سبحان الله♥
الحمد لله ♥
لا اله الا الله ♥
الله اكبر ♥
استغفر الله العظيم واتوب اليه ♥
♡♡♡♡♡♡♡
كريم ببعض العتاب: تمام ويمني مش هتروح الرحله مش هينفع اقولك وانتي كمان علشان انتي لسه في بيت بباكي فعلا وصح مليش حكم عليكي كلامك صح سلام يا ملك
ملك بحزن: يا كريم استني بعد اذنك انا والله مش قصدي كده انا اسفه بجد بس انا اتعصبت شويه انا مش قصدي الي فهمته والله انا بحترمك جدا طبعا ورأيك يهمني ولو مش عاوزني اروح خلاص مش هروح بس متزعلش من كلامي
كريم:لا مش زعلان هزعل ليه انتي حره اعملي الي عوزاه عاوزه تروحي روحي مش عاوزه براحتك سلام ويقفل كريم من غير ميسمع ردها
عند يمني بتنقظ الموقف وتتصل بعمر علشان تقوله
يمني:السلام عليكم اذيك يا عمر
عمر:وعليكم السلام كويس الحمد لله وانتي عامله ايه
يمني:تمام الحمد لله بقولك انا كنت انا وملك ومريم كده عاوزين نطلع رحله وبابا يعني وافق وبباك وكده فأيه رايك انت؟
عمر:لا انا عارف الموضوع ده من شويه وعارف انك متصله علشان كده فبقولك لا ياريت متروحيش وقولت لملك كده برضو وكريم قالها نفس الكلام بلاش احسن ان شاء الله احني نبقي نوديكوا رحله اول منكتب الكتاب او اخرجوا خروجه حلوه مع بعض وقولوا لاصاحبكوا البنات فيها ايه؟
يمني:لا بتفرق علي فكره ومدام مش هيبقي الولاد معانا في الباص فأيه المانع احنا ممكن منشوفش بعض اصلا ومدام الاختلاط بحدود خلاص وملناش علاقه بيهم وهيبقي كل اصحابنا موجودين وننبسط بالله عليكوا بقي
عمر:طب خلاص ماشي يا يمني انا موافق بس مليش دعوه بألباقي اقنعوهم براحتكوا
يمني:يوه انت كده بتصعب علينا الموضوع كلمهم انت علشان خاطري وخطرنا كلنا
عمر بمرح:تماام علشان خاطرك بس
يمني بكسوف وتوتر :ميرسي جدا انت عسل اوي
عمر:نعم؟عسل اوي
يمني بكسوف وتوتر: والله مش قصدي سلام بقي
وتقفل يمني بسرعه
عند مريم تدخل عليها ملك وتحكيلها اليي حصل
مريم: ما انتي غلطانه برضو يا ملك مينفعش تقوليله كده وهو فعلا من الاحترام انك تاخدي رأيه عارفه يا حبيبتي انه ملوش كلمه عليكي وكل ده بس مدام انتي بتحترميه يبقي تاخدي رأيه من باب الاحترام والحب علشان بأذن الله هو هيبقي جوزك في يوم من الايام امال بقي لو مكنتيش بتحبي؟
ملك: والله يا مريم مكنش قصدي اقوله كده انا بس طريقته في الكلام الي عصبتني انما انا بحترمه جدا وبجد كنت هكلمه اخد رايه انا لقيته مندفع فجأه كده اتخضيت اصلا وانتي عارفه مش بحب اسلوب التحكم ده
أنت تقرأ
حُب مُلتزم الروايه الاولي من سلسه ««الدرب الصحيح»»
Storie d'amoreبأذن الله يوجد هنا في هذه الروايه الكثير من المعلمومات الدينيه والاحاديث في اطار كوميدي ومشوق وواقعي الذي يبحث عن المثاليه والخيال ليس هنا للأسف ❤ الشاعر محمد مهلهل الياسين القناعي يقول.. أرجوكِ لا تتغيري أرجوك لا تتغيري * إني أحبكِ هكذا بعباءةٍ و ح...
