فصليه الشيخ انور

بارت ٢٠

#الشيخ انور ♥️🫂

قراءه ممتعه حبايب 🥹🫂

✩̣̣̣̣̣ͯ┄•͙✧⃝•͙┄✩ͯ•͙͙✩̣̣̣̣̣ͯ┄•͙✧⃝•͙┄✩ͯ•͙͙✩̣̣̣̣̣ͯ┄•͙✧⃝•͙┄✩ͯ•͙͙

سمعت صوت بلديوان انور وصوت بنيه
-انورر ليش هيج وياي قبل لتزوج اعترفتلك اني احبك ليش شنو فرقي عن رسل ليش هيج تسوي بيه
-ياربي صبرك لج بابا اني متزوج احب رسل انتي منو متوصلين لنص اضفر رجلها اني محترم اخوانج خوش ولد بس انتي ذره تربيه ماعندج
-ليش تجرحني انور اني مستعده وانطيك نفسي وروحي بس اخذني الشرع حلل اربعه
-اي ولاربعه هنا رسل باعي لتخليني استخدم غير اسلوب وياج
-انت مو قبل جنت مهتم الي وتشتريلي ليش تغيرت عليه
-انتي كلتيها قبل يعني فعل ماضي ورسل الحاضر وجنت مهتملج لان حاسبج مثل كمر اختي وخلينه هيج احسن لا قسما بالله يصير غير حجي
-انور جرحتني واتحملت كسرت كلبي وسككت بس والله شوف شراح اسوي
-اعلى مابخيلج اركبي
-رحت للمطبخ واني كلبي محترك حرك والله لو الزمه اكلها بين سنوني همست اكلج كمر
-اممم
-شنو حنان اشو جايه وليش وحدها
-لانو اخوها محسن مسافر ولاخ عنده شغل وامها راحت للهند علمود العلاج اخذها محسن وهيه اجتي هنا
-اهووو شلون راح تكضي لايام وياها اجه انور يسلم ويطلع وهيه اجتي وعيونه حمر حقيره اني الها رحت اتمايل يم انور...حبيبي شنو رايح
-اي ليش رايده شي بويه
-عدلت ياخه دشداشته ...احم لا عيني بس دير بالك على نفسك من الحساد لايحسدون طولك بعدت عنه وكتله انور مثل ما اتفقنه ماكو هديه
-تأمرين زوجتي العزيزه
-راح طلع وبدينه نسوي غده ونضفنه صارت ب١٢ والولد على جيه صعدت حتى ابدل شفت حنان واكفه باب الغرفه
-شسوين اني هيي
-ها لا كلشي بس اريد الشاحنه مال مبايل
-روحي بغرفه كمر
-اي  اي رايحه
-دخلت جوه صدك نقهرت من شغله حنان بس حبيبي خوش ردها دخلت سبحت وخليت منشفه على جسمي وادندن ويه نفسي توجهت للكنتور ودخل انور
-الله يساعدك حبيبي
-ويساعدج بعد شيبات راسي
-شبيك ضايج انور
-مابيه حبيبي
-درت على الكنتور اطلع ملابس وين اختفى القميص مالتي اخاف انور شاله ندايرت ونزيت اشوف انور ورايه مايفصلنا غير سانتيمتر  شييك انور حجه بصوت ذبلان
-بيه انتي رسيله
-جيت اسئل...احس نفسه صار يتختلط ويه نفسي بعد وعيونه ذبلانه وعيون تتجول على وجهي
-شنو
-قميصي لابيض وينه يلي جبته الي
-مادري هسه عوفينا من القميص هدوني هديا حلوه لا تخبل
-شننننو انوررر شكلت الك اني هيج بعتني بسرعه ها لازم عجبتك ليش شبيه اني ماعجبتك هااا هسه طلكني انور ماريدك خليها تفيدك اني ابقى يمك وحده تشاركني بيك وخر ...تحجي ويا وهو عيونه يرسمن تفاصيل وجهي وعيونه تعبانه
-ما اطلكج لو تطلع نخله براسج بعدين انتي مشفتي الهديه شنو
-اكيد مريه انتو تموتون على النسوان سرسريه وخر عني رحت بدلت واني جمره خالين بكلبي والله يطلكني هيج يجذب عليه ويزوج عليه كملت جان واكف اجه جرني من ايدي واخذني يم الشباك
-باعي هديتي
-باوعت من الشباك ماكو بس موجود خيل (حصان) شنو ماكو وينها
-ولج الخيل هدوني مو مره
-نداريت بفرح وحضنته صدككك يعني مراح تزوج عليه
-مستحيل بويه انتي عاميه عيني يابعد عيني
-انور احبك للتخيل بويم اعوفك لو اكرهك صدكني وراح ابقى بس الموت يفرقنه
-واني هم احبنج ولج خبلتيني ولج انه شيخ وزلمه مشورب خلبلتني ولج شسويتي بيه
-چا غير مرت الشيخ
-وشحلات ال چا من حلكج يمن اغدي فدوه
-عيب عليك تتغزل بيه اله اكلو لزوجي
