في الاستوديو التي تعمل به فيروز ، نجد مسؤول البرنامج يتجه لفيروز و الغضب واضح في عيناه ... هتف بغضب شديد
: انتِ بتعملي ايه يا هانم؟
نظرت فيروز إليه باستغراب وهتفت بإحترام
: عملت ايه يا فندم ؟
: انتِ بسبب كلامك و بسبب تسخينك على البنات و الستات ... حصل في نص ساعة اكتر من حالة طلاق !
هتفت فيروز بلا مبالاة
: بسببي انا ليه ؟ واحنا مالنا مش فاهمه يا استاذ عبده ؟
صاح عبدالرحمن والمسؤول عن البرنامج كما قُلنا في غضب شديد
: انتِ بتسألي بسببك ليه ؟ سيبيه ، اكسريه قبل ما يكسرك ... هو مش ده كلامك يا استاذة ؟ ده احنا بقينا تريند بسبب حضرتك.
: كلامي يا فندم بس بردو مش فاهمه انا ذنبي ايه ؟
: الستات الخايبة نفذوا كلامك يا استاذة.
هتفت فيروز في ضيق من طريقته
: وانا مالي يا فندم هل انا ضربتهم على ايدهم و قولتلهم نفذوا كلامي ضروري !؟
: متابعينك و واثقين في كلامك يا استاذة فيروز ... ستات خايبة ، ده في حملة علينا الرجالة قالبه علينا كلنا ... استاذة فيروز انتِ مش معانا من دلوقتي
: قصدك ايه يا فندم ؟
هتف ببرود تام
: انتِ عارفة قصدي كويس ، عن إذنك.
زفرت فيروز بغضب و حزن كبير ، لملمت اغراضها ثم غادرت المكان ... بمجرد خروجها بكت .. بكت بقهرة شديده ، اولا حبيبها خدعها و الآن خسرت عملها ..
~~~~~~~~~~~~~~~~~
في المسرح الذي تمت فيه مسابقة الرسم نجدها تقف بتوتر واضح و خوفا من النتيجة ، نادى مقدم المسابقة بأسماء الفائزين و كان ريان يقف بجانب عليا ويطمأنها ... حتى ان المقدم نادى على أسمائهم و فازوا بالمركز الثاني ، فرحت عليا بشدة و بالطبع كان ريان سعادته لا تقل عن سعادتها .... و تم تكريمهما و اخذ ريان لقب "افضل ثاني رسام في عام 2022 ، و اخذت عليا وسام فوزها ، نظر ريان لـ عليا ثم هتف بخفوت
: بحبك
كانت تلك الكلمة كالصاعق الذي اصاب عليا فـ نظرت له بصدمه قائلة
: هـا ؟
ضحك ريان وكررها بصوته الحنون "بحبك" ، ابتسمت عليا بخجل شديد وصمتت
ـــــــــــــــــــــــــــــــــــــــــــــــــــــــــ
"كما عرفتك اول مره لا زلت تركض في داخلي ولا تتوقف إلا لتلتقط انفاسي.."
كان يتابعها بنظرات مليئة بالحب وعندما لاحظت هي نظراته اخفضت رأسها خجلا ، ابتسم ودلف إليها وهتف بهدوء