....:سيدي أدم محتاجاتك ضروري
أدم :روميسة؟؟ (روميسة هيا سكرتار نتاع أدم حاوزها بسبب تصرفاتها ...عقلتوها؟)
جهان: أدم وين تعرفها ؟؟ (غارت 😁)
روميسة: مدام انا كنت نخدم مع سيدي ادم و انا مستعدة نشهد معاكم باش تدو بنتكم
أدم ٫جهان : كيفاه؟؟!!! شاف أدم في ساعة و حكا بزربة
ادم: طلعي في طنوبيل و حكيلنا لانو باقي ساعة على لجلسة .... ركبت في طونوبيل
جهان: تفضلي حكيلنا
روميسة: مدام انا غلطت و وقفت مع الباطل و كنت انانية و ربي خلص فيا و دوكا راني مريضة بالسرطان نتاع الامعاء
جهان.ادم: ربي يشافيك
روميسة : و ليوم حبيت نكفر على اخطائي سيدي نتا في هاديك ليلة ما غتاصبت حتى بنت
ادم.جهان: وشنو؟؟
رومي:ايه سيدي سهام كانت قاصدة باش تصرا بينكم علاقة
ادم: روميسة احكي لحكاية من اول
رومي: سهام كانت تعرف امين لي كان خدام عند حضرتك(راجل سهام)و عاشو فترة طويلة عامرة حب و جا نهار صرات بينهم علاقة و فقدت شرف نتاعها هوا قاللها ماتخافيش تهدا الاوضاع و نجي نخطبك راح من بعدها صار يتهرب و يتحجج حتى بعد شهرين عيطلها و قاللها ليوم عرسي و امو زوجاتو بسيف لبنت خالتو و كان هداك نهار اول ليها في لخدمة و جات عندي و بكات و نتا كنت طردتني من لخدمة و حبيت ننتاقم قتليها عملي علاقة معاه و قليلو نتا خسرتني شرفي و هيا بحكم الانتقام وافقت و يومها عملتلك منشط و نتا كنت سكران و كنت عنيف في لعلاقة دي حتى صرالها نزيف
ادم:يعني هيا حطتلي دوا انا ماغتاصبتهاش
رومي: ايه و بعدها صرتو تتلاقو و نتا حاسب نتا خسرتها شرفها و حتى بعد زواج كانت تحطولك لانها حبت تحمل منك مرة ثانوية و تنسيك في جهان اما نتا ماكنتش تشربو
ادم: سهام لكلبة الله ينعلها
جهان: اما وش صار حتى ستسلمت بسهولة
رومي: لانو قبل عامين طلق امين و رجع يهدر معاها
ادم: روميسة حبيت نعرف انتي واش فايدتك من هاد شي ؟؟
رومي: انا سرطان هلكني و تقربت من ربي اما هاد لعملة بقات مأنبتلي ضميري ...خزر ادم يشوف فيها تحجبت حتى عينيها مرجعتش طلعهم كيما مداري. وصلو المحكمة بدات المحاكمة و دخلت سهام و امين جهان تمنت تنوض تريشها و لالة داخلة بكل فخر دايرة في بالها ليوم تخرج بالحضانة كانت جلسة كلها توتر وسهام ماهبطتش عينها من جهان لبستها و احترام ناس ليها و رقيها خلاها تحسدها لانو كل من يشوفها يعرف انو هي سيدة اعمال ناجحة ..... و ما تفيق من سرحتها حتى وقت طلب محامي ادم انو يدخل شهود و دخلت روميسة سهام دم نشف في عروقها و حلفت فوق المصحف و قالت واش عندها و بعد مدة من مناقشات علن القاضي على الحكم
القاضي: تذهب الحضانة إلى سيد ادم.... و سيدة جهان....
هنا جهان و ادم عنقو بعضاهم من الفرحة حتى رومي و خرجو رايحين للطونوبيل
سهام: رومي والله ماننسى خيانتك ليا طول حياتي
رومي: غير ما تنسايش انا كفرت على دنوبي
جهان: ارفدي روحك و روحي من قدامنا يا خرابت ديار
سهام:شوفو لهجالة تعلمت تهدر
قربت منها جهان
جهان: صحيح كنت هجالة اما دوكا راني مرت راجل صحيح تهجلت اما كابرت و ربيت ولدي و وقت كنت متزوجة مارحتش و صاحبت رجال و كون كنت في بلاصتك ما نبقاش دقيقة في دار حد مش حاملني فيها
هنا سهام هبطت راسه فاقت على روحها و انو غلطت بزاف
سهام: انا كل لي درتو كنت خايفة من شوفت المجتمع ليا و وقت يعرفو والديا
جهان: اه سما نتي تخممي في روحك ماشفتيش انا لي مراءة مطلقة لكرشها لفمها ناس واش تقول عليها ناس لكل تشوف فيك وعاء لي يتخلصو فيه مكبوتاتهم اما ماعلينا انا حبيت نفهم علاه رجعتي
سهام: لانو بلاك ربي حب يخلص فيا لانو امين عمل فحوصات و طلع عقيم
ادم: مليحة دي تقلعيلي بنتي باش تعطيها للي مايتسماش نتاع راجلك و نقولك من ليوم انسي تشوفي واحد في عيلتنا ركبو في طنوبيل و خلاو سهام تبكي واخيرا عرفت قيمت الغلطة لي دارتها اما راجلها ما حكا شيء حشمان من أدم و من لي عملو
جهان:رومي وين تروحي
رومي: انا كاريا دركا و نخدم سكريتار نحاول لم دراهم باش نتعالج ما حبيتش نخبر دارنا عمبالي راح يحزنو بزاف
جهان : ادم معليه تديني لوبيتال نتاعي عندي شغل هوا عرف طيبتها و عرف وشنو حابة راحو دخلت راح لكل يسلم عليها راحت و سجلت اسم رومي و دارت بعض الإجراءات و بطبيعة ادم معاها و دخلو رومي عملولها فحوصات و شدوها في لوبيتال باش يديرو لعملية في أقرب وقت و خبرو اهلها يجو حتى وصلو خبرتهم جهان بطريقتها صحيح فزعو اما طمنتهم جهان و عطاتهم دار لانو فوق سبيطار كاين بيوت مجهزين
هنا خلاصت حلقتنا ❤️
رايكم لبنات في الحلقة ؟؟
و حبيت نعلمكم حبوباتي العيد قرب سما مش راح نحط نهار سبت و مبروك عيدكم ❤️❤️
