فصليه الشيخ انور

بارت ١٢🤎

انور:طلعنه من ابو فاضل (عليه السلام)وبوجهنا للمستشفى حتى اشوف بنيتي ضوه عيوني من فرحتي سويت الطريق ساعه كلش فرحان لانو كعدت ...علي خويه خابر حسين خلي يحضرون ذبايح وخلي يجيبون الطباخين لانو راح اسوي عزيمه
علي:صار خويه دللل...فرحان على فرحه انور لعد شكد يحبه الله يخليهم سوه ...اكول خويه اريد اكلك شي ادري مو وقته بس راح تضل حسره
انور:گول عضيدي شمالك
علي:شوف خويه اني صار هواي من خطبت اختك خويه احنه دنگبر وانت هم راح يصير عمرك ٣١ يعني لازم يلي بگدك عنده زلم مشوربه فحاب اگلك خويه انو بس تصير رسل زينه اني اخذ اختك لانو ما اتحمل بعد
انور :شگد عار كاعد يمي وتحجيرعلي خيتي  هههه ...دلل خويه چا بس انت اني طگت حوصلتي واريد اتزوجه واشوف جهالي الله كريم هيه بس خلي تصير زينه واطلع القضى والمضى
علي :هاي شنو خويه اذكر واحد قبل سنتين يگول زواج لعبان نفس  ودوخه راس چني اشوف غيره
انور :اسكت خايب والله لو يسمعون يسولي زفه علي وداعت بويه اذا طلع الحجي حلكك اشك*** زين وقد اعذر من انذر
علي :شسالفه بيوه هيه حرمتك وتحبه قابل مسوي جريمه لو حرام
انور :وللك هسه يگولون زلمه خشنه والكل تخاف منه هيج يصير بي من وره حرمه ...وصلنا للمستشفى ودخلت رگض على رسل شفته كاعده دخلت وبقيت وحدي يمه ...خخخخ بويه شسويتي بيه لج ماگلتي هذا نوير ميگدر بدوني ولج شگيتي كلبي لعبتي شناو بيه بويه
رسل:انورر ويننك ليش من فتحت عيني انتي ماكو وليش هيج تعبان انور شبيك تعبان بيك شي
انور :لج بويه كلشي بيه اني ولج بربو*** صالي ثلاثه ايام ما خليت اكل بحلگي تسودنت بويه
رسل:عزززهه ولك شسالفتك لسانك بابا
انور:اروح فدوه لبنيتي شلونج اكو شي يوجعج
رسل:خايفه انور خايفه وينك عني انت ليش عفتني بذاك اليوم وطلعت ...بجيت واني دموعي احسه جمر من الحراره
انور :شبيج بويه ليش تبجين اني يمج ليش خايفه بعد روحي يا ضوه عيوني اني دوم وياج وما اعوفج  خخخ بويه شسويتي بيه ولج احبج لج تسودنت شسويتي بيه
رسل:انور
انور :روحه
رسل:جوعانه
انور:هسه مو دا اغازلج شبيج مو صاير عندي جفاف اشتعلو واحتركو بغاز
رسل بخجل:اووي انور شبيك بعدين ليش ما اكلت انت صغير واحد يكلك لو شفتني ماكو كلت ايي خلي العب بكيفي   واهمل نفسي
انور:لج بويه انطيني فگه احجي شبيج هسه رايح اجيب اكل شنو تردين
رسل :اريدك انت انور لتروح عني اخاف انت سندي انتي بوجودك احس الدنيه امان  وانت يمي انسى كلشي انور فتحت عيني لكيتك ماكو حسيت راح اموت انور لتعوفني اندارلك فدوه ...اشهك وابجي انور لتعوفني وعد
انور :اهدي بويه ماعوفج وداعتج وعد رجال ما عوفج تعالي شنو نطيني بوسه لا امعطج معط والخلقج العب شناو بيج ...تقربت حتى ابوسه
ام انور:يمه انور ...يا خايب شدسوي شمالك لبنيه مريضه لو دكيت رجل
انور:ها يمه ها خير
ام انور :اني راجعه للبيت لانو راح يجون بيت خالاتك زين لو لا
انور:روحي يوم الله وياج
ام انور:اي رايحه انور مو تنجلب هنا مستشفى خوش
انور:يمه شسالفه شبيج روحي الله وياج
رسل:انور اريد اطلع من المستشفى تعبت
انور :هسه اشوف الدكتور يلا رايح ...مرحبا دكتور
الدكتور:هلا استاذ انور تفضل
انور:زاد فضلك بويه بس علمود زوجتي اكدر اطلعه لو لا
الدكتور :اذا تريد اطلعه على ضمانتك بس تحتاج راحه خصوصا من الصدمه يلي مرت بيه ممكن تسسب اله حاله نفسيه بعد مرور لايام انتبه عليه وتحتاج راحه واكل صحي لانو تعرضت لمضاعفات ونزفت دم
