لهفه المراهقين بالحُب الاول كشغف القبله الاولى.

15

نوره بهدوء : يوم من الايام وحده فيهم انخطفت و اغتصبوها وكان عمرها ١٩ بس انتي متخيله
نجم وسعت عيونها بصدمه من كلام امها : يمه من ذي
نوره : خليني اكمل
نجم بهدوء : تمام
نوره بقهر : بعد ما عملو عملتهم فيها رموها قدام باب بيتهم واختها ساعدتها وبعدها بفتره عرفت انها حامل وقتها الرجال اصر انه يتزوجها عشان ولده وتزوجها غصب عنها وقتها ماقدرت ادافع عن اختي وقتها ماقدرت احميهاا تعبت والله تعبت
نجم : يعني انتي تقصدين خالتي
نوره هزت راسها : ايه نجم تدرين من خالتك
نجم بلعت ريقها بخوف : مين
نوره : نور ام اللي تحبينه عبدالله الفيصل
نجم بصدمه : هاه
نوره : ايه تذكرين لمه قلتي لي عن عبدالله وقتها تذكرت اختي تكون زوجه فهد الفيصل
نجم : يعني هو يكون ولد خالتي
نوره : ايه
نجم نزلت دموعها : يمهه يعني خالتي كانت قدام عيني ولا عرفتها ياربيييهه واللي احبه يكون ولد خالتي كيف كذا ماما احس نفسي بموت من كثر التفكير
.
.

تنهدت براحه وهي تسمع صوته : حبيبي انت لاتخوفني عليك كذا بغى قلبي يوقف
ابتسم على خوف امه : حبيبتي انتي سم الله على قلبك ماله داعي تخافين بس تعبت من السفر ونمت ونسيت اكلمك اليومين اللي راحت
نور بزعل : فيه احد ينسى يكلم امه هاه
عبدالله : اسفين يـ نور عيوني
سطام اخذ الجوال منه امه ونطق وهو يضحك : يبوي شكلك ساحرها طول الليل ماسكه الجوال منتظره تدق عليها وماتنام عيب عليك والله تسوي كذا
عبدالله ابتسم : يخليها لنا يارب
سطام : ايه كيف كندا عسى فيها حلوين
عبدالله ضحك : اوه على كيف كيفك
سطام : شكلي بنقل شغلي هناك
عبدالله تنور والله
نور بقهر : ناقصه ولدي الثاني يروح بعد
...

بعد مرور شهرين .

دخلت وهي تمشي بخطوات بطيئه عشان مايحس عليها ابدا عقدت حواجبها وضحكت على نومته كان نايم بالعرض ورافع رجوله ابتسمت بحماس ونطت عليه وقالت بصوت عالي : انااا جيتتت
فز من نومه بسرعه وطاح من سريره ناظرته وفطست ضحك عليه : ياربيهه شكلك يضحك
عقد حواجبه وقال : معقول قاعد احلم فيها من كثر ما اشتقت لهاا لا اصحى بس
قربت منه وحاوطت رقبته : معقول مشتاق لي
سطام فز : وريد
وريد ضحكت : ايه
بلع ريقه وناظرها بصدمه : كيف جيتي
وريد حضنته : شوقي جابني لك
سطام شد عليهاا : مجنونه ليه ماقلتي لي
وريد ضحكت : شلون تصير مفاجاه
سطام : اخخ اشتقت لك مرهه
وريد : وانا اكثر
نور فتحت الباب وهي مبتسمه : قلتك صحيه ماقلت ادخلي بحضنه
وريد بعدت عنه بـ احراج
سطام : يمه الله يهديك كان طولتي شوي
نور رمت عليه علبه المديل : قوم جدك يبيك وطلعت
سطام تافف : يارب اجعله خير
.
.

كانت ترسم بغرفتها وتحوس ولا داريه عن الدنيا دخل ومعه كوبين قهوه : تفضلي
ابتسمت له و قالت : شكرا
جلس جمبها ونطق بهدوء : جاين ضيوف بكرا وجدي مسوي عشاء وحتى وريد جات
اوتار : صدقق
سامي : ايه
اوتار بحماس : شرايك نعزم نجم
سامي : فكره حلوهه كلميها يلا
اوتار سحبت جوالها ودقت عليها : الوه
نجم : اهلين
اوتار : شخبارك نجم
نجم بهدوء : بخير وانتي
اوتار : الحمدلله خابه اعزمك عندنا وريد جات للسعوديه وجاين ضيوف لـ جدي ومسوين عشاء
نجم : اسفه يـ روحي امي تعبانه مرهه اذا شفتها بخير بجي ان شاء الله
اوتاار : اوه ان شاء الله يلا باي
نور دخلت عليهم : شفيكم
اوتار قامت وراحت لها : خالتو تذكرين البنت اللي اسمها نجم ذيك الحلوهه
نور : ايه يزينها ذيك البنت
اوتار : عزمتها لـ بكرا بس حسافه تقول امها تعبانه
نور : طيب شرايك نزورها
اوتار ابتسمت : فكره حلوهه ونخليها مفاجاه
نور عقدت حواجبها : شلون بتعرفين بيتها
اوتار : بكلم شهد ترسل لي الموقع
نور : طيب بقوم اجهز
..