Hindi malaman ang gagawin
Kung ako ba'y tatakbo o mananatili
Puso't isip ko'y nagtatalo
Sa kung ano ang pipiliin
Puso ko'y nagsasabing manatili
Na baka bukas ay pwede na ulit
Na ang mga baka ay pwedeng mangyari
Samantalang ang isipa'y salungat sa nais
Gusto nitong tumakbo at lumihis
Takot na hindi kayanin ang sakit
Parehas na tama ngunit ang isa'y
Nais sumugal habang ang isa'y
Nais tumakas sa nangyayari
Sa sitwasyong mga ganito
Ano nga ba ang dapat na piliin
