سلام حبوباتي رجعت بعد غياب طويل
الين: أدم خويا مش غير ولادة جهان كانت صعبة كانت كل هل السنوات لي عاشتهم صعاب بالنسبة ليها ... جهان بعد طلاقكم كانت تبات تبكي و تخمم كيفاش تربي وليدها و خصوصا بعد ما عرفت بالوضعية الغير مناسب نتاع البيبي كانت تبات تدعي و تصلي و عينيها مانشفوش من البكاء و ما خبرت حتى واحد و تصنعت القوة اما وقت نكون معاها كانو دموعها ما يحبسوش
أنور: حتى وقت كنت نروح عندها تعنقني و تبكي و وقت قيس كان يتحرك و نحط يدي على كرشها كنت نشوف كمية الحزن في عينيها
مروان: و طول المدة لي فاتت كانت تلوم بابا على القرار لي خداه حتى انو منعت اي احد يصرف عليها و طول فترة حملها مفاتش نهار ما خدمتش فيه حتى انو في ليل نسمعو الانين نتاعها من شدت التعب
أدم: وشنو ؟؟؟ و علاه خليتوها تخدم
مروان : يا ليت جات تسمع كونا وقت نهدرولها و قول مش محتاجة لشفقة حد و تبدا تعيط و لا تبكي حتى نفسها ينقطع
ادم: اما وشنو صار وقت ولادتها ؟!
الين: بما انو هيا مريضة بالربو تقرر انو تولد بالعملية قيصرية 30 ماي اما ...
أدم: انا وشنو ؟؟
الين : جاها الطلق يوم 24 ماي
مروان: ايه كان هداك ليوم عرس ولد صاحب بابا و كل راح للعرس و بقيت كان انا و هيا و لاحظت انها ممغوصة اما وقت نسألها تتهرب و تبدل السيرة حتى طلعت لبيتها و جازت مدة قليل حتى سمعت انينها و عياطها رحت نجري عندها و لقيتها طايحة في الارض
.....العودة الى الماضي ....
مروان: شبيك جهان
جهان تنهج: يبدو اني راح نولد
مروان : اما مش وقتو
جهان:وي اما أكيد راح نولد ديني لوبيتال
راح عاونها لبست و داها حارق طريق حتى وصلو نصف الطريق حبست بيهم الطونوبيل
جهان: اييي و شنو صار 😣😣
مروان : حبست الطونوبيل
جهان: ايييي حمبوك مش قادرة عمل شي حاجة 😖
راح يعيط لشي واحد من دار ما جا يعيط حتى طفا تيليفون طاحتلو لشارج
نزل مروان يحبس كاش سيارة اما طريق كانت فارغة و الوقت 00.30 حتى جازت مرا و حبستلهم ... راح مروان يجري و من القلق هدر معاها بالعربية
مروان: مادام تقدري تعاونيني ؟؟؟ و من بعد فاق مع روحو راح باغي يهدر بالفرنسي حتى قاطعاته
ليانا: تهدن انا تاني جزائرية
مروان: تعيشي عاوني ختي راح تولد و حبست بينا طونوبيل
راحو يجرو عندها
جهان:ختي حمبوك عاونيني راح نولد و عندي ربو لازم نوصل لوبيتال في اسرع وقت ايي 😣😖
ليانا : تهدني انا طبيبة نتاع أمراض نساء و توليد راح نعاونك غي هيا ندوك لطنوبيلتي
راحو لوبيتال و ولادتها كانت صعيبة
.......العودة الى الحاضر ....
مروان: تعرف منظرها كان يقطع القلب و هيا تتعافر باش تتنفس و تتعافر مع وجيعة الولادة
الين : و حالة الربو عندها زادت تأزمت
أدم فتح فمو من صدمة يعني هيا عانت كل هاد الحوايج بلا ما يكون بجنبها
أدم: يا ربي وش درت انا مكانش لازم نخليها علاه امنتها
أنور: هدا كان مكتوبكم و فات دوكا عيشو على جال ولادكم و نساو الي فات .... و تفرق الكل و كل واحد وين راح يوجد للحنة نتاع ليوم و أدم راح لقا جهان تصلي عقد يكمل شي شغالات في pc و خدا قرار انو ينسي جهان واش عاشت ... اما هيا هبطت عند النسا تعاون و وقت سقساوها علاه خرجت من لحمام قالت بلي عيات و من بعد طلعت بالاولاد تلبسهم للحنة دخلت قيس لدريسينغ بدلتلو و جاز مروان داه و من بعد لبست ريماس و مشطتلها شعرها و دارتلها البرفان و شعلت لها Tv و ناضت هيا صلت المغرب و لبست فيزو (كولو . كل واحد شا يسميه)و بيستي نوار باش تلبس فوقهم الكراكو عملت مكياج خرجها فتوق و قعدت تخدم في شعرها و عملت محرمة الفتول بالجبين و خيط الروح باش شعرها ما يبانش
دارتو هكدا و لبست كراكو
