كتير من الناس اللي حوالينا لما بنمر بفترة حُزن مش بنكون قادرين نعبر عن اللي جوانا بيفهموا ده إن خلاص أنت أتغيرت شخصيتك مبقتش زي الأول أو مش حابب تتكلم معاهم هما ولكن في الحقيقة شعور الحُزن أسبابه الفقد
صديق،حيوان،شئ مادي ولكن غالي عنده ،فرصة،شعور
ولكن السبب الرئيسي هو فقدان شئ،أنت بتفقد وقتها الاحتياجات اللي شئ بيديهولك والمصدر
لنفترض خسرت صديق بتفقد وقتها جدعنته ،إهتمامه بيك، حنية..إلخ
وفوق كل ده بتفقد إن الحاجات دي بتيجي منه هو!
وتلاقوا جملة بتتكرر لو حد فركش وهي
"بكرة تاخدي سيد سيده!" هي اللقطة مش في سيد سيده هو التعلُق بالشئ ف لازم تتقبل إن
١.الحزن بياخد وقت ومؤلم
٢.الحزن ميحبش المنطق!
٣. الحزن بيحتاج أعلي درجات التقبُل والإحتواء
تقبل متنصحش كتير ياريت.
٤.أعطي الشخص ده مساحته إن يكون لوحده ولكن في نفس الوقت "خليك"علشان لما يحتاجك يلاقيك
٥.خليك دايماً تسأل محتاج مني أيه؟أقدر أساعدك أزاي
ساعات الشخص اللي بيمر بفترة حزينة بيفضل السُكات لإن بيلاقي إن حزنه مش مهم للناس اللي كان فاكر إن هما أول ناس هيسألوا عنه ويهتمه بيه ف بيحس بشعور الرفض أو بإنه حزنه مش هيفرق
لأي شخص!
٦.بلاش تفرض عليه طريقتك في الحزن وأسلوبك لا سيبله مساحته وأنت موجود.
وأهم وآخر حاجة أوعي تفتكر إن إخراجه من الحزن مسؤوليتك لإن هتفضل تضايق عليه وتحاول لحد ما ينفجر فيك وفي نفسه أقعد كدا معاه وتأكد إن هو هيخرج من الفترة دي لوحده! هو هيعرف يخرج ولكن خليك جنبه دايماً حسسه إن مش لوحده
***
لو عديت بالفترة دي وفي شخص كان جنبك فيها ومسابكش لحظة أبعتله البوست وأشكره دايماً علي وجوده في حياتك ،متبطلش تظهر مشاعرك للناس وتحسسهم إنهم غاليين عليك.😃
