كمل أدم طريقو طلع لدارو و جهاد كيفو بقاو غير صغار تما شوية و نساحب وسيم يهدر في تيليفون مخلي مروان و أنور يلعبو ماتش في pلاي .... دخل لشمبرة لقا الضوء طافية بانتلو في لفراش مكسلة تشوف فيه عينينا يتغمضو وحدهم.... تبسملها مشا بدل قشو لبس غير سروال نتاع survêtement و حط تيليفون يتشارجا....طفل الضوء و دخل معاها في لفراش..قربت حطت راسها على صدرو كيما موالفا و حكات و هيا تتنهد :تعبانة
طلع يدو يمسحلها على شعرها
جهاد: نعرف ياروحي من وقت ما صحيتي راكي واقفة معاهم في كلش
الين:بلا مزيا اصلا رانا خواتات. دنا يدو لوسطها و يمس كرشها بالعقل و حكا
جهاد: سمنتي شويا ولا لا؟؟ كرشك راهي تنتفخ . دورت عينيها تخمم ايدا تقولو او لا و من بعد ستسلمت لواقعها و حكات
الين: امممم بلاك ماشي نفاخ نتاع ماكلة..بلاك حاجة وحدخرة تجينا بعد 7شهور
هدر و هو ماشي فاهم : كيما واش زعما ؟؟غير هدرها ستوعب واش قاتلو.. دار يشوف فيها و عيط: تتمسرخييي!!!!
حركتلو راسها بلالا:نووو... صح واش راني نقول . قرب منها مختاصر كل المسافة لي بيناتهم :صح
إلين: وي
قاطعها كي هجم على شفايفها و نقاطع البث
أما أدم كي طلع لقاها راقدة بدل قشو و راح كل على لولاد و و رجع يرقد
اصبحنا و اصبح الملك لله 🌄🌄(راح نسرع في الأحداث)
ليوم راح إلياس للقصر باش يخرج لولاد بعد ما طلبوه لبارح و بعد ما هدر جهان و أدم وافقو دخل و قعد هوا و أدم في الحديقة حتى عيط أدم لجهان في تيليفون تبعتلو لولاد و هيا غي قطعت شافت ليليان جايزة
جهان: ليلي معليش توصلي لولاد لآدم راه في الحديقة كيما شفتي راني مشغولة في امور المستشفى
ليليان : من عينيا حبيبة هبطتهم و هوما بداو يجرو و هيا تجري من وراهم حتى قربو يوصلو طاحت في الارض على ركايبها تتحلف فيهم
ليليان : و الله ما نزيد نوافق على حاجة تخصكم . قالتها و هيا تشوف في الارض حتى هزت راسها شافت الياس شاد الضحكة بسيف وقفت بالخف
أدم: يا ولاد انا ما نحكيش شوفو جيهة البالكون تعرفو شكون راح يحكي دارو و يشوفو جهان تتحلف فيهم راحت ليليان وجها حمر من لحشمة الياس تفلق بالضحك
أدم: ايه أضحك بانتلي راك معجب فيها
الياس: نن
أدم: شوفاتك ليها كلها حب و غرام ايدا راك حابها خطبها راك شفت وش صار قبل كون مش وصلو في الوقت كان مصيرها نفس الشيء ..راح الياس و طول لوقت يخمم في كلام خوه و لقا كلامو صحيح قرر يخطبها و هذا اللي صار وافقو العلتين و حتى ليليان وافقت هي صحيح في اول ترددت لاكن الكل طمنها وقت ذكرو الياس غي بالكلام الزين و بعد الخطبة راح عند ختو و خدا من عندها رقم ليليان و عيطلها و حكا معاها و تما طمن قلبها عرفت انو الياس هو فارس احلامها ❤️و العائلتين خذاو قرار انو يزوجو ليكوبل في عرس واحد لي تقرر بعد شهر من الخطبة ....
بقا أقل من اسبوع ليوم طيبوا الحلويات و ما خرجو من المطبخ حتى وقت متأخر راحت جهان لغرفتها لقات أدم راقد عملت دوش و خرجت تكسلت جنب أدم و مرة مرة تلوح يدها لشعرو
جهان : اوووو شعرو شباب 😍😍تأ يابنت ريحي راكي ريشتي الراجل و هيا هكدا تحكي مع روحها حتى رقدت
ناض أدم مع 8:30 دخل دوش و خرج لبس و راح يشوف فيها غارقة في نوم تبان سمنانة مع الشوط و البيستي الي لبساه راح يقطر الماء الي فشعرو على وجها عقدت حواجبها بدات تفيق
جهان: ادممممم
أدم: نوضي يا كسلانة ايلا كملتي هك راح تصيري سمينة و رح يليق نوسع الباب.ناضت
جهان: وشنو انا سمينة؟؟
أدم: و الكرش هادي لمن ؟؟ طلت تخزر لكرشها كبيرة شوية على غير العادة
أدم: شفتي هيا نوضي راها 9 ناضت عملت روتينها و لبست و هبطو يتقهواو في الحديقة
جهان :أدم وشنو عملت في هداك الموضوع
أدم: واش من موضوع ؟؟؟؟
هنا خلصت حلقتنا ❤️❤️
نتوما في رايكم واش من موضوع ؟؟؟
