الفصل الأخير (حتي الموت)
-كان والد قيصر زغلول جالس في منزله وهو يقرأ كتاب قديم عندما شعر بحضور قوي في المكان ...ازدرد ريقه وينظر خلفه ليجده امامه ...بقسوته وقوته لم يتغير شيئا بل ملابسه اصبحت اكثر عصرية
-مارد
قالها زغلول بخوف ...ليقترب مارد منه سريعا ويمسك كفه ويقول:
-مر وقت طويل يا زغلول ...طويل اووي من وقت ما اتفرقنا بسبب البشر اللي قتلونا ...قتلوا مراتك وقتلوا عيلتنا وفرقونا عن بعض...
ابتلع زغلول ريقه ليقترب مارد وكانت احمرت عينيه وتقلص وجهه من الغضب وقال:
-البشر اللي اذونا مفروض نكرههم يا زغلول ونقتلهم مش نحب منهم
-قيصر ....
اوقفه مارد بإشارة من يديه وقال:
-ابنك قيصر متمرد طول عمره اخد وقت عشان يتقبل حقيقته وكان هيموت بسبب اضرابه وكمان عرفت انه مبقاش يشرب دم البشر وبيشرب دم الحيوانات بس ...نفسي افهم ايه حب قيصر الكبير للبشر وليه مهتم بيهم بالشكل ده !!!
-قيصر بيحب نهلة
قالها زغلول بتوتر ولكن مارد صرخ بها حتي انكسر زجاج نوافذ المنزل:
-بشرية بيحب بشرية...مش دوول اللي دمرونا زمان ...ابنك بيكرر غلطه تاني يا زغلول وقوله اني هقتل البنت دي لو مبعدش عنها مفهوم ...
توتر زغلول بينما ابتسم مارد وقال:
-نورت يا قيصر ...
كان قيصر يقف خلفه تماما ...عينيه حمراء وأنيابه بارزة تماما...لقد رأي مارد يراقبهم من بعيد وعرف ان حياة نهلة في خطر...
-مش هسمحلك تأذيها يا مارد ...دي حب حياتي ...
اقترب مارد منه بسرعة البرق ثم امسكه من عنقه...صرخ زغلول بخوف ولكن مارد دفع قيصر ليسقط من النافذة ونظر إليه من اعلي وقال:
-انا الاقوي يا قيصر وقولت ان البنت دي هتموت ...
اقترب قيصر منه بسرعة وحاول ضربه مرة اخري ولكن مارد كان اقوي منه إذ قام بحمله وألقاه بعيدا ...ثم اقترب منه وامسكه من عنقه وبرزت انيابه لكي يغرسها في عنقه الا ان صراخ زغلول اوقفه ...ابتعد مارد وقال:
-المرة اللي جاية هتموت...أنا مش ناسي أنك من عيلتي لكن اشوفك بتحب حد من اعدائنا هقتلك فورا...نهلة هتموت وانت اللي تقتلها بنفسك!!
ثم اختفي مارد بسرعة البرق ...
نظر زغلول لابنه بخوف ليري نظراته مليئة بالرعب ..
رعب احتل كل كيانه ...هو سيأذي من اعتبرها روحه ...قيصر ذكي ويعرف انه لن يستطيع أن يتفوق علي مارد ...فمارد هو أكبر مصاص دماء في العائلة كما أنه اقوي ...ويعرف أيضا قيصر ان مارد لن يؤذيه فهو يحبه ولكنه بالتأكيد لن يتواني عن اذية نهلة ...
-قيصر هنعمل ايه دلوقتي؟!!
- مش هسمح ليه يأذيها
قالها قيصر ثم اختفي هو الاخر!!
......
-انا كتبت ثروتي للجمعيات الخيرية يا نهلة
قالها نوفل بصرامة ...نظرت إليه نهلة بتبلد كانت ولصدمتها لا تشعر بأي شئ ..وكأن المال اصبح آخر اهتماماتها ...هزت كتفيها وقالت:
-اللي تشوفه يا جدي ...
ثم تركته مذهولا وخرجت ...
ضرب نوفل كف علي كف وهو يقول :
-البنت دي اتجننت فعلا...
كانت تقف بالطريق الرئيسي تنتظر سيارة أجرة لتقف سيارة سوداء امامها نظرت إليه لتجده قيصر ابتسمت بحب وركبت سريعا بجواره ...
.....
