بريئه في قبضة النمر

الجزء التاسع عشر ( بارت 19

ممكن اطلب منك حاجه

نور: خير خضتني...ده هدوء ما قبل العاصفه صح....ناوي علي ايه

يُونس متقطع القلب للحاله التي وصلت لها بسببه...

الهذه الدرجه ما زالت لا تثق به وتخاف منه ان يأذيها.....حتي بعد ان وعدها بالا يتعرضلها بسوء...كيف وقد اصبحت معشوقته

يُونس: نور انا وعدتك قبل كده اني مستحيل اأذيكي...عايزك تثقي فيا وتنسي اللي فات ارجوكي...

نور: ماشي هثق فيك...بس انسي اللي فات صعبه دي...ويلا بقي عشان تطفي النور..همووت وانام

يُونس: طب والطلب اللي عايزه

نور: قول يا بني انجز....انا مش مستريحالك من الاول قوول

يُونس: عايزك لو جرالي حاجه متسبنيش وتفضلي جمبي وــــ....ولم يكمل جملته

نور وهي تعتدل في جلستها لتقابل وجه يُونس فأكثر:

ياا نهار اسود يجرالك حاجه ازاي يعني مش فاهمه....
ليه هو في حرب النهارده...هتروح تحارب مين...

ايه ده ثواني انت هتروح تحارب ببدله....يا لهوي وهتسيبني لوحدي لمين...هترملني بدري...

تشبثت في ذراعه....لو الحكايه كده مش هسيبك تمشي اكيد

يُونس وهو يزيح يدها: يا شيخه ابعدي بقي نفسي اكلمك كلمتين جد في حياتي...
حرب ايه بس اللي هتقوم...ده انتي مجنونه رسمي اقسم بالله...انا ماشي

نور:يُونس اقف...خلاص والله هسكت خالص...يا بني اقف كلمني......والله لو مشيت لاسيبلك البيت وما هتعرفلي طريق

يُونس:طب ابقي اعمليها يا زفته انتي وانتي تشوفي هيجرالك ايه...

نور في سرها كلمانجي......خد ياض بس قرب هنا وكلمني بدل ما عمال تسبسبلي في شعرك.....يا بني انا قد أمك ومش قادره اقوملك.......

لتقوم بالصراخ يُووووونس

ليأتي لها واضعا يديه علي فمها لكي تسكت عما تهذي به
يُونس: بطلي حركه الصويت دي يا نور.....ارحمي امي واتهدي شويه...

نور وهي تزيح يده: خلاص والله هسكت...بس انت بجد رايح فين...اوعي تكون رايح تقابل بنات بحلاوه امك دي

يُونس بغرور: ده انتي بتعاكسيني بقي 😏

نور: بجبر بخاطرك يا خويا ما تتغرش اووي كده

يُونس: انا هتجنن منك حرفيا...

نور: طب خلاص رايح فين بقي

يُونس: اعتبريني رايح احارب فعلا يا ستي

نور وقد شعرت بجديته في نبره صوته: انت بتتكلم بجد والله...يُونس متسبنيش

يُونس:متخفيش عليا اووي كده...وبعدين انتي ناسيه ان جوزك راجل مهم في الشرطه ولا ايه....يعني كل يوم في مهمه وخطر شكل....