في اليوم التالي
داخل المستشفى الامراض النفسيه
عبدالرحمن بهدوء : يلا يا محمد عشان انزل ا
تقعد شويه في الجنينه بدل قعدتك دي
محمد بهدوء: لا انا عاوز افضل لوحدي
قام عبدالرحمن بسحب الكرسي وجلس امام محمد
عبدالرحمن:مالك يا محمد انت لسه زعلان على فراق مراتك ام اولادك
محمد بهدوء: طبيعي احزن على موتها وفراقها بس انا مش هوقف حياتي على الحزن انا وهبت حياتي لولادي
عبدالرحمن: احكيلي يا محمد عنها
محمد بعدم فهم: مش فاهم تقصد اي لان احكيلك عن مراتي مش فاهم
عبدالرحمن مصححاً لحديثه: مش قصدي انا اقصد انك تخرج كل اللي جواك قولي بقى من امتى وانت تعرف مراتك هيا اسمها اي
محمد بحنين : هنا اسمها هنا وكنت دائما بقولها يا هنايا
عبدالرحمن:طب ولادك انت عندك طفل
محمد باشتياق لاطفاله: عندي اتنين ولد وبنت توأم
عبدالرحمن: بسم الله ماشاء الله اسمهم اي الكتاكيت
محمد بحب : ريم ومروان
عبدالرحمن: ربنا يباركلك فيهم يارب
محمد بامتنان: يارب
عبدالرحمن: مراتك ماتت ازاي
تذكر محمد موت زوجته وحبيبته وتحول فجاه كالاسد الجريح وقام بمهاجمة الطبيب في حركة سريعه واحكم قبضته على عنق الطبيب
عبدالرحمن محاول فك يد محمد عن رقبته فقد حدث كل شيء بسرعه: سبني يا محمد هتموتني
محمد وهو لا يرى امامه:هقتلك
عبدالرحمن:حقك عليا يا محمد مكنتش اعرف ان موتها بيعمل فيك كدا سبني هموت
في لحظه عاد الي وعيه وترك الطبيب
محمد باعتذار: انا اسف جدا يا دكتور حقك عليا انا مبعرفش اتحكم في نفسي بجد اسف جدا
عبدالرحمن :كح كح حرام عليك يا محمد انا عجزت عن فهم دماغك لحظه تكون طيب ولحظه تكون مش مفهوم اي يابني هتجلطني والله انا مش عارف افسر حالتك عشان اعالجك ارحمني شوية
محمد بهدوء: مش مهم تعرف انا كويس انتو اللي مش عاوزين تصدقوني اعملكم اي
عبدالرحمن : انا كدا اتاكدت انك مجنون رسمي كنت شاكك وانت اكدتلي دا
محمد بهدوء: قصدك ان انا مجنون يعني
عبدالرحمن:يا راجل انت اول مره تاخد بالك انك مجنون في حد في حالتك دي عصبي و هادي وغلبان وشرير اي حالة التخلف اللي انت فيها دي يابني نفسي افهمك هستقيل بسببك
محمد بهدوء: ومالو اهو تريحنا من رغيك بقالك ساعة عمال ترغي صدعتني
عبدالرحمن بصدمة: انا رغاي
محمد: واو انت اول مره تاخد بالك انك مبتبطلش كلام من ساعة ما جيت وانت نازل اسئله فيا وبتتكلم كتير
عبدالرحمن: طب دا شغلي انا قولتلهم انا عاوز اخش تجاره دخلوني اداب علم نفس ربنا يسامحهم بقا انا همشي سلام
ثم غادر الغرفه تاركا محمد وحيدا
نظر محمد الي الحديقة من الشباك وعلى وجهه ابتسامه خبيثه
******
ظنوا انك لا تفهم مكرهم لاكنك افضل من يمثل عليهم الشر
نورا عوض
******
