Unicode
အဏ္ဏဝါ မီး လင်းနေတဲ့ အဟောင်းဆိုင်အိုလေးထဲ ဝင်သွားတော့ ဆိုင့် ဖေဖေက သူပြင်ခိုင်းထားတဲ့ ရေဒီယို ကလေး တစ်လုံးနဲ့ အလုပ်ရှုပ်နေတာ မြင်လိုက်ရသည် ။
" ဦးလေး "
မျက်မှန် ကို ပင့်တင်ကာ သူ့ကို သေချာ
ကြည့်လာသည့် ဦးလေးကို တွေ့တော့ ဆိုင့်ကို တောင် ပြေးမြင်မိသွားသည် ။
ဆိုင်က သူ့အဖေနဲ့ တူတာပဲ ။ မျက်မှန် ပင့်
တင့်ပုံကအစ ။
" ဪ ရေဒီယို လေးလာယူတာလား သား ။ ဦးအခုမှ ပြင်တုန်း ကွာ သားအရေးတကြီးလိုလို့လား "
" မဟုတ်ပါဘူး "
အထဲမှာ မီးသီး မှိန်မှိန်လေး ထွန်းထားကာ ပစ္စည်းတွေအားလုံးက သူ့နေရာနဲ့ သူနေရာတကျလေးရှိနေတာမို့ ဆိုင်လေးကို
ကြည့်ပြီး တစ်မျိုးတစ်မည်ခံစားချက်မျိုးကိုတောင် အဏ္ဏဝါ ရသွားတယ် ။
ဆိုင့် ဖေဖေက ရိုးရိုးရှင်းရှင်း နဲ့ နေတတ်တဲ့သူတစ်ယောက်မှန်း အဏ္ဏဝါ သိလိုက်ရတာမို့ ဘာမှ တွေးမနေတော့ဘဲ အထဲသာ ဝင်ချလာလိုက်သည် ။
အဏ္ဏဝါဇေး ဆိုတဲ့ သူက တော်ရုံ ဘယ်သူနဲ့မှ ပက်သတ်ချင်တာ မဟုတ် ။ အထူးသဖြင့် ဟိုစပ်စပ် ဒီစပ်စပ် လုပ်လွန်းတဲ့ လူကြီး တွေ ။
" ရပ်မနေနဲ့ သား ။ လာအထဲဝင် ခဲ့ ဦး လက်ဖက်ရည်တိုက်မယ်ကွာ လာခဲ့ ဆိုင့်သူငယ်ချင်း မဟုတ်လား မင်းက "
" ဟုတ်ကဲ့ ဆိုင် ကျောင်းမလာလို့ ကျွန်တော် လာမေးကြည့်တာ ဦးလေး နှစ်ပတ်ကြီးတောင် ဆိုတော့လေ "
" ဆိုင်ဆိုင် က နယ်ဘက်ကို သူ့အမေနဲ့ ပါသွားတာ သားရေ ။ သူတို့ ကြီးကြီး ကျန်းမာရေး မကောင်းလို့ နှစ်ပတ်လောက် သွားပြုစုပေးရတာ ။ ဦးလေးလည်း သဘက်ခါလောက် လိုက်သွားမှာ ဆိုင့်ကို ပြောလိုက်မယ် လေ သူငယ်ချင်းတွေက သတိရနေတယ် လို့ ။ သောက်ဦး လက်ဖက်ရည် "
" ဟုတ် "
ကြွေပန်းကန်လုံး ဖြူဖြူလေးထဲမှာ ထည့်ထားတဲ့ လက်ဖက်ရည်က သောက်ချင်စရာကောင်းလှသည် ။
" ဆိုင့် မေမေ မရှိလို့ မဟုတ်ရင် ဆိုင့်မေမေလက်ရာက ဦးလေးထက် ပိုကောင်းတယ် "
YOU ARE READING
အချစ်ဦး ပုံပြင်
RomanceThe entire story line and character names are just the imagination of the author.
