دفعته بكل قوتي
غصن . شبيييك
تقرب حيل
العلي . عبالج ما اعرف بنضراتج لعبدالله
باد كلبي ورجفت وكلت . منو عبدالله
العلي . عبدالله المحامي لخلصتي عمرج تحبي
بلعت الريك كوه احس تجرحت وكلت . ما اعرفه علي والله ماعرفه
لاحني راشدي وهو ينتر
العلي . اتخبل من تحلفين جذب يا جذابببه
لج على ذمتي انتي عاقدين محكمه وسيد ومباقي لعرسنه وانتي عيونج تلمع من تشوفي
ولللج ما خجلتي مني من باوعتيله ودمعت عينننج
ما فكرتي انو حرام
بلعت الريك . يعني شسوي شنو بيدي اسويي
احبه من جان بلمتوسطه من جان عمري ١٢
شنو بيدي اني ما جبرتك عليه
اهلي عذبوني انواع العذاب كبال عيني ابويه اشوفه
بوضع مخجل وامي ما مهتمه
كبال عيني اشوف خيانات ابويه وشربه وعربدته
حبيته والله كبرت وكبر حبي ويا
ما عليه ما عليه اهلي زرعو هلحب بكلبي
انتي لعبدالله عبدالله الج
مكالولي انتي للعلي والعلي نصيبج ما كالولييي
كعدت بزاويه ابجي انشال شعري كمت واني منهاره
هو طويل حيل لاحني راشدي اقوه من الاول
وكعت بلكاع على اثره كلت بين شهكاتي والمي وفقداني . لا بابا لا تضربني
ما سويت شي والله
حطيت ايدي على حلكي احاول اضم ذكرياتي المخيفه
لمني بحضنه يرجف واني ابجي وابجي وابجي
وهو يهدي بيه ويبوس براسي ويتوسل اهدى
كلعاده اتهرب من كلشي بنوم
حطيت راسي على صدره العريض
وغمضت
وسط ضلام مخيف مره بيضه اجت وطتني تراب بيدي
وراحت
وجه نوراني وينور
راحت واني جامده
اخذت طفل وياها
منو هلمره
فتحت عيني على العلي وهو يسالني
غصن ميلج هتراب
التفت لادي اليمنى بيها تراب لونه مثل الابيض
بس ابيض ابيض
شلته واحاول ما اوكعه ذبيته على الميز
جبت علبه وحطيته بي وضميته شديت بي علك
شفته كاعد ويباوعلي رحت كعدت بين رجلي
حطيت راسي على رجله اليمنه
هو جان على الجربايه واني بلكاع
سحبني وكعدني يمه باس ايدي لجانت بيها التراب
ما سولفت الحلم ابد
سبحت ونزلت جوه شفتهم كاعدين
ادم . يا اهلا بلعروس
ندري عروس بس مو معنى تعوفين حماج وتنامين
العلي . دمار البنيه مريضه ما ناقصها
ادم . اف اف خاف من .....
فتحت عيوني واباوعله مصدومه عكس اهله عادي ساكتين و محد يحجي
العلي بعصبيه . دمار اكل واسكت مالنه خلكك
ادم . ولا يهمك اكو مسكن الام استخدمه لنسواني
هسه اكتبلك اسمه كلش زين
العلي بعصبيه اكثر . اددددمممم ازقنب عااااددد
ادم . اف اف شبيك عصبت بعد جبدي
الدمعه وصلت لخدي هو جان حاط ماعون على بطنه وياكل برياني دك تلفونه
ادم . لك هلا بابو الشواهين
اي بعد روحي وصلت الصبح .. علا يمي يول .. اكلك ترجع شوكت ... هااا اوك اوك بعد روحي الغالي
منتضرك حتى نرجع سوه لبغداد ... ديله باي عود صيدلي هناك
