راحو عرسانا و روان كان الخوف قاتلها يعني صعيبة على وحدة فقدة شرفها بدون دنب حست روحها ناقصة أما أدم طمنها لكلامو و نساها قاع في هادوك الافكار و حتى ليليان جوزت ليلة العمر مع احسن زوج و حبيب ممكن تلاقيه في هاد دنيا ... اصبحنا و اصبح الملك لله 🌄 ناضت روان و هيا في حضن راجلها ناضت قعدت تتامل فيه حتى نطق و هو غالق عينيه أدم: عمبالي شباب 🙂🙂 روان: وشنو ؟؟ أدم: شفتك كيفاش تخزريلي .... قوليلي كيفاش صبحت حياتي ؟؟ روان: من مدة ما نضتش فرحانة هكدا أدم: ايه بايتا في حضني باينة تنوضي غايا ههه روان: نوض نوض و سكت مزال نروح لدارنا ... نروحو في جيهة اخرى ناض و قعد يشوف فيها داخلة في حضنو و غاطسة في نوم باسها من راسها و ناض دوش و لقاها مزال راقدة إلياس: دي شكارة يبانلي ماتنوضش كون ما نوضهاش راح إلياس تكسل حداها و بدا يتلمس في وجها و لا حياة لمن تنادي ناض و راح جيهتها و قعد يقطر في لماء لي كان في شعرو في وجها هدرت بلا ما تشوف شكون ليليان: ويا دوكا انا مارقدش في هاد دار ... ضحك الياس و رجع يقطر في شعرو حتى بدات تحل في عينيها غير شويا و غير خزرت فيه و تعيط على حدها ليليان: اعععع شكون نتا؟!!!! الياس تصدم حتى بدا يضحك ليليان فاقت مع روحها و حتى هيا بدات تضحك الياس: و شنو عقلك مزاله عازب و مزال ما تزوج 🤣😂 ليليان: و الله غير نسيت بلي تزوجت 🤣 الياس: نوضي نوضي تقول فاقدة ذاكرة نوضي باش نروحو لداركم و جدو لعرايس رواحهم و راحو مع رجلهم و كي ركبو كل واحد لبس مرتو سنسلة نتاع دهب و كي قربو لدار بداو يكلاكسونو و ستقبلوهم لي فلقصر بزغاريت و كان لكل فرحان و أخيرا رجعت الفرحة للقصر نسرع الأحداث جازت سمانة ما تغير فيها والو كان الكل البنات قاعدين في صالون ناضت جهان تجيب قهوة ليهم حتى سمعو حس تكسار نتاع لماعن راحو الكل يجرو يشوفو وش كاين لقاو جهان شادا راسها و السينية طايحا في لرض لينا: وش بيك بنوتي ؟؟ جهان: كنت جايبة لقهوة حتى حسيت بدنيا دور بيا و راسي وجعني راحو داوها لصالو عبرولها سكر ميرا: السكر هابط شوية اما مش لدرجة يسبب قاع هاد الاعراض جهان: من مور العرس و انا يجوني بلاك من تعب نتاع لعرس ميرا: بلاك الانيميا ؟!! شافت ميرا تحت عينيها ميرا: يا بنيتي راكي ناشفة من دم ولا كيفاه تحت عينيك راه كلو بيض جهان: ايه ندير تحاليل و نشوف ... عاونوها ليلي (المصممة قاعدة عندهم لانو ما عندها حد و العائلة اصرت تقعد)و الين طلعوها لشمبرتها و عطاوها تاكل و اليوم الي بعدو جات ممرضة من مستشفى خذات عينة من دم باش يديرو تحاليل اليوم الي بعدوا كان لكل قاعدين في صالون يحكو مع عرايسنا appel vidéo روان:تقول كنتو تحوسو غي وقتاش نتزوجو ليليان: و يتهناو منا لينا: و الله والو دار خوات بلا بيكم روان: علابيها راكم تجو تشوفونا ليليان: ايه من يوم تزوجنا ما شفناكم توحشناكم .....