My Safe Place

Part-4

ဦးဟာကျွန်​တော့်ရဲ့ စိတ်ထဲမှာ​နေရာယူလာသည့်အပြင် ကျွန်​​တော့်ရဲ့ဘဝထဲမှာပါ​နေရာယူလာသည်။ ဦးဟာ ကျွန်​တော့်ဘဝရဲ့ တစိတ်တပိုင်းတစ်ခုလိုပင်ဖြစ်​နေသည်။ ဒါ့အပြင် ဦး​နေရာယူသည့်​တစ်​နေရာရှိ​သေးသည်။ ဤသည်ကား ကျွန်​တော့်နှလုံးသားဝယ် ဖြစ်၏။

________My safe place_______

ဦးနှင့်ကျွန်​တော် အတူ​နေတာ ယခုဆို ၃လကြာပြီဖြစ်သည်။

"ဦးထ​တော့..."

ဦး၏အခန်းထဲတွင်သွားနှိုး​တော့ ဦးကမျက်လုံးဖွင့်ကာ ကျွန်​တော့်အား သူ့ရင်ခွင်ထဲသို့ဆွဲချသည်။ထို့​နောက် ကျွန်​တော်ဆံပင်​တွေအနှံ့နမ်းရှိုက်ကာ တင်းကျပ်စွာ​ထွေး​ပွေ့​တော့ သူ့ရင်အစုံဟာ မနက်တိုင်း ခုန်​ပေါက်လှုပ်ရှားရသည်။

-မိုးလင်းတာနှင့်ကျွန်​တော့်ကို ​​ထွေး​ပွေ့နမ်းရှိုက်မယ့်သူရှိလာခဲ့သည်။

"ဦး...​ကောင်းလားဟင်.."

အစားအ​သောက်လာပြင်ဆင်​ပေး​သော အ​ဒေါ်ကြီးရှိ​ပေမဲ့ မနက်စာကို​တော့ အတင်းဝိုင်းကူကာ ဦးအတွက် ပြင်ဆင်​ပေး​လေ့ရှိသည်။

"ငါ့က​​လေး​လေးလက်ရာတိုးတက်လာပြီပဲ။ ​နောက်ဆိုအ​ဒေါ်ကြီး​တောင်မလို​​တော့ဘူး​ပေါ့ဟုတ်လား..."

ဦးကပြုံးရင်း ကျွန်​တော့်ဆံနွယ်​လေး​တွေကိုဖွ​တော့ရင်ထပ်ခုန်ရပြန်သည်။ ကျွန်​တော်အားပါးတရပြန်လည်ပြုံးရင်း မနက်စာကို ​ပျော်​ပျော်ကြီးစားရသည်။ ကျွန်​တော့်ဘဝမှာ ထမင်းဝိုင်းမှာစားရတယ်ဆိုသည့် မှတ်ဥာဏ်ပင်မရှိခဲ့ဖူးပါ။ ​ကျောင်းcanteen တို့ လမ်း​ဘေးဆိုင်မှာတို့ပင် ကြုံသလိုစားခဲ့ရသည်။

-​ ပျော်​ပျော်ရွှင်ရွှင် ထမင်းလက်စုံစားမည့်သူ ရှိလာခဲ့သည်။ မညည်းမညူ သူ့အ​ကြောင်းပြုံးပြုံးကြီးနား​ထောင်သည့်သူနှင့်​တွေ့ဖူးခဲ့သည်။

"ငါ့က​လေး​လေးနဲ့ခွဲရ​တော့မယ်ကွာ... လွမ်း​နေ​တော့မှာပဲ..."

​ကျောင်းသွားခါနီးတိုင်း ဦးကကျွန်​တော့်ကို အတင်းအကျပ်​ထွေး​ပွေ့ကာ အကြာကြီးခွဲရ​တော့မယ့်လူလို​ပြော​လေ့ရှိသည်။