اختلال نظام القرين

لي عم فتحي مسلمش على اسامة؟؟

الجزء العاشر
وبعد ما سولي راحت المستشفي وقبل ما احمد يروحلها
سولي: اسامة!! اي اللي جابك هنا؟؟!
اسامة: انا جاي اقولك انا اسف على كل حاجة سامحيني
سولي: ازاي اسامحك انت شكيت فيا وانا اصلا عمري ما اخونك
اسامة: سامحيني ..غصب عني
مسك ايدها واتاسفلها وهيا كمان عيطت
واحمد واقف بعيد وبيقول لنفسه .. سارة بتعيط لي ..انا م مطمن
هيا رايحة فين ..انا لازم اروح وراها
في العربية ...
اسامة:ادخلي يمين
سولي: انت دخلتني من الطريق دا لي يا اسامة انت عارف اني مش بحب المكان دا ..م عايزة افتكر اني كنت هسكن هنا
اسامة: لي بس ياحبيبتي دا مكان جميل حتا فيه زرع كتير
سولي: انت عارف اني بتخنق من الزرع
اسامة: طب تعالي بس كدا نطلع البيت فوق مجهزلك مفاجأة
وصلو لحد باب العمارة
عم فتحي: ازيك يا سارة يابنتي
سكتت سارة استغربت انه مسلمش على اسامة ولقت اسامة دخل المدخل من غير ما يسلم على عم فتحي ..بس قطعت سكوتها وهيا بتقول: ازيك ياعم فتحي
عم فتحي: اي اللي جابك ...
ولقت اسامة بيبرقلها وبيشاولها بأيده يلا بسرعة
وطلعت بسرعة مع اسامة من غير ما تسمع لعم فتحي
وفضل ينده عليها بس مسمعتش
حتا احمد جه وراهم وجه يطلع عم فتحي منعه ..
عم فتحي: انت مين ياجدع انت
احمد: انا مع أستاذة سارة اللي طلعت دلوقتي ..كانت بتعيط وعايز اطمن عليها
وهما بيتكلمو فجأة سمعو صوت صريخ ..احمد طلع بسرعة ولقى سارة مغمى عليها ادام الشقة
احمد: سارة ..سارة فوقي ..معلش لو سمحتي ممكن تسنديها وتنزليها لعربيتها تحت ..
عم فتحي: اي اللي حصل لسارة ..ولي مغمى عليها ادام الشقة الملعونة دي .. بس جدع يابني انك مرضتش تلمسها وتنزلها اصل ...
قطع احمد كلامه وهوا بيقول: شقة ملعونة؟؟؟!
عم فتحي: اه يابني ملعونة .....
حكى عم فتحي لأحمد اللي حصل وقاله: سيبت اسامة ونزلت ومكملش ربع ساعة ولاقيته نازل جري على عربيته
نزل احمد ورا سارة والست اللي مسنداها وركبوها عربيتها
احمد: سارة انتي كويسة
ردت عليه سارة بخوف ورعشة وهيا بتكرر كلمة واحدة
...قرين ..قرين ..قرين