الجزء الثالث...
فتحت الباب لقيت رسالة تانية بنفس الطابع
بتاع الرسالة الاولى مسكتها وفتحتها و لقيت الرسالة متكونة من عنوان بعد ما قريت العنوان بصيت نظرة
سريعة لعل وعسى اللاقى حد ولكن غاب ظني
دخلت وقفلت الباب ورايا سبت الظرف على اقرب كرسي
قدامي حاولت انام لكن فضولي غلبني لبست واخد الظرف الساعة كانت تلاتة حتى لو وصلت مش هعرف اسئل حد مظنش هيكون في ناس في الشارع دلوقتي
وقفت العربية بتاعتي غالبا وصلت للعنوان اللي مكتوب
في الرسالة نزلت من العربية
كان شارع شبه خالي من الناس وكل العماير اللي فيه
قديمة اشك ان في حد ساكن فيها!!
مكنش في حاجة في الشارع تلفت الانتباه
اظن ده مقلب تافهه من حد
لكن لحظة في ريحة غريبة، زي ماتكون ريحة!!
جثث متعفنة!!
اتصنمت لثواني و قربت وانا بتلفت
طلعت المسدس من ايدي مكنش فيه غير تلات عمارات كبيرة دخلت الاولى لكن مكنش فيها حاجه
والتانية هكذا لغايط ما وصلت للاخيرة
مكنتش قادر استحمل الريحة اللي كل ما اقرب بتزيد
وفي نفس الوقت مقدرتش اتخيل المنظر اللي شوفته ده
لقيت بنت جميلة في العشرينات قاعدة على الكرسي
وفي سكينة في نص بطنها الدم كان نازل من بوقها
رغم ان الجثة بدآت في التعفن اللا ان جمال البنت مختفاش مخدتش وقت كتير عشان اشك ان الجثة
دي ممكن تبقى حنين قد ما اخد وقت في التفكير
لو القاتل فعلا قتل ملك وصحبتها كذالك
اللي هينفعه لو انا عرفت ولو مش هو
مين اللي بيوصلني ليه الحكاية بدآت تتعقد اكتر
وجودي في المكان ده خطر عليا طلعت من المكان
بعد ما فتشت كويس فيه وصورت صور للجثه
واخد عينه من شعرها
قبل ما امشي اتأكد بعدم وجود كاميرات
وقفني حد وقال
مجهول:انت بتعمل اي هنا وفي الوقت ده؟
علي بتفحص: انت مين
مجهول: رد على سؤالي انت بتعمل اي هنا؟
علي بكذب: مفيش انا كنت رايح مكان معين ولقيت
الشارع ده قولت اقف شوية لغايط ما لاقي حد اسئله
على الطريق لاني جديد هنا
المجهول بشك: طيب ياريت تمشي قبل ما حد يشوفك المكان هنا مش كويس والسرقة والخطف كتاار هنا.
لقيته بيبص لجوا العربية بيتاكد من اني لوحدي
وبعدين مشى وهو بيبصلي بطريقة غريبة مهتمتش وركبت العربية اتصل بيا حسام رديت
علي: خير ياحسام في اي متصل دلوقتي ليه؟
حسام بقلق: انت فين دلوقتي ياعلي
علي: ليه بتسئل السؤال ده
حسام: انا عارف انت فين امشي بسرعة من عندك في حد بلغ دلوقتي على المكان اللي انت فيه والمباحث هتيجي دلوقتي امشي بسرعة.
