لهفه المراهقين بالحُب الاول كشغف القبله الاولى.

29

ابتسمت بلطف لمه شافت سيف داخل وبيده بنتهم لارا تقدم لها وباس راسها وحطها بحضنها عقدت حواجبها بشكل طفولي وقالت : خير ليه تشبهك
سيف ضحك : لاني ابوها
ايان : بس انا امها اللي حملت فيها خير
سيف : شكلها بتحبني اكثر منك عشان كذا طلعت تشبهني فديتها بنتي
ايان : مع نفسك وناظرت لارا : اسمعي يـ ماما لازم تشبهين امك ترا انا حملت فيك تسع اشهر مايصير
ام سيف ضحكت : ياربي كانكم بزران وش ذا
ايان بقهر : بس يـ خالتي ليه تشبهه
ام سيف شالت لارا و ابتسمت : عاد ذا ربي كاتبه كلشي بيد ربي الله يحفظها يارب
ايان : امين
سيف باستغراب : غريبه معقول غدي ما درت
ام سيف تنهدت وهي ناسيه انها كلمت ريان : ادق عليها ماترد شكلها نايمه عاد خليها تقوم وتعرف
سيف قام : يلا انا بخلص باقي الاوراق
ام سيف ناظرت ايان : هاه وش شعورك وانتي ام
ايان : والله شعور حلو بس شفتها نسيت الالم كله
ام سيف : شي طبيعي حتى انا لمه ولدت سيف حسيت بالم قوي بس لمه شفته نسيت الالم كله ولا كاني مت
ايان تنهدت بحب : الله يعظم اجر الامهات بس
'
'
ريان اما هو ابتسم لـ حركتها وهمس لها : حضنك حلو
غدي وسعت عيونها بصدمه من همسه وكانت تبي تبعد بس شد عليها وهي عصبت : ابعد
ريان دفن وجهه بحضنها : ماتعبتي
غدي عقدت حواجبها بغباء : اتعب من وش
ريان بعد عنها وحاوط خصرها : من البعد
غدي فهمت قصده وحاولت توخر يده : ريان انت متزوج مايصير تسوي كذا
ريان : مر شهر ماشفتك ولا عرفتي وش صار
غدي باستغراب : ليه وش صار
ريان بهدوء : طلقت روان
غدي كتمت فرحتها ومثلت البرود : طيب شسوي
ريان وهو يبعد خصلات شعرها الطايره : يعني الموضوع مايهمك
غدي بكذب : ايه
ريان : يعني اتزوج لي وحده ثانيه
غدي قربت بدون سابق انذار ومسكت تيشيرته وسحبته لها : عشان اذبحك والله
ريان وهو يمثل الاستغراب : مو الموضوع مو همك
غدي بنفعال : لا همني جدا وزين انك طلقت ذيك الغبيه يعع تقهر
ريان ابتسم وقرب اكثر وباسها ووو
.،

لبست فستان هادي جدا لونه بينك وخلت شعرها على طبيعته وحطت ميكب خفيف مرهه ورشت من عطرها المفضل وسحبت جوالها وطلعت طبعا بدا الشتاء عندهم والجو صار حلو كان قاعد على البيانو يعزف قربت وحاوطته من ورا : وش قاعد يسوي حبيب قلبي
ابتسم لها بخفوت : ابد طفشت وانتي نايمه قلت اطلع احوس شوي لا ازعجك بس شكلي ازعجتك بصوت البيانو اسف
نجم ابتسمت : بالعكس فتحت عيني على صوت عزفك الحلو ليه ما قلت لي انك تعرف تعزف
عبدالله حك دقنه بورطه : نسيت
نجم : يشيخ واحد ينسى يقول شي حلو لزوجته
عبدالله : اسف مابعيدها
نجم : اصلا بذبحك لو بتعيدها
عبدالله لف عليها ورفع حاجبه : يعني لازم اخاف
نجم : اممم ايه
عبدالله : لايشيخه
نجم حاوطت رقبته :لازم تقول كلشي وماتخبي علي
عبدالله شد عليها : وانا ماخبيت عليك بس ما صادف يوم وقلتك يعني كذا
نجم : حتى ولو
عبدالله تنهد : يلا قومي نروح لـ اهلي متجمعين اليوم
نجم : اصلا انا جاهزه بس انت البس '
'
كانت تمشي لـ الغرفه وهي تدعي من كل قلبها انو ماتكون حوسه دخلت وانصدمت انها مرتبه ونظيفه همست بصدمه : شكله سطام مسخن اليوم
كان واقف وراها وفطس ضحك من كلامها : لاتخافين ما فيني شي بس حبيت اكون مؤدب
وريد رفعت حاجبها : يالله يـ الادب
سطام ابتسم : شفتي
وريد فهت بـ ابتسامته : حيوان حلو
سطام ضحك : وريد وش ذا
وريد استوعبت وناظرته بفشله : ما يضحك ترا
سطام عدل وقفته : ايه صح امشي ننزل تحت
'
'
دخلت وصرخت بصوت عالي : انااا جيتتتت اكيد اشتقتووو لييي صححح
نوره نزلت فنجان القهوه حقها وقالت : الله يصلحك وين نشتاق لك وانتي ناطه عندنا كليوم حتى شهر عسل مارحتي عشان ماتبعدين عنناا
عبدالله ضحك على كلامها : اي والله
نجم كشرت : افا يعني اروح
فهد ضحك : لا لا تعالي افا ذي محد يمزح معها
نور حطت يدها على بطنها بتعب : هي لحد يزعل حبيبه قلبي نجومتي
نجم رمقت عبدالله بنظره وراحت حضنت نور : اشتقت لك يـ عمري
نور : يـ حياتي انا اكثر
عبدالله : هي تراها امي
نجم : واذا امك عادي هي خالتي ومدت لسانها عشان تقهره موت حرهه
..