: اه شوفتها
باكل اهو
ابراهيم: بص يا سيدى عاوزك تديها درس
احمد: درس درس ايه
ابراهيم: ندوووش
ندى تاجى : ايه
ابراهيم: اهو جبتلك مدرس ممتاز
احمد: يا حج انا مهندس مش مدرس
ابراهيم: يا بشمهندس درسلها مش هتخسر حاجه
ندى: معتقدش هيعرف يدرسلى
احمد بنظره تحدى: خلاص هدرسلها يا حج و من بكره
ندى: بس انا مش موافقه
ابراهيم: خلاص يا بشمهندس من امتى هتبتدى
يتبع
