صلوا بينا ع النبي ♡•
_قت*لها!.. ابن الكلب قت*لها!
صرخت بها هاجر بعد أن انهارت أرضًا تصرخ بشدة ليهرع أسامة إليها يحاول الحد من صراخها الذي لفت أنظار الجميع لهم ليقول متوترًا:معلش يا جماعة.. واضح إن هاجر عندها حالة وفاة.. بثينة خديلنا إذن بقيت اليوم من فضلك
ليسحبها خارج الشركة وسط تعجب وتعاطف الموظفين
وصلا لمدخل الشركة فصرخت بقهر وهي تبكي بحرقة:قتلها يا أسامة قتلها!
_ممكن تهدي بقى!
زجرها لتنظر له ضائعة لا تعلم ما الذي يجري.. كيف قُتلت نجاة!.. تشعر بألم حارق في صدرها تشهق بحرقة ليزفر أسامة أنفاسه حانقًا يقول محاولًا تهدئتها:هاجر.. من فضلك اهدي خلينا نفكر
رمقته تقول بقهر: نفكر في ايه ما خلاص راحت.. انت مشوفتش الخبر!
وضع يده على ذقنه يفكر يقول: معنى انه يقتلها أنه لقى الميموري.. طب لاقاه ازاي وهو مش مع نجاة اصلا.. الموضوع دة في إنّ
وضعت رأسها بين يديها تبكي وهي تصرخ:يا حبيبتي يا نجاة.. يا ترى حسيتي بايه وقتها.. أكيد كنت خايفة.. ااااه يا حبيبتي اااه
ضرب أسامة رأسه بيأس.. لقد تأزمت الاوضاع وانتهت الحكاية قبل أن تبدأ.. نظر لهاجر التي تبكي بشدة بحزن ثم طرأت بباله فكرة ستجعلها تهدأ وتساعده في العثور على دليل إدانة تميم .. تحمحم ثم قال:زمان.. أمي قالتلي مش كل اللي تسمعه تصدقه..وكل الكلام كدب لحد ما تشوف حقيقة صدقه بعينك..وطالما مشوفتش بعينيك يبقى اللي بيتكلم محوراتي
رفعت رأسها له ترمقه وهي لم تفهم ليبتسم مكملًا:احنا مشوفناش جثتها عشان نصدق موتها.. مش كدة ولا ايه
أشرقت عينياها بالأمل لتهتف: يعني نجاة مماتتش!
_احتمال.. واللي هيأكدلنا دة هو اننا ندور ورا تميم
قالها بثقة وهو يضع يده في جييه ثم استكمل:الخبر دة هيسهل علينا التدوير ومش هيخلي حد يشك فينا.. بس أنت لازم تحطي قصادك احتمال موت نجاة في حساباتك.. احنا لسة منعرفش حاجة يا هاجر.. احنا بنعمل كل دة عشان نفضح تميم ونسجنه ويتحاسب على كل اللي عمله
مسحت دموعها تقول بعزم: باذن الله تطلع عايشة وبخير.. باذن الله
___________________
جحظت عينا نجاة وهي ترى صورتها المرفقة بخبر مقتلها يجوب القنوات الفضائية لتنهار جالسة على الكرسي.. أما عن موسى فقد قبض على كفه بعنف يسحقه من الغضب يقول بصوت غاضب: ولد التوادري عاوز ينهي اللعبة من جبل ما ما تبدج
_أنا مش قادرة أصدق إن كل دة بيحصلي.. أنا مت!.. ازاي بس؟!
قالتها نجاة ساخرة بيأس وهي تحمل رأسها بيديها ليهتف موسى:فهمتي ليه مكنتش عاوزك تمشي من اهني
سأل يونس بحيرة: طب وهنعمل ايه دلوقتى.. أكيد راجح بطريقة ما هو اللي مسرب خبر زي دة.. هو عايز يوصل لايه
نظر له موسى يقول بتأهب:أكيد بيعمل اكده عشان يعمل كارت ارهاب للي معاه الميموري ويخليه يظهر.. لازم حركتنا تخف كد هبابة الأيام دي
هز يونس رأسه مجيبًا.. والتفت موسى لتجاة يقول مطمئنًا:متحمليش هم.. غمة وتزول متجلجيش
رفعت رأسها تنظر له بضياع فتنهد بحرارة.. يبدو أن الحكاية ستطول قليلًا
أنت تقرأ
محاولة نجاة (مكتملة♡)
Actionماذا يفعل المرء إذا أغلقت جميع الأبواب في وجهه وأعلنت الحرب وهو بمفرده يضرب بأفكاره عرض الحائط، يتركه كل عزيز ليواجه الظلام حتى يظهر له شعاع نورٍ يعيد له الأمل من جديد فيطغى بنوره على ظلامه ويكون له نجاة من مصائب الزمان. محاولة_نجاة
