فصليه الشيخ انور

بارت ٢٣♥️

#فصليه انور
قراءه ممتعه حبايب 🥹♥️

...............

-طلع انور يجيب اكل شوي وسمعنه صريخ بره دخل انور وجهه مخطوف
-شبيك انور
-تدرين منو شفت
-منو!!؟
-شفت حنان
-حنان ماغيرها بت خالتك
-چا لعد ياحنان
-شبيها ؟
-جايبيها للمستشفى مدمايا يلي سمعته من الدكاتره انو حامل ومسقطه
-عزززا خطيه الله يكون وياها
-كل يلي سوتى بيج وانتي محاقده
-صح يلي سوتى مو قليل بس ما اشمت بيها حرام عليه ما انكر اكرها بس متوصل الحقاره بيه اكرها
-اروح فدوه لبنيتي اني
-دخلت عمتي وباركتلي وجابو فطومه تخبل بيضه رموشها طوال مثل انور وخدودها صرت اگزگز عليها فدور لبنيتي اخدتها ارضعها انور
-ها بويه
-شوكت نطلع اختنكت من المستشفى
-هسه اشوف
-دخلت الدكتور وشافتني ومشالله ابد ماشالت عينها عن انور  وهوا مشالله منطلق يسولف اني اخزر بي طلعت الدكتوره وعمتي شالت فطومه وانور ساندني امشي همس
-شبيج
-لامابيه انت شبيك منطلق تسولف ويه الدكتوره مشالله وهيه اكلتك اكل بعيونها انشالله فگس
-اندار فدوه يلي تغار ...تغارين ولج
-چا ماشفتها شلون تباوعك
-هوا ياهو يلي جي يگول چا اشتعل حازم
-شدخل حازم حبيبي كل حجايه وشتمتو حازم
-امشي امشي صعدي بويه
-صعدت وعمتي تخابر خالتي كالت بعد ثلاث ايام عرس خديجه صحت ...لااااااا
-ولج شبيج زرفتي اذاني
-شنو هاي يعني مراح اكدر اروح واني نفسه
-عبالي شنو شبيها اثاري على العرس
-اي حبيبي جنت متحضره هههوف
-ولج ياعرس عوفي يولي بعدج انتي نفسه
-اي يايمه  ميصير ترحين اي عرس اله تطلع لاربعين
-حرامات يولو
-انكلبت انباريه ولا تستقر
-وصلنه للبيت ودخلنه وتلكوني كلهم ترحيب يجنن حطو جربايه (سرير) يم حبوبه بلغرفه وسرير الطفل يجنن ابيض وبي تور
-نورت يبعد  خالها اروح فدوا ونذر شهل جمال بويه تتربه بعزكم انشالله
-حبيبي الله يبارك بيك ...اجتي رونق تركض
-خلي اشيلها
-نطيتها الها صدك جنت اتمنى انو جهالي عدهم خاله وتحقق ابوع الها فرحانه اكثر مني
-حبيبه خالتها تجنن فدوا شكد ترفه وناعمه رسل ريحتها تجنن
-اي حبيبه لانو طفله هسه بس تكبر تملون منها ...اخذتها منها خليتها بلسرير ...انور
-ها بابا
-تعال بس ساعدني اريد اغسل ...اجه سندني وكفت اغسل وجهي وبللت شعري ورجعت لمكاني شفت ساعه ب١١ بليل توني اريد اغفى صاح انور
-بويه لا تنامين راح اجيب الج معلاك علمود تاكلين
-لا انور تحجي صدك ماحبه موطيب
-بكيفج انتي تاكلين غصبن ما عليج علمود فطومه حبيبه ابوها
-اي عيني هسه صارت فطومه طبعا اني اتعب وتجي غيري تاخدك
-ههههههه ها بويه تغارين من فطومه
-باوعت صفح وليس اغار
-وداعت عيونج هذين السحلني حركتيني حرك صار عندي بنات ثنين ولج راح يشيب كلبي اكثر من الشيب يلي براسي
-اجه كعد يمي وخليت ايدي على صدره اكول
-كولي بعد ابوج
-شكد صار عمرك
٣١ ثلاثيني مصكصك والبنات يموتن عليه
-ضربته خفيف ...هيج صارت انور منهي يلي تحبك هو انت شايب
-اي بويه شايب بس دهونتني طفله اخخخ ياكلبي شكد تعب منج
-ااااني!؟
-لا ابوي خلي اروح اجيب اكل لا تنامين