انور :صار دكتور  تعبتك وياي دكتور :لا ولو دلل
انور:طلعت رسل وبطريقي للبيت ...رسل بويه لا تتقربين من بنات خالتي هواي ولا تحجين اي شي زين بويه
رسل:ليش انور
انور:بنيتي هذني شرانيات  خصوصا هاي يلي اسمه حنان زين ديري بالج منه واي تسأل لا تجاوبين ولا تنطينه اي معلومه عني اني وياج زين بويه
رسل : زين بس...
انور:لا بس ولا بطيخ خلي اخابر علي ...الو علي ها بويه حضرت الذبايح
علي :هلا ابو فضل  اي بويه حضرته وننتضركم كلشي جاهز
انور :خوش مو تضل كاعد اتحرك كو***
علي :لا ابو فضل محلوه منك من البارحه واكف وتعبان ورايه دوام بعد يومين كل هذا لجل عينك
انور:ديلا لاتضل تمسلت روحي شوف شغلك
علي :اكلك هاي حنان بت خالتك شگت ط*** شكد صلفه
انور :اهووو والله ماريد ارجع للبيت حبيبي يلي يشگ ط*** شگ حلكه بلقندرااا
علي :ولو لا توصي حريص عندي كومه قنادر احتياط للحاله الطارئه  ديلا ولي جايب سمج من فلوسي اله اغثك
انور :دولي هنه سمجات خابصنه يلا  مع السلامه ...هلو
رسل:يمه حموتتت ضحك خخخ يابه
انور:هاي شبيج بويه
رسل:تعال اكلك منو ابو فضل
انور:اني ابو فضل نذرت  من چنتي بلعمليات رحت ل ابو فاضل (ع) اذا صرتي. زينه اول ولد النه اسمي فضل
رسل:حبيبي ابو فضولي
انور:هاي شنو صايره قويه مطورين
رسل:انور لتعوفني ابد ترى خايفه عليك الله
انور :اني. وياج بويه وياج ام فضل ...وصلنا للبيت ودخلنه وذبحو جوه رجل رسل واستلملتنه حبوبه واني بلچكليت وهلاهل
الجده:يمه هلا بريحه الغاليه هلا بيعد گلبي البيت وحشه بلياج الحمدالله على سلامتج امي انتي
رسل :الله يسلمج حبوبه مشتاقتلج
گمر :رسل حبيبتي يمه اخيرا نور البيت بعد روحي البيت محلو بلياج عمري انتي مرت الغالي
الاء:البيت محلو بدونج رسل خايبه اشتاقينه الحمدالله نورتي البيت
زهوره:باچي رسل اخيرااا وين جنتي ليش عفتيني
رسل:حبيبتي انتي هايتني اني يمج اروح فدوه
حسين :هلا بمرت الغالي يمعوده البيت طفى مابي نور وينج يمعوده مكانج خالي
رحمان :هلا هلا بورده البيت هلا بطباخه البيت
حنان :شدعوه ترى ماماتت هياته شبيكم
ام انور:يمه غير نحبه هاي مرت الغالي يلا يمه انور روح ويه مرتك خلي ترتاح
رسل:انور خليني اصعد فوگ
انور :يلا بنيتي امشي ...گمر خويه حضري اكل ل. رسل
گمر :تدلل مرت الغالي
رسل:صعدت فوگ ودخلت للغرفه وصرت ابجي انور انور اخيرا رجعت لغرفتي انور لتعوفني الله يخليك
انور:تعالي بنيتي تعالي حضنته وضلت تبجي ...شبيج بويه تبجين شبيج
رسل:خفت اعوفك انور خفت
انور :لا تخافين بويه يلا  هسه اصيحلج گمر تساعدج تبدلين ...گمر گمر
گمر:ها خويه
انور:تعالي بويه ...تعالي ساعدي رسل خلي تبدل
گمر :تعالي رسل حبيبي خلي اساعدج ...خويه ترى الدنيه غربت والعالم بره عيب روح اطلع
انور:يلاطالع راح انزل
گمر :رسل حبيبي اروح اجيبلج شاش ومعقم للجرح ماتج
رسل:گمر لتعوفيني وحدي
گمر :هياتني هسه دقايق
رسل :لا تتأخرين ...طلعت گمر اخيرا رجعت لغرفتي بس الخوف بعده بداخلي ابد مراح انسى ذاك اليوم بحياتي  وينه هاي اتأخرت فجأه طفت الگهرباء انور گمر وينكم ...خخخخخ انورررررر گمررر انورررررررر

انا ل حسيت بيوسف من نطعن من اخوانو ...
انا دموعي حجت بس محد شاف الحجي شبيه ...
انا عيون يعگوب الي بيضت من بجيها...
انا شوغت الولده الفگدت ابنها...

(الكاتبة عذاري)🕊🤎

يتبععع👈🏻🫂🤎