كعدت اني بوسط جربايه كلش جبيره بيضه وعاليه واكو اصوات بره
اصوات زلم يضحكون
وبنات شنو هلاصوات
كمت بصمت كعدت بزاويه هاذا مثل ابويه
حطيت ايدي على حلكي وشهكت ابجي شويه وانفتح قفل الباب وطب وهو يضحك باوع لجربايه والتفت بساع شافني تقربلي وجه جامد
الشاهين . كعدتي
روجين . انت مثل ابويه
الله يخليك لا تسويلي شي والله ما دخلني والله العضيم
غجعني للمزبله لجنت بيها ولا هاي السوالف حباببب
حط ايده على حلكي لان صرت احجي بصوت عالي
شالني وكعدني على الجربايه شلون الطفل طك الغرفه قفل ثاني وصاح . شباب اتوكلو انتو انشالله بليل جايكم
شويه وفتح الباب وطلع اني ضميت رجليه لصدري وابجي بدون صوت
قفل باب الشقه واجه جايبلي كاسه مي دافي كلي . شربي بلاعيمج مجرحه يله بابا شربي كبالي
شربته حسيت نفسي بحاجه اله
الشاهين . مراح اصير مثل ابوج ولو.اموت هم مراح اصير مثل ابوج
اطمني بس احل سالفتج
احنه هسه طامسين بنص الوحل الرجال الي جان يجيكم
هاذا تكدرين تكولين حتى اعضاء بايع
وسالنه كومه ندور علي
واول واحد لكفناهم امج وانتي امج راحت بيها بلاسود لان مشتبه بيها وانتي طلعتج كوه منها اريدج بس تسمعين كلامي ومتعانديني انتي بامان يمي بس تفض السالفه انتي تطلعين منها لا تخافين مني ابد
عافني ابجي وصافنه كلي . ول يابه سدي عيونج اخافن عليهن
كتله . انت انباري
.. لا يول انه من البصره ههه .. ضحك وكلي كومي للمطبخ غسلي وجهج وايدج واني حطلع عفت دشداشه هناك الج ما اعرف قياسج فعادي
حك ركبته بخجل وراح طلع وقفل الشقه من بره
دورت على الحمام سبحت وكعدت ابجي وافكر بمصيري
اجه بليل فتحها بلقفل ودكها ودخل كله ريحه شرب
فتحت عيوني خايفه منه
كعد بصفي وضل يباوع عليه
واني منجمده
كلي . يولي انتي بت ليل
كتله . لا
كلي . انتي جفجيره مو
كتله . اي
ابتسم ونام بعيد عني غفى اني وين انام
غفيت بمكاني
.. كعدت لكيت نفسي نايمه على ركبه رجله وهو نايم.هم
كمت بساع هو كعد كلي . ها اذا تكدرين ذاك المطبخ احمي مي وحطي ويا عسل وحليب وشكر قليل
كمت من يمه رحت دورت على الغراض
ما لكيت دله ولا جدريه حطيت طاوه غسلتها وحطيت بيها مي وعلى النار
سويت مثل ما كلي
وصبيت اجه كعد على الميز كلي . غسلتي الطاوه والكلاص عدل
روجين . اي والله
الشاهين . متاكده حلفي
روجين . والله شبيك
الشاهين . كولي ولعباس
روجين . ها ليش اكول ميصيغ تحلف بغير الله
الشاهين . دكولي
روجين . اني سنيه
الشاهين . ادري بيج تعالي كعدي اول اعترف اعترفتي انتي سنيه
روجين . هاذا مو اعتغف فخغ ( مو اعتراف فخر)انو اني سنيه انت هم سني
الشاهين . اني فالت لا سني ولا شيعي ولا يهودي ولا كلشي
روجين . طالع حتى من الاسلام
الشاهين . احنه كلنه عباد الله وكلنه مسلمين الج دينج والي ديني الشغله لتحسين الله راضي بيها سويها تره هو مجرد احساس
روجين . لا غلط هاذا خوفك من الله مو احساس
الشاهين . اني اشرب واروح ملاهي واحس اني الله راضي بيه خلص انتو مدخلكم
روجين ابتسمت . غغم (رغم)المجتمع لعشت بي الزباله حشاك بس صدكني اكثغ واحد احس بوجوده هو الله
الشاهين بتفكير . هاذا مو كفر بس ليش ما طلعج من هاذا المجتمع الزباله
روجين . بكل بساطه لان كاتبلي الافضل
الشاهين . بس انتي يم اخره واحد بجماعته
روجين . يمكن انت اشغف(اشرف) من اهلي واكبغ دليل الباغحه سكغان وضليت تصفن حتى ما حجيت وياي