-خوش
-وهوشش
-طلع انور ودخلن نور وگمر كل وحده بطنها متر كدام ...هههههه هلا بلبطات
-اي ضحكي شكو عليج جبتي وارتاحيتي
-هانت حبايب بقى شهر مو
-اي والله خايفه
-لعد شكو تزوجتي اذا خايفه
-غير اخوج كتل نفسه عليه
-ام حلك اخويه نسيتي الختلات جوه الدرج لو اذكرج
-لا اذكر حبي هههههه
-وانتي الخ ام عليوي
-شكو شبيجن
-وجععع شوكت تجيبين ولي العهد شنو تسمي
-هوا بعد شهر والله علي يريده محمد واني اريده حسن
-حسن حلو ومحمد هم حلو
-والله شنو بكيفه اني كلت حسن يعني حسن
-عفيه بيج لا تنطي مجال
-هوا شنو متنطي مجال هو ابنه هم
-شو دسكتي انتي الخ ...ضلينه نسولف وراحن كل وحده لرجلها واجه انور جايب معلاك سديت خشمي
-ها بويه شكو
-عليك الله ماريد
-اهو سكتي واكلي
-ما والله
-اجه لزم ايدي بأيد وحده ولخ فتح حلكي ماكدرت اقاوم هو ضخم واني جني عصفور يفتح حلكي ويدحس اكل بي
-ها اكلتي لو لا
-وخر انور يلا روح
-وين اروح انام هنا يمج
-اوي حبيبي متكدر بدوني مو
-دنامي لا تنگفحين يلا
-شبيكك بس تزمخ بيه هااا؟
-ولج نامي ***
-والله ولا تستحي
-اخرخر مستحى بويه
-نمت وكعدت الصبح هوسه ...صباح الخير
-هلا يمه صباح النور
-شنو هاي الهوسه
-هاي انور والولد الذبايح بره وانور جاب طباخين والشيوخ وعالم بره،
-ها ساعه بيش،
-ساعه ب٩ يمه
-اخذت فطومه رضعته وبدلت الها اخذت ملابس ودخلت حتى اسبح لبست دشداشه لون قهوائي وسويت شعري كعكة مبعثره وخليت شوي مكياج ورجعت كعدت وبدن يجن النسوان ادري شكو من الصبح حلكي انعوج من التبوس والسلام والبات خطيه كضنها بلمطبخ
-ولج زهوره صخام وينج
-شبيج تصيحين
-ولج هذا ادم موتني ميكعد
-ها ماما
-ولج وين جنتي تعالي كعدي اخوج بينما اسوي كم شغله
-اي صار
-شلونج بالدراسه زهوره
-زينه باجي البارحه اخذت عشره من عشره صفگولي
-عفيه باجي عفيه خليج شاطره ...دخل انور مبين تعبان
-الله يساعدك
-ويساعدج بويه
-شلونها اميرتي الحلوه
-زينه
-ها ولج زهوره شلون بلدراسه عمي
-الحمدالله صفكولي البنات
-اي عفيه بيج
-اي والله ابقي هيج اقري لا تتقشمرين اكو واحد كال المرته اخليج تكملين بس شنو حجي اليل يمحي النهار يا باجي
-ها ولج چني احسچ تقصديني
-لا حبييي مو عليك بس هاي نصيحه
-اي خوش انه اروح العالم بره
-زين بالك على نفسك لا تتعب
-انشالله
-مر اسبوع كامل وخديجه ازوجت جنت اتمنى اروح بس انور مقبل يكول موزين بقت حسره بكلبي وهمه رجعو يسولفون يكولون تخبل طالعه وهو هم حلو شخصيه ورزانه وثكل الله يوفقها اني صعدت بغرفتي خطيه انور
-ها بويه شسوين
-ماكو جنت ابدل لفطومه ...اجه شالها ويحاجيها حلوه علاقت لاب ويه بنته خصوصا البنيه بس اويلي على حضني ما عشت مثل البنات
-لعد حازم وين
-راح هو وعلي تقدمت ولادت نور وگمر خطيه طلعن حاسبات غلط وراحت للمستشفى
-انشالله خير
-طلع انور عنده فصل واني اخذت فطومه ونزلت دينه نحضر عشه ومن هاي الهوسه وبليل اجه رحمان كال جابن نور وگمر جابن ولد وعلي مسمي حسن ههههه والله ياگمر وحازم سمى مچتبى كالو باجر يطلعوهن لانو عمليه