كان اتصال حسام متآخر جدا لاني بالفعل لقيت عربيات
الشرطة قدام العمارة
لحسن الحظ ان عربيتي كانت مدارية وبعيدة شوية عن
المكان انا عارف اني لو فكرت احرك العربية
كلهم هيسمعوا الصوت ده غير الضوء اللي هيطلع
من العربية اول ما هشغلها
استنيت ربع ساعة لما كلهم دخلوا ومشغولين بفحص
الجثة لفيت العربية ومشيت بسرعة
لكن اتجاهي المرادي كان على شقة حسام
حسام وهو يفتح الباب: انت بتعمل اي هنا
علي: في اي مالك متوتر ليه مش ناوي تدخلني
بعد ما دخلت الشقة وقعد
قفل حسام الباب كان معالم الاستغراب والغضب مرسومين على وشه في نفس الوقت
حسام: من امتى وانت بتجيلي
علي: انا همشي دلوقتي بس هتقولي عرفت مكاني ازاي؟
حسام بأرتباك: ده بدل ما تشكرني عشان ساعدتك
علي: ساعدتني عشان محدش يعرف انك عطتني ملفات وتتآثر في شغلك هعيد السؤال تاني عرفت مكاني ازاي؟
حسام: من جهاز التتبع اللي حطيتهولك في العربية يوم
ما اتقابلنا
علي بأستغراب: ليه عملت كدة؟
حسام بتوتر: دي كانت اوامر
علي: اوامر!!
حسام: حازم باشا قالي اتتبعك واراقبك لغايط ما يعرف
انت وصلت لفين في القضية
علي بصدمة: هو يعرف منين وليه مخليك تراقبني؟؟
حسام بتكملة: لان حازم باشا ليه يد في موضوع قتل
الدكتورة ملك الطحاوي وكان عايز يلبسك التهمة
انا كنت هقولك صدقني عشان كدة خليتك تمشي بسرعة
قبل ما الشرطة تشوفك
علي: لو انت فعلا عايز تساعدني ليه حطيت الgps في العربية؟
حسام: مكنتش هقول للواء حازم بتحركاتك
علي: واي علاقة الدكتوره ب اللواء حازم وانت عرفت ازاي المعلومات دي؟
صمت حسام قليلا ثما قال: لان اللواء حازم جزء من
المنظمة وانا كنت بساعده لكني بجد بعد موت ملك
حسيت بالغلط اللي بعمله وقررت اوقف
علي بصدمة: منظمة!! منظمت اي؟
حسام: المنظمة دي بتبقى متفقة مع المستشفى ان
اول ما الشخص يموت وبعد ما يتغسل ممرضين
بياخدو الجثث لنفق في المستشفى وبياخدوا
الاعضاء اللي في جسم الموتى وبعدين يطلعوا الموتى تاني و الاهل تدفنهم بدون علم باللي حصل
علي: وملك ليه ماتت؟
حسام: ملك كانت من المنظمة ولكن في الفترة الاخيرة
بقوا بيخلوا ملك تغلط بغلطة في العملية عشان المرضى
يموتوا وده معجبش ملك لان لو حد عرف ممكن
تتآزي في شغلها وشهادة الطب تتاخد منها ولما عارضت اتقتلت
علي: مين القاتل؟
صمت حسام
على بصوت عالي: حساااام مين القاااتل؟
حسام: معرفش حازم باشا هو بس اللي يعرف وكمان معاه كل الورق والمعلومات والادلة اللي ممكن تسجن المنظمة دي هتلاقيها في درج في المكتب بتاع حازم باشا
علي بنظرة ثابتة: المنظمة دي متكونة من كام شخص؟
حسام: انا وحازم بيه واربعة من الممرضين اللي في المستشفى ومدير المستشفى وملك الضحاوي واتنين تانين محدش يعرفهم غير حازم الدسوقي
مشيت وانا مصدوم من كل المعلومات دي
القضية طلعت معقدة فعلا وفي علامات استفهام كتيرة
في دماغي
طلعت على مركز الشرطة وعرفت ادخل بحكم شغلي
انا كنت عارف ان حازم الدسوقي مش موجود في الوقت ده جربت افتح باب المكتب لقيته مقفول عطيت رشوة
للعسكري عشان يفتحه وبعديها دخلت فتشت كل شبر في
المكتب لغايط ما لقيت درج مقفول مكنتش هستني كتير
كسرت القفل ولقيت ملفات واضح انها مهمة وقبل ما افتحها لقيت صوت ورايا
حازم الدسوقي: بتعمل اي هنا ياحضرة المحقق؟
يتبع...
.......................................................................
خليت البارت طويل اهو
قولولي رآيكم❤
أنت تقرأ
تحت رداء التحقيق جرائم من الترهيب
Misterio / Suspensoعندما تكون الجريمة من منبع القاتل ارحم من كون القاتل هو من يترأس الحماية
