Poems

A Letter To My PARENTS

17. June. 2022

Ka nu leh pa tana lehkhathawn
______________________________________

Nu, Pa,

A hmasa berah chuan lawmthu ka hrilh a che. Ka lawmna hi ka vanneihna a san ang bawk ani. Ka nautet lai, ka chhuikir  theih thleng ka han nghaihtuah chang te hian kan nuih bawk bawk lai te, min hauh bawrh bawrh lai te leh thu tha min hrilh mawlh mawlh lai te ka rawn lang thin. Lunglenna nasa tak nen ka kawikir a, amaherawhchu, nang nena  hriatrengna tam tak siam belh tura min dampui hi ka lawm  takzet ani. I hriselna ngai pawimawh in Pathian zarah rei tak min dampui zel ang che.

Tetlai atanga thu awih mai aia luhlul thlang zawk, mitmeng en reng reng pawh a thuawih lo, thu tha hrilh ve pawha chhang let thin ka ni tih ka hailo, mahse, nang nu zaidam bik vaklo in min enkawl hi Pathian in ka tana sual ka pumpelh theih nan a duan che tih thei ani. Kawng tam taka ka tlinlohna chhiar sen loh a awm, mahse chung chu Nu, min enkan sak thin. Ka lo puitling a ka dam zel anih chuan pasal te neiin fa te pawh ka la nei ve ang, chutiang hunah chuan keimah ang fanu hi chu ka duh in ka ringlo mahse nang chuan i duh ber i thlan ber anga hmangaih taka min chawi seilian  hi lawmthu ka hrilh seng lo takzet che ani.

He khawvel a ka duhthusam chu nang leh apa te nuamsa leh hlim a siam cheu hi ani. Khawvel a ka hlauh ber erawh chu nangni duat let leh rul hman lo cheu u a in boral hi ani. Tunah chuan mihring kum chhiar a a hnufual lam in lo pan ta a, ngaihtuahna chhe ber chuan in boral hun tur a chhui lo thei lo a, mahse Nu, Apa nen hian khawngaih in kei leh ka unau in kan hmangaih na che u kan lantir let theih hma chu min dampui ta che u? , chu chu Pathian hnena ka dil ber pawh ani.

Ka fanu hi a mawi lo bik ange, a nei lo bik ange ti reng reng in eizawnna in zawng a, in hrisel lohna te leh in natna te chu hlim hmelin na awmang lo maiin in in hliahkhuh a, hah ngawih ngawih leh hreawm tih chang in neih ka hai lo mahse in fate nawmsak loh hlauin in tuar tlang chauh ani si kan va lawm em. He khawvel ah mi tamtak chuan fate hautak zia leh enkawl harsat zia hria in an kalsan a, a thenin hreawm takin an chawm puitling bawk amaherawhchu kei chu inchhung hlim awm leh nuam em em min pe a, kawng engkimah Pathian min kawhhmuh a, ka lawm e.

Vawiin leh naktuk leh ka tunhma zawng zawng zawng kha nangmahni zar vek ani a, ka phu loh malsawmna leh ka lei Pathian in ni. Ka nu, ka pa, in fanu thinchhia  leh tihmawh tak hian ka hmangaih ngawih ngawih a che u.Engkim vangin ka lawm e.

Atei.