●☆● ☆● ☆● ☆●●☆● ☆● ☆● ☆●بعد مرور سنه...
-يلا كعدو خلينه ناكل جعنه ترى
-اي حبيبي هسه بس الزم فطومه يله تمشي جوه رجلي
-تعالي بابا فطومه
-راحت فطومه تمشي جنها بطه وصيح ابا ابا
-ياروح ابا اني تعالي
-ولج گمر حسن ومجتبى يتعاركون على الاغراض امشي الهم لا ينكتلون
-لا والله تكتلهم ام حلك
-دمشي لج امشي عليهم لايوكعون بلمي
-اي رحت زين
-انورالزم فطومه خلي اطك صوره الكم
-ي يلا
-شال فطومه جان تتقيئ عليه
-انعل ابوج باباتي وكتج
-هههههه يلا حبيبي خير
-ولج ياخير الزم خلي اغسل
-راح انور يغسل وانتي رونق بطنها كدام ورحمان ساندها
-ها ولج شوكت جيتو
-هسه
-اشو تأخرتو
-غير هذا رحيم كلساع مبدل شكل
-اني ولج لو انتي
-هههههه امشي كعدو يلا خلي نصب عشى جاعو الولد
-اي
-شفت فطومه يم انور كاعد يعني الها وهي تركص تموت على الغنى مشالله ولاجن ابوها شيخ نطاها عين زايده  ولج صخام كعدي عاد رحت الها اركض لبدت ورى ابوها،
-ههههه ولج فاره ليش ما تكعدين
-اين ركص بابا يهبه
-اي هو ابوج اكو شي مايحبه حتى الركص
-هههه ولج رسيله كعدي  راحه
-قابل مكذبه ياعيني تموتون على سوالف الركص والنسوان مو
-رببببي هاي لبنننيه شييبتني وداعتج بكلبي بس انتي وفطومه
-لا هم عايزه اكو وحده غيرنا
-كومي بابا روحي صبي مو فحطنا من الجوع
-اي دنحضر مشوف سمعت عيطه رونق ركضت الها
-شبيج حبيبي
-يمممممه راااااح اجججججيب لححححكي ررررحمانننن
-هدي ميخالف اتنفسي
-ها شكو شصاير شبيج
-لللك راااح اجيييب
-شلللون شسسسوي ويننن اروح
-يموتون ضحك اخذوها وراحت للمستشفى جابت بنيه سمتها رحمه على امي مشت حياتنا مثل اي عائله هم مشاكل وعراك وضحك

وانتهت القصه حبايب اتمنى حبيتوها +جايه بروايه غير +محتاجه اصواتكم +اعرف البارت قصير بس الجاي احلى

يكول ...
اغازلها ويمر المستحه وماتعرف تجاوب
وتگول :ها
ها يبعد الها احبج ❤️
الكــ,ٰـاتــ,ٰـبــ,ٰـهہـــ,ٰــ,ٰٓ ؏ــ,ٰـذاري🍒🪐