و بقاو البنات مصرين حتى قرو الخواتات في 3 يروحو يشوفوهم غدوة بطبيعة ياخدهم جهاد ... راحو تعشاو و لي طلع يرقد و كاين الين و ليلي و جهان و أدم و جهاد و روان و يسام قاعدين في حديقة غير لولاد قعدين بعاد شويا على لبنات جهان: ويا لوجع يقطع فيا تحت كرشي الين: جهان ما تكونيش حامل ؟؟؟ جهان : ما نعرف حتى انا شكيت ليلي: و أدم علابالو ؟ قلتيلو؟ جهان: ما حبيتش نقولو كيما تعرفو كاين بزاف نساء يكون عندهم حمل كاذب كنت حابة نقولو على شك نتاعي اما تذكرت يوم جا زوجين للمستشفى للفحص حتى تصدمو بانو مكاش جنين و الله خيبت الامل لي كانت في عينيهم نقطع القلب و انا مش حابة نطمع أدم باطل شفتو شحال حاب نولد اما مش حابة نخيب ضنو ....... الحمل الكاذب هو انو يظهرو عند المرأة جميع اعراض الحمل لكن الجنين غير موجود (عطيتكم فكرة عليه مش حابة نتغمق في الموضوع) ليلي: عندك الحق تأكدي عاد خبريه الين: انتي تعرفي و نتمنى تولدينا ولد آخر يونس ولدي ليلي: ايه نتوما في لولادة و انا راجل و ما صيدتش 😂😂 ناضو لبنات يضحكو راحولهم لولاد جهاد: وش سر الفرحة هادي أدم: ضحكونا معاكم اما يسام يشوف غي في لقمر لي قاعدة تما جهان: مكان والو 🤣😂 ليلي: تي هادو خوتي نقولهم بلاك يلقاولي حل مروان: قولي رانا هنا ليلي: غاضتني عمري ناس نتاجي ولدو و انا راجل و ما صيدتهش 🤣😂 ناضو حتى لولاد يضحكو يعجبهم طبع ليلي بنت تحب ضحك و تمسخير اما عارفة صلاحها و الكل في لولاد داروها ختهم من غير واحد هههه جهاد: ايه دوك يجي مكتوبك أدم: ايه ختي ليليلوش دوك يجيك اجمل عريس و و نشفوك احسن عروس انور: و تخرجي عروسة من دار خوتك مروان: اما ربي يكون في عونو 🤣😂 ليلي: ياك يا مروان مروان : خلاص ما تزعفيش ليلي: و نتا شفت بنت تزعف من خوها ... رمى يدو على كتفها و دخلو كيف كيف ليلي: ايه دوك نخبر عليك ليانا مروان: ايي ما ديريش الخلاط بيني و بين حبيبت قلبي 🤣😂 (ايه لانو بعد ما ولدت جهان تعارف هو و ليانا حتى حبو بعضاهم و كل واحد تعارف الاخر و ليلي اخت ليانا التوأم) اليوم لي بعدو راحو لخواتات عند لبنات و رجال الكل لشركة لانو صرات مشكلة في شركة بقات غير جهان و الين و ليلي حتى صونا تيليفون جهان جهان: الو ###: سلام مدام جهان انا سكرتار من مستشفى جهان: وي تفضلي ابتهال ###: مدام انا موضفة جديدة ابتهال كونجي (عطلة) جهان: ايه مش في علمي.. وشنو صار ###: مدام صار خلط في تحاليل بعض المرضى و صرات مشكلة كبيرة في مستشفى و طالبين يشوفو مديرة المستشفى جهان: اوكي دوك نجي .. قطعت الين: وش صار ... حكاتلهم جهان كلش ليلي : و الحل جهان: لازم نروح الدار فارغة مكاش لي يروح في بلاصتي الين: اصبري نعيط لواحد فيهم جهان: نن دخلوا لاجتماع و غير مشاكل الشركة يكفو و راحت جهان لبست و راحت في سيارتها و لحقوها زوج نتاع سيارات نتاع الحراس جهان و هيا هابطة من طونوبيل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هنا خلاصت حلقتنا حبوباتي❤️❤️ في رايكم و شنو صار في المستشفى ؟؟ رأيكم في الحلقة ❤️❤️نحبكم ❤️😍
