حازم بمرح:حاضر يا حاج يلا روح اعملنا البطاطس على ما اصلي
احمد:انت لسه مرحتش بقالك ساعة بتقول رايح اصلي ما تروح
حازم:حاضر متزقش بس
ثم ذهب لكي يؤدي صلاته ويتلو القرآن
احمد بمرح: تحبي تاكلي بطاطس محمره واقوم مسيح عليها شوية شيدر
ثريا : اه هييح هتبقى قمر اوي
احمد بحب: قمر بس يا ثرثر
ثريا بغضب: بطل تقولي ثرثر يا احمد هزعل منك والله
احمد بمرح: خلاص ياوليه ميبقاش قلبك اسود وخلقك كنز كدا خليه استرتش
ثريا: طيب يلا روح اعمل البطاطس على ما اشوف مروان وريم
احمد بحزن :تمام يا قلبي ربنا يرحمك يا هنا
ثريا بحزن:يارب ياحمد يارب عارف لولا وجود ولادها كان زماني ميته وراها
احمد بحزن:بعد الشر عنك يا قلبي قضاء الله اياكي تعترضي عليه
ثريا بحزن: غصب عني ياحمد حاسه ان هيا ماتت امبارح محدش يصدق ان مر خمس سنين على وفاتها حد يصدق ان يوم ما ولدت اجمل وردتين تروح وتسبنا كدا وتقوم سيبالي ولادها اربيهم وياعيني عليك يا محمد بعد وفاتها مخك طار واللي حطه في المستشفى صحبه واخو مراته اه يا بنتي وحشتيني يا هنا بجد وحشتيني
احمد والدموع تملئ عينيه: ربنا يرحمها يا قلبي كفايا ان هيا سابت لينا حاجة من ريحتها
ثريا بحزن: عندك حق
قاطع حديثهما الحزين صوت طفلين بعمر الخامسه يتشاجرون
ريم ببكاء: هات لعبتي يا ملوان
مروان بطفولة: لا مس هديهالك يا ييم
ريم ببكا: يا ثيثي خليه يديني لعبتي يا جدو
ثريا بصدمه: يعني هو تقوليلو يا جدو وانا تقوليلي ثيثي ماشي يا احمد انت وابنك حازم
احمد بضحك:ههههههههه حبيبة جدو تعالي في حضني يا قلب جدو
مروان بغيرة طفولية: اشمعنى تحضن ييم وانا لا انت وحش ومخصمك
ثريا بحب: تعالى يا قلب تيته وانا احضنك سيبك منه يا واد انما انا هحكيلك حكاية ليك انت لوحدك النهارده ومحدش هيعرفها غيرك يا قلبي
مروان بحماس:هيييه هتحكيلي حكاية وانتي لا ثم اخرج لسانه بطفولة لتؤمته
ريم بحزن: لا مليش دعوه انا عاوزه اعرف الحدوته مليش دعوه نزلني يا جدو نزلني اروح لتيته
ثريا بمكر ومشاكسة: دلوقتي بقيت تيته يا ريم
ريم بطفولة وبراءه: انتي احلى تيته يا ثيثي
ثريا: شوف البت النصابة اقولك تيته وبعديها ثيثي ماشي يا لمضه هحكيلك اجمل حدوته
احمد بصدمة: اي الاحفاد اللي اتربو على مصلحتهم دول ماشي يا حازم انا اللي سبتهملك علمتهم انهم يكونو بتوع مصلحتهم
حازم بمرح من خلف والده: بتقول حاجة يا حاج
احمد بغضب: اه بقول يابن ثريا هتعمل اي يعني
حازم بحمحمه:احم ولا حاجة يا حاج انا اقدر بردو
احمد:اه بحسب
ثريا بحب:انا هروح احكي لاحفادي حكاية حلوه من القرآن وانت يا احمد اعمل العشا وانت يا حازم روح ساعد ابوك
احمد :حاضر
حازم بطفولة: حاضر يا ماما بس انا كنت عاوز اسمع الحكاية اشمعنى احفادك
ثريا:شوف الواد اللي غيران من ولاد اخته
حازم :اه اشمعنى هما
مروان بطفولة مشاكسه:انت هتعمل حجمك بحجمي يا خالو انت كبير قد كدا وانا صغنون
