سكين بيتي

بداية كل شيء

واخيرا انتهى دوام ورجعت للبيت هفففف نعسانه نعسااااانه اححح غرفتي
الجميله مخدتيي حبيبي يلا انام  ياسلام .

آآآآه نمت نومة كأني كنت بحرب مو بدوام جوعاااااانه يلا ناكل اكل اكل اكل اكل برااااق شنو غدانه
براق:- ليليان ساعه ب9 بليل ياغده
ليليان:- يييي عادي غده لان هستوني كعدت وبكييييفي
براق :- اوك خبله عشانه الي هو غداج شسمه  كباب قلي
ليليان:- اوك اريد بيض حسوي بييييض غركان بدهن ههههههه

(براق اخت ليليان عمرها 14 سنه )

هفففف ساعه ب9 شوكت يرجع جزلان من شغل اشتاقيتله ترا والله يالله اربعه وعشرين ساعه بشغل خناكل وسولف ويه آيه صديييقتي ماي بيست فريندو
(وبعد ساعات حديث مع صديقتها آيه)

آيه:- اكلج ليلي اسمع صوت تنفس بصفج من تدزيلي صوتيه اكو احد يمج
ليليان:- لا آيه ماكو احد بس اني بالغرفه وينه ياصوت مدسمع شي
آيه:- مادري يجوز متوهمه مهم خنكمل سوالفنه
ليليان:- اوك

(ننتقل الى جزلان)

هففففف شوكت ارجع للبيت وبعد عدي سياره نفرغ بضاعتها تجي بنص الليل خنكمل شغل حتى يكمل ليل شتاء طويل هففف

(وبعد انقضاء وقت العمل)

يلا نرجع للبيت ...... واخيرا وصللللت خنراسل ليليان اححححح

جزلان:- ممكن نتعرف يحلو
ليليان:- لا
جزلان:- عادي هم نتعرف هههههه
ليليان:- شلونك جزلان الله يساعدك يروحي
جزلان:- اني بخير مدامج بخير يقلبي
ليليان:- مشتاقتلك وخررر عنييييي
جزلان:- اني مشتاأااقلج ماوخر تعاي شو
ليليان :- وين اجي ما اخاف منك
جزلان :- لتخافييين ما آكلج تعاي
ليليان:- اجيييت اصلا ماخايفه والله يالله شلون عالم
جزلان :- ييي صحصح مهم ليلي بعد شويه اطلع تجينه سياره غراض من شمال انزلها ورجعلج يروحي
ليليان :- ماااااااا متروح هستوك اجيت انوب تروح
جزلان:- هففف لعد شسوي ماتأخر عليج انشاءلله وهم عدي نت هناك اراسلج وطمنج يروحي
ليليان:- اوك جزلان باشا
جزلان:- تعا اشتاقيت لصوتج
ليليان:- تمام هاك انوب يتأمر الي راح يعوفني
ليليان:- هسه شحجي مثلا هاها هي مراسله وكوه احجي تهي بهي
جزلان :- ليلي اكلج فرقان نايم بصفج؟
ليليان :- لا وحدي بس بشبش يمي

( فرقان اخو ليليان الصغير عمره 9 سنوات / بشبش قطة البيت)

جزلان:- اوك ليلي بس اكو صوت تنفس
(جزلان خلعيد اسمع شنو سالفه صوت تنفس قلقت شنو هذا صوت ليش خفت شنو هذا بصف ليلي خنكللها تدز بعد )
جزلان:- ليلي ليلييي دزي بعد صوتيه شو
ليليان:- اوك جزلان هسه شحجي هاك هاك شحجييي بس اضحك
جزلان:- ليليان اكو صوت نفس بصفج ونبي
ليليان:- جزلان شنو سالفه اشو هم آيه تكلي اكو صوت نفس بس مدسمع بصوتيه شي صدك تحجي؟
جزلان:- يي ونبي ليلي مهم ليلي ديري بالج على نفسج حروح اجتي سياره تمام ليلي
ليليان:- تمام جزلان لتعب نفسك
جزلان:- تمام ليلي مع سلامه

بقيت وحدي راح جزلان للشغل هسه شسوي خنحاول انام يلا نامييي نامييي خنشغل اغاني شويه وحاول انام ...هفففف مدكدر انام لييش شنو هاي! شنو هذا الصوت بالبلكونه صوت صفير بس يخوف اشو كمت ارجف
خنراسل جزلان ..جزلان جزلان موجود
جزلان :- يي حبيبي موجود بيج شي؟
ليليان:- جزلان خايفه اكو صوت بالبلكونه مدري شنو هو صفير هيج
جزلان :- متأكده ليلي خاف صوت هواء هاي لان هواء عالي بالشتاء
ليليان :- مادري جزلان صوت ديزيد ونبي
جزلان:- هسه راجعلج بس اخلص ابقي لتتحركين
جزلان:- ليلي؟ ليليان؟ وين رحتي
جزلان:- ليلي شبيج حبيبي جاوبيني ليليان
ليليان:- جزلان اغمى عليه وهسه كعدت احس واحد  اكف بصفي
جزلان:- راجعلج ليليان شغلي قرآن هسه يروح

(جزلان)
هسه شسوي يربي خايف يكون هو خنرجعلها بسرعه بس يعني رجعت للبيت شسوي هي بعيده عني انشاءلله يروح يروح عنها

جزلان:- ليليان موجوده راح بعده حبيبي
ليليان:- لا بعده واكف يمي وخايفه كلش يمه جزلان انفتحت باب البلكونه
جزلان:- ليليان طلعي من غرفتج نزلي نامي يم خواتج ليلي
ليليان :- جزلان ماكدر ماكدر اتحرك درجف وكلش خايفه
جزلان :- حاولي ليلي حاولي لتبقين يمه بالغرفه
ليليان :- هو شنو هو هذا جزلان
جزلان :- ليلي شغلي قرآن وحاولي تكومين لضلين بالغرفه
ليليان :- تمام راح احاول

(ليليان)
شسوي هسه خنكوم يالله يربي كوه دمشي وصلت خننزل شنو هذا شنو هذا الواكف بنهايه الدرج يربي يارب مدكدر اوكف بعد خنراسل جزلان
جزلان جزلان تعال مادري شنو واكف بنهايه درج ماكدر انزل..........
____________________________________________________________

نهايه البارت الاول انشاءلله تنال اعجابكم وارجوا ان تكون طريقه سردي للاحداث ممتعه وواضحه لكم وانا متشوق لارى آرائكم وشكرا..
(معلومه ان القصه حقيقيه )
وسردت القصه باللهجه العراقيه