-زوجج يخوف
-كلش زلمه قوي  مثل جبل ينفخ عليك ويطيرك
-چا شسوي انه طحت بحشگج
-كرصته بخشمه وانه احبك ابو بيتي ...بدلنا ونزلنا جوه وكعادين يحضرون للغده وجه كمر احمر شبيج ولج
-حددو العرس سبوع لاخ عرسي ونور سوه
-اي كلي حازم بلخير شايفه كل الخير حبيبي
-حبيبي والله
-اكلج لعد ميساء الساحره وين
-منو ؟
-حنان غير
-ها كالت راحت للسوبر ماركت
-الله لاردها هلحقيره
-دمشي يله نتغدى
-رحنه نتغده وكاعدين نسولف على اجواء العرس وشنو نسوي حازم وعلي التحقو بلدوام ورحمان كاعد يقلد علينه اني ورونق
-اكو هسه منو رسل ومنو ورقه مادري رونق
-ورقه شنو عيب عليك اسمي رونق شكبرك ماتعرف تلفض اسم زين والله يالله ورقه عندك قلم
-باع السان تكول دلاله استچني عيني سندس شكلنه كبيتي عليه
-هسه شتريد اني رونق وهاي رسل زين
-لا اسياسيل هههه
-قديمه
-لا
-وعلا
-خفه لهل حلك جنج بطه
-صبرك ربي
-ااااش شبيكم رحمان نجب واكل
-دلل نوير شعدني غيرك احبل اجيب
-نجب حيوان لتضل تمسلت وخلص روح شوف البستان شوف الشغل
-صار يمعود افتهمت
-يلا
-الكلك صدك هذا الخيل بره منو هدا الك
-ها قصدك لادهم *اليوم بلكعده حليت المشكله وهدانيا الشيخ حسن
-اممم
-اكلنه وخلصنا بعدنه نغسل بلماعين دخلت حنان دخلت جوه بسرعه
الاء:اكل ايدي اذا سالفتها خاليه
-خلي تولي جنه ميساء الساحرة
-هههههه والله عندج سوالف
-صدك باي شهر دخلتي
-بشهر الرابع
-تنهدت الله يتتم الج تستاهلين كل خير
-حبيبتي يوم الج بعدج صغيره ودرب طويل كدامج
-الحمدالله رحنه كل وحده لغرفتها دخلت للغرفه انور كاعد يخابر بلتليفون كلت اخبث شوي اجيت كعدت بحضنه وحضنت ركبته واشم بي همست يم اذنه حبيبي
-اي اي مثل مكتلك اي ياخي ليش تلح خرب اشتعا حازم ...ها مو وياك دروح دروح ياخي ليش تلح هلو ...الله وياك
-كمت انفر بجلدي
-لج ليش متعقلين وتوبين مشوفيني اخابر
-باوعت صفح وليش هيج معصب سيد غضبان لازم اتصال مهم ...جرني اله زايد
-اي كلش مهم وهسه عندي شغل وياج تعالي
-شايلني على ضهره واني اضرب بي اريده يهدني نزلني على الجربايه ويدغدغ بيه تعب ونام بصفي
-اكلك الجو يساعد على النوم كوم طفي الضوه
-باع البر*** كومي انتي
-باوعت صفح وكمت
-عيونج لا افكسهن زين لو لا
-فدوه للعصبي حوياتي
-وخفى انعوج حلكي
-جيت نمت وماحسيت على نفسي
الدرب ضلمه ويخوف اسواط حيوانات ماعرف منين تجي صوت طبول اني اركض والبزون ورايه تركض انوووور وووينكككك الدب طين وخيسه وروائح كريها فزيت وصحت انننننووور
-شبيج اسم الله شبيج بويه
-وخررر مننني راح تخنكني
-شبيج بويه شصار كابوس عدت
-دا اكلك وخر خنكتني
-زين وخرت مصار شي يلا كومي
-كمت غسلت ونزلت واني خايفه من الحلم وجهي اصفر اطرافي بارده لشتي ترجف
-شبيج يمه تعبانه
-مابيه شي تعبانه عمه
-خير انشالله
-كعدنه نتعشه وكملنا الولد يلعبون دومنا بلحديقه وعمتي وعمي طلعو والاء وحسين راحو للدكتوره وبيبي كاعده ويانا احنه البنات وعمي طالع وعمتي يمنه حنان ولت مادري وين عساها لا راجعه انشالله
كاعدين نسوالف ما احس الهه اختنكت وجسمه صارت بي رجفه اريد اجر النفس ما اكدر كامن البنات يمي
-ولج شبيج عزا بعيني رسل شبيج
-عزززا ولجن صارت زركه ولج ماما لحكي
-شوي شوي عنه خلي تتنفس بسم الله عليج شبيج يمه
-رسللل تسمعيني خاله شبيه اختي
-مادري والله روحي خديجه يمه صيحي الولد