اخذها قيصر لمكانهما المفضل عند البحر...ترجل وجلس بجوار البحر ..نظرت إليه نهلة بحيرة ...حالته غريبة اليوم بشكل مخيف ...اقتربت منه وجلست بجواره قائلة،:
-مالك يا قيصر؟!!
-نهلة احنا لازم نسيب بعض !
وكأنه اطلق النار علي قلبها ...تجمدت تماما وتصاعدت الدموع لعينيها...بالتأكيد هو يمزح!!!
تساقطت دموعها ثم ارتفع نشيجها ...نظر إليها قيصر بآسي وقال:
-مارد كبير العيلة اللي حكتلك عنه بيكره البشر وعرف أنك في حياتي وعايز يقتلك ...نهلة ابوس ايديك افهميني ..
لم ترد عليه وظلت تبكي ...
نهض وشعر انه يضعف وقال:
-انا ممكن اخليكي تنسيني ...أنا ...
نهضت وهي تبكي وتضربه علي صدره وتصرخ:
-انت فاكر ايه ...فاكر الموضوع بالسهولة دي ...انت بتقتلني يا قيصر فاهم يعني ايه ...بعد ما ادتني سبب اعيش عشانه جاي دلوقتي تاخده
-يا نهلة أنا ...
قالها مبررا الا انها احتضنته فجأة وقالت:
-لا يا قيصر بالله عليك متسبنيش أنا والله هموت ...
-انتِ فعلا هتموتي
شهقت نهلة وهي تبتعد عن قيصر لتري رجلا آخر كبير في السن وجهه شاحب وعينيه حمراء كجمرة من النار ...
-مارد
قالها قيصر بأسي ثم اكمل بتصميم :
-مش هسمحلك تأذيها
قالها قيصر وهو يقف امام نهلة كان الخوف يخترق روحه ...يعرف كم ان مارد قوي وسيفعل ما يريده ولن يستطيع هو أن يدافع عنها ولكن ان كان سوف يقتلها فليموت قبلها ...نظر قيصر بتصميم الي مارد وقال:
-لازم تقتلني الأول قبل ما تقرب منها....
ابتسم مارد بسخرية وقال:
-انا سامحتك مرة وعديت بس المرة دي لا يا قيصر ...أنا فعلا هقتلك ....
امسكت نهلة بذراع قيصر وهي تشعر بالخوف عليه ...هي لا تريد هذا لا تريد لهذا الرجل أن يقتل الرجل الذي تحب ....اصبح قلبها ينبض بقوة بينما تري عيني مارد التي استحالت حمراء وأنيابه التي برزت بينما ينظر إليها بجوع ....فجأة حملها قيصر وركض بها بسرعة ولكنه توقف فجأة بعد عده اميال وهو يري مارد امامه يبتسم بسخرية ويقول:
-شكلك نسيت اني اسرع واقوي منك ...
وضعها قيصر علي الأرض واقترب منه وهو يقول بتوسل:
-هبعد عنها واختفي يا مارد بس سيبها ...
وقع قلب نهلة في قدميها....لا يمكن هذا...هي لا يمكنها أن تعيش بدونه لحظة واحدة ...ولكنها لم تتحدث بل راقبت ما يحدث بفزع ...ابتسم مارد وهو ينظر إليها وقال:
-لا يا قيصر هي هتموت وانا اللي هقتلها بإيدي ...همص دمها لحد آخر قطرة وكل ده هيحصل قدامك....ارتعبت نهلة كثيرا بينما تشنج فك قيصر وقال:
-يبقي تقتلني قبلها
نظر إليه مارد بغضب وقال:
-هتموت نفسك عشان بشرية ...انت مجنون ليه مش قادر تفهم أنك من عيلتي....تخصني وانا خايف عليك ...
نظر قيصر الي نهلة وقال:
-وهي كل عيلتي يا مارد مش هقدر اتخلي عنها ابدا ...
دمعت عيني نهلة بتأثر ...بينما امسك قيصر كفها وقال:
-جاهزة...عايزك تثقي فيا
اومأت برأسها
اقترب قيصر وهو ممسك كف نهلة وقال :
-اقتلنا سوا يا مارد لاني مقدرش اعيش من غيرها ...احمي نفسك واقتلني الأول وبعدين اقتلها ....
غضب مارد منه ...قيصر يعرف انه لن يقتل احد من عائلته ابدا ولكن تلك البشرية لابد ان تموت ...
-لا يا قيصر نهلة بس اللي هتموت !!انتهي الأمر !
......
بعد أربع وعشرون ساعة ...
