صفقة حب ..( الكاتبة أروى عادل)

الفصل التانى( الهروب الى المجهول)

الام: ساره رايحه فين بدرى كده
ساره:صباح الخير الاول ياماما
الام :صباح الفل ايه على فين
ساره: على الشغل طبعا حيكون على فين يعنى رايحه اتفسح مثلآ
الام: بدرى كده
ساره: اه يا عفاف بدرى كده صح هو انا مش قولتك
الأم: خير
ساره: شوفت شغلانه فى مصنع مكياجات فتره صباحيه من الساعة ٧ الصبح لحاد الساعة ٣ العصر بعد كده هروح على الشغل التانى محل الملابس من الساعة ٥ العصر إلى الساعة ١١ بالليل
الأم: مش كتير عليكى يابنتى شيل الهم ده
ساره: لا كتير ولا جاحه يا عفاف بعدين ما انتى عارف لازم ندفع الفلوس اللى عليكى لعم حسين بتاع الاجهزه الكهربائية بدل ما كل شويه يهددنا انه هيشتكى بالشيكات ٠ صح يا ماما هو المبلغ إللى عليكى لعم حسين بقا كام دلوقتى
الأم: ٤١ الف جينة بالفوائد اخر مره قال قدمنا شهرين
لا الدفع لا الحبس
٠٠أم ساره جابت الأجهزة الكهربائي من عم حسين بالتقسيط لجواز سعاد بنت سعيد اتجوزت سعاد و عفاف فضلت مع الديون
ساره: إن شاء الله خير يا ماما ماتخفيش ربنا مش هيسبنا طيب امشى انا ٠احسن التأخر على الشغل سلام
أنور : استنى يا هنام رايح فين على الصبح كده بعدين شعرك كمان باين من الحجاب
ساره : بقولك ايه انا مش قادره اتخانق على الصبح كمان انا متأخر على الشغل
٠٠شدها أنور من ذراعها جامد قال لها
انور: انتى ازاى بتكلمينى كدا ٠ اسمعى يابت انتى
٠ قطعت ساره كلامه٠٠
ساره: سيب ذراعى ابعد عنى احسنلك
هنا جريت عفاف على انور عشان يسيب ساره اثناء كلام عفاف مع انور عشان يسيب ساره فى حالها طلعت ساره تجرى خارج المنزل الى شغلها .
فى الشغل كان يوم عادى .ساره بتشتغل دون النظر اللى اي احد لبسه الكاب على رأسها كأنها بتخفى جمالها من نظرات الإعجاب من كل اللى حواليها الساعة الأن ٣ حان وقت المغادرة من الشغل و الذهاب اللى الشغل الاخر
هو محل الملابس عندما وصلت المحل جلست تأكل شندوتش فول على جانب هنا جاءت صديقتها عبير فى الشغل
عبير: إيه لسه مش فكرتى فى الموضوع ياساره
سارة: موضوع إيه
عبير: السفر اللى الجونه يا ساره انتى عارف هنقبض كام هناك يا ساره دول ٥٠٠٠ الاف جينة ده غير الدبس و كمان فى سكن للمغتربين والاكل على حسابهم
ساره: ياستى عايزه تروحى روحى انتى مش توجعى دماغى . انا مش هينفع اسيب ماما وهى تعبانه ولا جلال اخويه صعب . بعدين انا الشغلانه دى أصلآ مش مريحنى ٥٠٠٠ الاف جينه عشان نشتغل فى كافيه مش كتير
عبير: بابنتى هو كافيه عادى . لاء ده حاجه كده على مستوى كبير اوى مش بيروح الكافيه ده غير الناس اللى معاها فلوس كتيره اوى ده عالم تانى غيرنا خالص ده كفايه انه فى الجونه ولا انتى غاوى فقر
ساره٠ يمكن شكلى غاوى فقر
عبير : فكرى يا ساره مش هتخسرى حاجه
ساره : خلاص قولتلك الشغلانه من مريحانى