-اني ماحس بشي بس النفس احسه كوه يدخل ريتي دخل انور واني اشوف ورا البزونه السوده صرت ابجي واعيط
-لج شبيج رسل شبيج بابًا ياعيني
-وخخخخر راااح تخنككككني خالللله خلي يووووخر عني
-اسم الله بنيتي شبيج يمه وخر عنه شوي
-للللج شششبيج الصصصبح مابببيج شيييي راح تخبللليني
-وخخخخر مارريدك راح تخنكني اخذني البنات لغرفه بيبي ونايمه بحضنه وهي تقرا على راسي
-شبيج بعد بيتي شجاج
-بيبي يريد يخنكني
-منو هو ولج
-انور بيبي يريد اموت يخنكني
-آسم الله بنيتي انور يحبج مستحيل يسوي هيج بيج
-لا بيبي هو مايحبني خلي يطلكني ماريده
-يا ولج فلك شبيج امي انتي
-ما احبه بيبي ماريده خلي يطلكني
-نامي امي نامي نمت واني احلم البزونه السوده كاعده علي تريد تخنكني واعيط واصيح وانور كدامي يضحك انورررر وخخخخر عني صحيت واصيح
-اسم الله يمه شجاج ماتكولين شجاج
-بيبي يخنكوني والله
-ااخ يايمه شبيدي عليج نامي بعد هلي
-نمت على رجلها وهي تمسح على راسي فتحت الباب ودخل انور كعدت كورت نفسي مثل الجنين وابجي اجه يمي
-شبيج بويه شصار وياج
-طلكني انور
-شنو اطلكج شبيج شجاج بابا
-انت تريد تخنكني وخخخخر عننني
-لج بابا لتخبليني شنو يوجعج شبيج احجي اخذج للمستشفى
-ماررريد وخخخر عني الله يخليك عوفني راح اموت دتخنكني
-للللج شببببيج
-عوفه حبوبه عوفه ترتاح
-شبيه غير اعرف
-روح ماريد اشوف وجهك انت تخنكني ...طلع انور ومر اسبوع وخالتي من اسوء الو سيء كلش سائت حالتي انور ما اشوفه لانو بس اشوفه اتهستر واتخبل اجه عرس حازم وعلي وكلنه محضرين راحو للصالون بس اني مرحت خليت مكياج خفيف ولبست فستار مخصر لون حني وخليت شعري مفلول كاعده كاعده بغرفه بيبي ودخل انور واني هنا جسمي لزمته الرجفه واطرافي بردت اشوف وجه تعبان سواد جوه عينه وعيونه ذبلانه اجه كعد مقابيلي
-ماحنيتي بابا ليش هيج
-وخر انت تخنكني تعبت منك طلكني
-يصير خير والله اذا طلعت الشغله بالي صح اخذ حگج مربع بس اصبري ،
-اطلع انورر روحي من يمي ...طلع انور وبدا العرس والهلاهل والجكيلت واني كاعده بلغرفه محنوكه ماريد حتى اطلع اجتي الزفه وزفوهم وراحت الاء وام رحمان وياهم اني بقيت بلبيت يم حبوبه وعمتي
-شبيج يايمه ليش هيج ذبلانه
-اني دهورت حالتي اريد اجر النفس ماكو ،وخالي  مهند راح يركض يجيب الشيخ
-شبيج بنتي شنو تحسن
-يخنكوني ماريده خلي يروح
-منو هوا
-اشرت على انور ...شوف هذا ورا البزونه اخذوووو منننا يخخخخنكننني
-زين هدي شوي بنيتي
-ضل يقره على راسي وهدأت شوي دخلت رونق وخديجه يمي
-شبيج رسل ليش هيج
-مابيه شي
-شلون مابيج شي
-هو يخنكني يوميه ماريده خلي يروح منا خلي يطلكني ،
-ولج انور يحبج شوفي حاله شصار بي شنو يخنكج
-والله يخنكني والبزونه ورا اني اشوفها
-هدي حبيبتي يصير خير
-راحت نامن ودخلت حنان تبتسم
-ها شبيج
-شعليج
-چؤ خطيه انتي والله مثل ما اخذتي  انور مني كون الله ياخذج
-الله ينتقم منج انشالله ولي عني ...طلعت مني واني رحت للمطبخ حتى اشرب مي واسمع صياح انور يصيح ويعيط صعدت اركض ونصدمت

يتــ,ٰـبــ,ٰـ؏ــ,ٰـ 👈🏻

چا وين وعدك اليه...
چا مو كلت وعد نبقه سويه ...
چا شو تفارگنه وضلو الشمات يلومون بيه ...💔🥹

الكــ,ٰـاتــ,ٰـبــ,ٰـهہـــ,ٰــ,ٰٓ ؏ــ,ٰـذاري🍒🪐

محتاجه اصواتكم بليززز حبايب +شلونها لاحداث +احاول انزل بارت اكثر انشالله +صوتكم بليز

(ملاحضه:كايز اكدر انزل روايه اخرى اذا هاي ماكامله او لا )