لحد ما دكيت على علا على مسئله ماعرفلها وما فهمتها رفضت دكيت ثلث مرات ورفضت عفت التلفون ورجعت عفتها وراها اتصلت عليه
روجين . جلبه وينج
علا . هيج مشاكل يول شلونج
روجين . مشاكليج يول احجيلي
علا . الشاهين رجع
بللت ريكي متوتره وخايفه احس روحي حتطلع من جسمي
روجين . برجفه. اي شصاغ
علا . يعني بعد غياب شهر وسبوع وهسه رجع يعني اجازته حطول هنا
ولللج ساكت وبس يباوع علينه ونفس الاسلوب ياكل ويشرب بس مسئل عليج ولا بخصوصج ابددد
خايفه عليج يول لان هدوئه قنبله موقته مندري شوكت تنفجر وشوكت تهدى وشوكت تقرر مينفجر
روجين . لا تخافون عليه
انتي حبابه وصليلي كل الاخباغ الصغيغه والجبيغه
علا . اذا كدرت اتواصل وياج اكلج عود
سديته منها وكلبي وووكف
كمت اهدء بنفسي كمت اتجددت وكعدت حوالي بساعتين اقره بلقران ما حاسه بنفسي
غير انو نمت على السجاده والقران مفتوح واني لابسه الازار
كعدت حوالي ب 2 بليل
مصحصحه وبالي فارغ
كمت سويتلي جدر صغيره برياني وحطيت علي ربع دجاج احب هلاكله
الساعه ب 6 سويتلي بيض عيون وجاي
اكلت وكمت بدلت عسريع عسريع
لبست بدي جوزي وفوكا قميص ابيض وبنطرون اسود وحذاء كعب جوزي وجنطه ببضه وشال اسود
ومكياج خفيف حمره وكحل ومسكاره
وطلعت لدوام حابه اتمشه بما انو بعد وكت بعدلي نص ساعه علدوام
مشيت واحس الهوى يضرب بيه حييييل
وصلت لهناك اخذت مكاني وكعدت
محمد . روجين حجيب كهوه تحبين اجيبلج وياي
روجين . لا خويه تسلم
كملت شغلي لحد 2 رجعت هم مشي احب امشي وخصوصا ما تعبانه
وصلت لشقه فتحت الباب اول ما فتحتها ذبيت الحذاء
وركض للمطبخ علكت النار
وركض بدلت ورجعت صبيت وكعدت اكل
خلصت كمت صليت وقريت قران شويه ونمت لحد 8
اول ما كعدت صليت وقريت قران واكلت وكعدت ادرس نمت ب 2 تقريبا وكبل نفس الروتين
مر سبوع هيج الا ان فديوم رجعت من الشغل ميته تعب ومنايمه وجوعانه صايمه
دخلت للباب انتبهت اكو اثر تراب بلكاع وطين
زين الشوارع نضيفه الطين مين اجه
سديت الباب وذبيت الجنطه بلكاع وصرت امشي على اثار الطين
تبدل الطين وصار اثر احمر
اثر دم
للحضهه
دمم ميين اجهههه
ركضت لكيت ضرف علجربايه فتحته اديه ترجف وكل مكان بجسمي يرجف
فتحتها وريتتتني ما فتحتها
كف ايد كلها دم ومطبوعه علورقه
صرخت بصوت عالي وكعدت ابجي
هاذا الشاهين اعرفه
كمت بكل قوه رفعت راسي وكمت نضفت كلشي وكعدت اقره قران
ومشى الروتين بس كلبي يرجف واتضاهر بلقوه
وهم ثاني يوم رجعت من الشغل لكيت علجربايه نفس الضرف ونفس الدم
ثالث يوم حرصت انو اقفل الباب عدل وخصوصا غرفتي والكلشي
وطلعت من رجعت لكيت الباب مفتوحه ونفس الضرف
اتصلت بادم كتله فدوه تعال
عاد هو نص ساعه واجه ويا علا
روجين . اندوم هاءا الضغف كل يوميه جاي يجيني من شاهين مو
اخذه فتحه وشافه اتنهد وكال اي
اني ابتسمت وكتله عادي لعد شيسوي خل يسوي بس شلون جاي يدخل لشقه
ادم . ماعرف
بقى يمي شويه واخذ علا والضرف وطلعو
طلعت بليل اتمشى بشوارع لحد ما شفت قطه صغيرررررره لونها ابيض واسود
كلبي دك عليها وتصرخ وتبجي
ركضت الها طلعت كلينكس من جنطتي ووجبت كارتون شلتها بي
اجرت تكسي على اقرب عياده باوعت لروحي شايله بس خمسين غمضت عيوني وكلت ميخالف
جانت صاحبه العياده بنيه جنن
الدكتوره . اهلا اهلا
روجين . فدوه كلبي هاذي شفتها بشاغع شوفيها
الدكتوره.. تمام طينياها بس اول كوليلي تاخذيها وياج لو هم تذبيها
روجين . لا لا اخذها اذا مبيها شي
