بعد مرور ايام
في منزل محمد كانت امينة تجلس وتشاهد التلفاز لاكن كانت بعالم اخر تتذكر الماضي
في الماضي قبل 5 سنوات
في غرفة بسيطه باثاثها واناقتها دلفت الام لتوقظ ابنها من نومه العميق
امينة بحنان: يا محمد يلا بقا اصحى مش كدا يا حبيبي يلا عشان معزومين عند خطيبتك
محمد بتافف : يا ماما انتي لي مصممه ان هنا دي خطيبتي دي زي اختي وانا وهيا لا يمكن نتجوز دا لو انطبقت السما على الارض دا انا وهيا بنشتم بعض في سرنا وبنبقى كارهين نقعد مع بعض
امينه بصرامه: بص يابن امينه هتتجوز هنا يعني هتتجوزها الكلام دا مفيهوش نقاش ابوك الله يرحمه حاجزها ليك م وانتم صغيرين وعمك احمد عارف كدا هو ثريا اومال لو مكنش حسام صاحب عمرك كنت عملت اي
محمد : يا ماما يا حببتي صحبي على عيني وراسي انما اتجوز اخته دا اللي لا يمكن ابدا مستحيل
امينه بحزم : قوم البس يا حضرت الظابط عشان نروح للناس
محمد : اه ماطال قولتي حضرت الظابط يبقى قلبتي عليا يا حببتي والله هنا متنفعنيش
امينه بخبث: عيني في عينك كدا يا ولا
محمد حاول التهرب منها بحديث اخر : بصي انا ورايا مشوار سلام يا حب
امينة بخبث: اعمل عبيط يا حبيبي على اساس ان معرفش ان صورها على فونك وعلى اللاب توب وأنك بتراقبها علطول في الراحه والجايه
محمد بصدمه حاول اخفائها: مش صحيح
امينه بخبث: يا ولا على ماما
محمد بإرتباك : اني عاوزه اي دلوقتي يا ماما
امينه بابتسامة نصر: عوزاك تعترف بكل حاجة
محمد بارتباك : كل حاجة ازاي
امينه بمكر : بتحبها من امتى
محمد بتهرب : هيا مين دي اللي بحبها
امينه بخبث:اللي بالي بالك
محمد : هو اي انا مش فاهم حاجة
امينه بخبث: اللي عنيك لمعت لما عرفت ان احنا رايحين ومزال عيونك فيها لمعه
محمد بصدمه : انا لا يمكن ابتا ابتا عيني تلمع ليها نووو مستحيل دا انا بكرهها كره العما
امينه بخبث : عبيطه انا عشان اصدق الكدب دا يا كتكوت اي اللي نساك متعملش ديك على اللي فقساك وقامت الام بطبطبه على كتفه ثم تركته ورحلت
محمد في نفسه : هو انا مفقوس اوي كدا
امينه من الخارج : يلا يا محمد جهز نفسك عشان نروح لهنا حببتي
محمد وهو يتحدث مع نفسه : دا انا هلبس في ثواني دا انا بحلم باليوم اللي هتكون فيه حلالي هييح
دلفت امينه مره اخرى لغرفة ابنها
امينه بحزم : يلا يا روميو اجهز عشان منتاخرش على جوليت
محمد : بتتريقي يا ماما
امينه : انا ابدا هو انا بتاعت الكلام دا بردو يلا يا واد الناس مستنيانا
محمد : حاضر يا ماما هاخد شاور واجي معاكي
امينه : هو انت لسه هتاخد شاور
محمد بصدمه : اه طبعا اومال اروح ليهم وانا رحتي وحشه منا لازم احافظ على نضافتي يا ماما
امينه : بس اللي اعرفه انك مستحمي قبل ما تنام وانت نايم م ساعتين وحاطط برفيوم ومخلص الشاور جل هتستحمى لي بقى وانت ريحتك نضيفه