كان قيصر يقف بعيدا بينما جد نهلة وصديقتها يقرآن الفاتحة علي روحها ...كان يري حزن الرجل ...رغم معاملته القاسية لنهلة الا انه احبها كثيرا ..مسح الدموع التي انسابت من عينيه وامسك بذراع سها وذهب...تنهد قيصر بحزن بالغ وهو يفكر انه السبب في هذا كله ...نظر الي القبر وذهب اليه ...وقف أمام القبر وهو يري الاسم كامل( نهلة عبدالله نوفل )...لقد قتلها بيده ...لم يستطع حمايتها ...اراد الصراخ ولكن صوته لا يتجاوز حلقه ...اراد البكاء ولكن عينيه لم تنصاعان لامره ...بداخله الم قوي وغضب أكبر ...غضب من مارد وغضب من نفسه لانه من دمر حياتها ...بسببه وبسبب مارد ماتت نهلة ...شعور تأنيب الضمير القاسي اصبح ينخر في روحه بقسوة ...تلك الفتاة كان لديها الكثير لتفعله ولكن بسبب انانيته انتهت ...حبيبته انتهت ....سقط علي الأرض ودموعه تشق طريقها لوجنتيه ...وهو يضرب علي الأرض ويقول :
-غبي ...غبي انت اللي دمرتها يا قيصر ...انت اللي حرمتها من العالم ده ...كل ده حصل بسببك. ...بسبب انانيتك ...فيها ايه لو كنت عايش في الظل ...فيها ايه لو فضلت تراقبها من بعيد وتكون في الضلمة لان ده مكانك ...قدرك هو الضلمة لكن انت كنت اناني وطلعت من الضلمة وهي اللي دفعت التمن غالي اووي ...
اخذ يبكي وهو يشعر بجبل علي قلبه تأنيب الضمير يقتله حرفيا ...انتفض جسده وهو يشعر بها تقترب ...يسمع حفيف خطواتها الخفيفة ويشعر بكفها التي تحط علي كتفه ...مسح دموعه سريعا ونهض وهو يراها...وجهها شاحب ...عينيها سوداء ولكن ميتة لا تلمع ...انيابها استطالت...لن.يتحمل وانفجر بالبكاء قائلا:
-اسف. ..آسف ...كل ده حصل بسببي ...
-ششش
قالتها نهلة واضعة كفها علي فمه وقالت:
-نسيت ان أنا اللي اختارت ...
نظر إليها قيصر وقد تذكر ما حدث في تلك المواجهة ..
....
لا يا قيصر نهلة بس اللي هتموت !!انتهي الأمر !
ابتلع قيصر ريقه وكاد ان يترجاه ولكن نهلة تدخلت وقالت:
-لو بقيت منكم ممكن ابقي مع قيصر ومتقتلنيش !
نظر إليها مارد بينما شحب وجه قيصر أكثر وقال:
-نهلة بلاش جنان...
امسكت نهلة كفه وقالت وهي تبكي:
-انا عايز ابقي معاك دايما يا قيصر ودي الطريقة الوحيدة ...كده كده هو هيقتلني لاما هيحولني فأنت اختار ...وممكن ازور موتي وابعد عن جدي
نظر الي الدموع التي تغرق عينيها وقد اتخذ قراره !!
....
حاوطت نهلة وجهه وقالت:.
-انا اللي اختارت اضحي بكل حاجة وابقي معاك لاني اكتشفت ان انت كل حاجة في حياتي يا قيصر..أنا محبتش حد قدك ...
امسكت كفه وقالت:
-احنا من النهاردة هنبقي مع بعض طول العمر ..
ابتسم قيصر وقال :
-طول العمر ؟!
ضغطت علي كفه وهي ترد له ابتسامته وتؤكد:
-طول العمر يا قيصر ....
ثم امسكا بكف بعضهما وهما يغادران المقبرة ...يركضان كالريح وبينما تشعر نهلة لأول مرة أنها تعيش ...وياللسخرية فقد أتاها هذا الشعور بعد أن ماتت فعليا وأصبحت من عالم اخر ...عالم مصاصي الدماء ...
وتلك لم تكن نهاية قصتها بل البداية في عالم آخر مختلف تماما ...وللحديث بقية
تمت
#حبيبي_من_عالم_اخر
#سولييه_نصار
بتمني تكون القصة عجبتكم لو حبتوها نكمل السلسلة كل فترة ننزل نوفيلا كاملة زي كده
