اختلال نظام القرين

معقولة زين يكون عارف سولي وقصده اي بكلامه دا ...تعالو نشوف ف الجزء دا

#الجزء_الثاني
وفجأة سولي افتكرت اسوء يوم ف حياتها
فلاااش بااك
في بيت اسامة وسولي
(اسامة: ناوية تسمي اي ياحبيبتي
سولي: الولد زين عشان يبقا زين الشباب وانت سمي البنت
اسامة: خلاص نسميها زينة عشان تبقا زينة البيت
وبعد ست شهور
ف المستشفى
سولي: اسامة أنا خايفة اووي ع ابني وبنتي ...دي اول خلفة ليا وتعبت فيهم 9 شهور وما صدقت أنهم جم الدنيا واول ما يجي الدنيا يروحو مني
اسامة: متقلقيش يانور عيني هيبقو كويسين باذن الله
الدكتور: للاسف ملحقناش الاتنين
سولي قعدت تصرخ وتعيط ..ازاااي اولادي يا اسامة اولادي
اسامة: اهدي ياحبيبتي اهدي باذن الله ربنا هيعوضنا

باااااك
نيجي ل سولي اللي اليوم دا اتعاد ادامها بكل لحظة فيه بالرغم أنه عدا عليه ست سنين واكنه حصل امبارح
هيا م عارفة لي افتكرت اليوم دا بعد ما شافت زين الي عنده حوالي ست سنين
فاقت من اللي هيا فيه ع صوت عربيات وصوت ناس عمالة تقولها ( يلااا ورانا مصااالح انتي نمتي ولا اي)
راحت سولي الكلية وعدت يومها عادي بس مش نسيت اللي حصل
نيجي ليوم اسامة من الناحية التانية
اسامة: حضرتك هتروح البيت القديم النهاردة
سليمان رجل الأعمال: ايوا يا اسامة انت عارف اني كل يوم تلات لازم اروح هناك عشان افتكر واعيش مع زكريات مراتي
اسامة: ربنا يرحمها
سليمان: استناني ع اول الشارع دا أنا هكمل الطريق دي حتة صغيرة ...خليك هنا استناني
اسامة: تمم ياباشا
واقف اسامة ويلاقي بنت صغيرة ماشية لوحدها وبتعيط ...ويروح عليها ويسألها: بتعيطي لي ياقمر
من غير ما تبص وقالتله: ملكش دعوة انت مالك
اسامة: عيب ياحبيبتي تقولي كدا لحد اكبر منك
ضحكت وحضنته وقالتله بابا بردو بيقولي كدا أنا عايزة اروحله وحشني اوي ..تعرف انك شبه بابا اووي
انتي اسمك اي؟؟! ردت عليه واجابتها صدمته
اسمي: زينة تعرف أن بابا بيقولي ع طول زينة البيت
بعد صمت من اسامة وصوت من زينة يقطع صمته
سكت لي يابابا ...قصديي ياعموو
اسامة: احم ..اسمك جميل اوي يا زينة
زينة: شكرا ياعمو
اسامة: فين بابا ياحبيبتي
زينة: بابا هنا على أول الشارع دا
اسامة: يااه الشارع دا طويل اوي ايه اللي بعدك كدا ...يلا تعالي اوديكي بالعربية
زينة: ماشي شكرا ياعمو
اسامة: تعرفي أن المكان دا كان نفسي اخد فيه شقة
زينة: امال حضرتك دلوقتي قاعد فين؟
اسامة: أنا دلوقتي ف اسكندرية
زينة: بابا بردو كان عايز ياخد شقة هنا واخد بعدها ف اسكندرية
اسامة: احم ...امال انتي جيتي هنا لي ؟؟
زينة: بابا جه يفسحنا هنا و ...ااا
اسامة لقى زينة عمالة تبص بعيد وخايفة ولسا هيقولها مالك جريت من ادامه زي البرق وفجأة دخلت ورا عمارة وجري وراها بس كانت اختفت
رجع اسامة للعربية وقعد يفكر في اللي حصل وزينة مش عايزة تروح من باله
خلص يوم شغله وروح البيت ولقى سولي روحت هيا كمان
راح ونام على رجلها وهوا بيفتكر كل لحظة حصلت ف المستشفى لما خسر ابنه وبنته
سولي: مالك يا اوس اوس
اسامة: مفيش ياحبيبتي كان يوم متعب بس
سولي مش رضيت تزود ف الكلام عشان مش ياخد باله من كلامها أنها بتفكر في حاجة
نزلو تحت واتجمعو كلهم بعد ما سولي وياسو حضروا الغدا
وعدا اليوم عادي جدا وسولي واسامة نسيو الموضوع لحدا ما صحيت سولي في يوم متاخر اوي ولقت اسامة م موجود
اتخضت اوي ومش تعرف لي بس قلبها مكنش مستريح
وفجأة لقت اسامة طالع ع السلم
سولي: كنت فين يا اسامة
اسامة: ملكيش دعوة ادخلي انتي جوا أنا هلبس ورايح الشغل
سولي: انت بتكلمني كدا لي وفي اي مالك متعصب لي
اسامة: مردش عليها ولبس ونزل
سولي قلقت عليه ونزلت عند ابوها وامها وملقتش حد خالص ف البيت ولا حتا محمد وياسو 
اتصلت علي الكل بس كلهم موبايلهم غير متاح
سولي قالت لنفسها معقوله كلهم ف مكان واحد مفهوش شبكة ..طب هما فين؟؟!
سولي اخدت العربية وراحت ع الكلية عشان كان فين امتحان للطلبة ووقفت ف نفس إشارة المرور وسمعت صوت من برا العربية
طنط سولي ... طنط سولي الحقيني
الحكاية لسا مخلصتش