الجزء التاني...
قربت من مصدر الصوت واحدة واحدة ومسدسي في ايدي مستعد للدفاع عن نفسي
ولقيت اغرب حاجة ممكن اتوقعها ك محقق
بعد ما دخلت الحمام لقيت كل حاجة متكسرة فيه
ورسالة واقعة في نص الارضية
لبست جوانتي في ايدي واخد الرسالة انا مش غبي
عشان اضيع البصمات فتحت الرسالة وكان مكتوب فيها
«لو عايز تعرف مين القاتل دور في اخر ملفات في المستشفي و ادرس العمليات اللي دخلتها»
«فاعل خير»
لما قريت الرسالة استغربت بس لقيت طرف خيط متاكد
انه لو طلع الكلام ده صح ف القضية هتخلص بسرعة
..............................................................................
تاني يوم روحت المكتب وقابلني الضابط حسام
علي: جبت الملفات اللي قولتلك عليها يا حسام؟
حسام الصاوي: مفيش داعي
علي بغضب: يعني اي مفيش داعي
حسام الصاوي: يعني القضية اتقفلت واتحطت في المجهول وانهاردة اللواء حازم الدسوقي دعاني للمكتب
وقالي الخبر ده
علي: ازاي و دي جريمة قتل ياعالم سببها اي
حسام الصاوي: المحكمة بعد ما لقت ان مفيش لا ادلة
ولا شهود لوقوع الحادثة قفلت القضية.
...............................................................................
مفيش قضية مسكتها قبل كدة من غير ما اعرف تلات عوامل الاول مين الفاعل والتاني ليه وقع الفعل والتالت
ازاي وقع الحدث
ودي كانت اول مرة تتقفل قضية قتل زي دي
سيبت حسام وروحت لمكتب اللواء حازم
حازم الدسوقي وهو ينظر لبعض الملفات: ادخل
علي: اهلا يافندم كنت عايز اعرف سبب قفل القضية
وخروجي منها؟
حازم الدسوقي: ده كان حكم المحكمة يا علي
علي: يافندم دي قضية قتل غامضة ولو فتشنا اكتر
ممكن نعرف مين القاتل اكيد في سبب وسبب مهم كمان
حازم الدسوقي: ياحضرة المحقق شغلك بيتوقف على معرفة القاتل في حال احنا قدمنالك القضية وبيوقف
لما القضية بتتقفل.. طلع نفسك من الموضوع وخليك في شغلك افضل
مشيت من المكتب مكنتش قادر استلم قضية جديدة
عشان كدة اخد اجازة أسبوعين اجمع افكاري فيها
لكني مش هسكت واسيب القاتل ينفد بجريمته
ورغم اني عارف العواقب اللي هتلقاها من شغلي
لو عرفوا اني بكمل في القضية بس انا مش هرتاح غير لما اعرف سبب القتل ومين القاتل
اتصلت علي الظابط حسام متاكد انه هيساعدني
حسام الصاوي: الوو اهلا يا حضرة المحقق
علي بتردد: اهلا يا حسام
حسام الصاوي: ممكن اعرف اي سبب الاتصال في وقت خارج العمل؟
علي: حسام ممكن تبعتلي الملفات وكل المعلومات عن الضحية المقتولة في شارع الهرم
حسام بستغراب: القضية اتقفلت عايز اي من الملفات؟
علي: اتأكد من حاجة وياريت يكون الامر سري بيني وبينك
حسام: انت ناوي تكمل في القضية لو حد عرف هياخدوا الرتبة منك وهتتعاقب
علي: محدش هيعرف حاجه
حسام: انا هبعتلك الملفات ياحضرة المحقق مش عشان موافق على اللي انت هتعمله بل عشان متاكد انك هدور على طريقة وهتاخدهم وتنفذ اللي في دماغك بردوا
علي بأمتنان: شكرا يا حسام
قفلت مع حسام بعد ما اتفقنا على عنوان وفعلا روحت
واخد منه الملفات روحت بيتي عشان ادرس المعلومات
وعرفت ان اسم الضحية ملك جابر الطحاوي عندها 29 سنة وعيلتها كلهم برا البلد من خمس سنين وملهاش غير
صديقة واحدة اسمها حنين احمد الغريب ان حنين رغم انها صحبتها المقربة مكنش ليها اي خبر وقت قتل الضحية
وسابت المستشفى قبل الجريمة بأسبوع
انا كدة عرفت الهدف الاول ليا قطع تفكيري الباب وهو
بيخبط بصيت للساعة واتفاجئت الساعة اتنين ونص
الصبح مين هيخبط في وقت زي ده
روحت وفتحت الباب لقيت رسالة تانية بنفس الطابع
بتاع الرسالة الاولى مسكتها وفتحتها و لقيت...
يتبع..
أنت تقرأ
تحت رداء التحقيق جرائم من الترهيب
Mystery / Thrillerعندما تكون الجريمة من منبع القاتل ارحم من كون القاتل هو من يترأس الحماية
