رجعت تلعب ويا وتركض ورا
كعدت يم عمتي وجبت ضيافه وليو بحضن علا وتاكل حب
ام العلي . اجيت طالبه منج ترجعين يمه هناك بيتج وغرفتج وغراضج واهلج احنه وصديقاتج
ويمه رجلج يحبج غلط وياج بس مو معنى تهاجري وتعوفي
تره الزلمه يحب لتكون كبال عينه ومهتمه بي ومتهجره يمه وتدرين الهجره حرام
ويمه الشاهين شغله صعب وتدري كلش زين وطبيعي يكون عصبي ومشتعل يمه ما تدرين القساوه والتحقق والتدريب
سكتت اسمعلها وهيه تنصحني وتحجيلي عنه
كتلها
روجين . يمه نفس ما الهجغه( الهجره) حغام(حرام) الضغب( الضرب) حغام
يممه حتى الغسول(الرسول) موصي بينه شلووون بهشكل يمههه
مستحيل هنا بيتي وحياتي وشغلي ودغاستي ومدبغه(مدبره) اموغي ( اموري ) والحمدلله اجيب الفلوس بتعبي وشكاي
واني هم من يلتحق اجيكم ونتشاوف ما انساكم ولقغان( ولقران) انتو اهلي
سكتت هيه ضلو يمي علعشه قبل العشه دك تلفوني
كمت رقم غريب رديت علي
الشاهين . ها ابويه محتاجه شي
روجين . لا سلامتك منو كلك هيج تسوك وتجيب احد كلك اني معتازه
الشاهين . بابا اني رجلج واجبي اجيبلج
روجين . واجباتك الزوجيه ماريدهن
الشاهين . دنجبي تره اكوم اطالب بحقوقي
خجلت وسكتت مبتسمه صخام براسي شكو مبتسمه ايع
الشاهين . لتخجل بابا
روجين . غوح يله يمي اهلي
الشاهين . اويييليييي كون يمكم الا اطشركم
روجين . مو تدغي بنفسك لغم وكلها تشغد (تشرد) منك
الشاهين . لا لا ريحانتي لاااا جرحتي مشاعرييي
روجين . يا مشاعغ انت لا حساس ولا ضميغ
ضحك حيل سديته بوجه وسوينه دجاج وزلايط واجه ادم وعمي ويانه
وصارت لمه من العمرررر
راحو ب١٠ كعدت اقره واكوم صارلي واهس اسوي ماسك لجسمي طبيت سبحت وسويته وجهي وايديه ورجليه وحفيت شاربي مخضر وحواجبي حتى حواجب الشاهين احلا من حواجبي
نمت وكعدت نفس الوقت وطلعت لشغلي وستمر ١٥ يوم هيج رجعت من الشغل لكيت الباب مفتوحه مال الشقه لزمت كلبي اعرف من تنفتح الباب تترب المده لحاطتها بلباب
عود هاذا رمز اعرف منو يدخل لشقه والله ثوله وغبيه
فتحت الباب وطبيت كبل للمطبخ لكيت اكلاص جاي مشروب رحت للغرفه لكيت الشاهين مصلخ ونايم
ذبيت الجنطه على كيفي ليو نايم يمه طبيت للحمام سبحت وبدلت وطلعت سويت عشه زين ورحت بدلت مره ثانيه طفر عليه دهن
طفرت علجربايه وكبل نمت حسيت احد يشم بوجهي فتحت عيوني باسني بشفتي حاولت اسيطر على ابتسامتي بس ما كدرت ابتسمت
شبكني هو رفعت راسي شفتها الساعه ٨
الشاهين . مشتاقلججج حييييييييييل
روجين . تشتاقلك العافيه
الشاهين . دنجبي كومي اريد اكل من الصبح مماكل
كمت فركت وجهي وغسلته ورحت عدلت شوي البيت هو كعد مصلخ علتخم علكتله التلفزيون وكعد يباوع ممطول على التخم
رحت حميت الاكل ورتبته وصحته كعدنه ناكل ونسولف وهو يسولفلي بحماس شلون مرت ايامه
