هيثم اتنهد تنهيده طويله : من سنه كنت راكب العربيه و رايح الشغل ف الشركه بتاعتي و جاي اركن العربيه عشان انزل بس ملقتش فرامل ساعتها مكنتش عارف اعمل اي انط مثلا من العربيه بس العربيه كانت ماشيه بسرعه حاولت احود بالعربيه عشان مثلا اخبط ف اي عربيه و تكون حادثه بسيطه و ميجراليش حاجه بس لسوء الحظ لقيت شجره كبيره جدا خبط فيها للاسف و الحقيقه معرفش ازاي الشجره وقعت علي العربيه و ازاز العربيه كله اتكسر و العربيه اتقلبت و انا اخر حاجه شوفتها و كنت حاسس بيها منظر الدم و هو بينزل مني و الناس كلها ملمومه و طبعا جسمي كان مليان كسور و دخلت ف غيبوبه لمده شهرين و سافرت برا عشان اعالج الكسور و بعد ما فوقت من الغيبوبه عرفت اسوء خبر ممكن اسمعه .. و كمل بحزن : اكتشفت أن انا فقدت بصري و بابا و عز حاولو كتير معايا أني أعمل العميله بس انا كنت مقتنع أن دا عقاب ربنا ليا عشان انا قبل ما اعمل الحادثه دي كنت بعمل ذنوب كتير و رفضت اعمل العمليه و من ساعتها وانا بقيت شخص تاني اتغيرت من هيثم المرح لهيثم العصبي الكئيب و حاسس نفسي عاجز
دولي سكتت شويه و بعدين قالت : طب ي هيثم اظن ان موضوع الحادثه دا مدبر
هيثم باستغراب : مدبر!! ازاي يعني
دولي : يعني ازاي متلاقيش فرامل العربيه الا إذا كان حد فعلا هو شايل فرامل العربيه
و قطع كلامهم عز من وراهم و هو بيخض دولي
عز : بخخخ
دولي بخضه : الله يحرقك ي شيخ قطعتلي الخلف
و قامت تجري وراه
دولي : والله مانا سايباك ي عز يا ابن رفاعي
عز بضحك : سيبي ابويا ف حاله الراجل مجاش جنبك
و عند شريف و هيثم
هيثم كان قاعد سرحان و بيفكر ف كلام دولي هل ممكن تكون الحادثه مدبره بس مين اللي هيعمل كدا
قطع تفكيره صوت شريف أبوه
شريف : مالك ي هيثم
هيثم بابتسامه بسيطه : مافيش ي بابا .. مش يلا عشان نروح ولا اي
شريف : حاضر ي ابني هنادي علي المجانين اللي بيضربو ف بعض دول و نروح
و فعلا روحو و كلهم كانو مبسوطين ماعدا هيثم اللي كان كلام دولي شاغل باله جدا.........و نروح عند محمد
محمد ف نفسه : ماااشي ماشي ي داليدا هتشوفي محمد هيعمل اي .. مش انا اللي واحده زيك لا راحت ولا جت ترفضني .. هتندمي يا داليدا هتندمي
أنت تقرأ
جعلتني آرى العالم بعينيها
Fiction généraleهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )