اختلال نظام القرين

ظهور القرين😈

الجزء الحادي عشر
سارة: قرين..قرين
احمد اتفزع من اللي سارة بتقوله وسألها: سارة ..قرين اي ..قرين اي؟؟ بس سارة كانت تعبانة ومقدرتش ترد غير بكلمة واحدة وهيا كلمة ..قرين
الست الي نزلتها خافت عليها وفضلت تقرا قرآن لحد ما سارة فاقت
سارة: انا فين؟؟!
احمد: اي الي حصل معاكي ياسارة؟؟!
سارة: انا مش قادرة افتكر اي حاجة ..اي الي جابني هنا واي الي جابك هنا يا احمد ...
عم فتحي: اسم الله عليكي يابنتي ..انتي جيتي وسلمت عليكي وطلعتي فوق العمارة وسمعنا صريخك انا وأستاذ احمد ..طلعنا لاقيناكي مرمية على الأرض
سارة: انا مش فاكرة اي حاجة ..كل الي فكراه اني روحت لأحمد المستشفى ..وبعدها مش فاكرة اي الي حصل
احمد: طب تعالي هوصلك بيتك
سولي: لا ..لا اسامة جوزي شك فيا ..وتقريبا عشان شافنا مع بعض
احمد: متقلقيش ..دي هتكون فرصة عشان نرجع ثقته فيكي
احمد ساق العربية وراح على بيت سارة
نزل ونده حد من البيت وطلعتله ياسو
ياسو: انت مين؟!
احمد: ممكن تطلعي بس معايا تسندي سارة
ياسو: سارة؟؟!! اي اللي حصل لها؟؟
احمد: هيا كويسة تعبانة بس شوية
خرجت ياسمين ونزلت سارة ودخلتها البيت
ماما: اسم الله عليكي ياحبيبتي اي اللي جرالك
سولي: انا كويسة ياماما متقلقيش
ياسو: انا هطلع انادي اسامة
سولي: لالا اوعي تناديله
احمد: سارة ..سيبي ياسمين تناديله انا عايز اتكلم معاه
طلعت ياسو لأسامة قلتله أن سولي تعبانة ونزل عليها جري
اسامة اول ما شاف احمد انصدم ومسكه من هدومه وقال: انت ازاي ليك الجرأة انك تيجي لحد بيتي ..يا بجاحتك يا اخي
سولي: اسامة بعد اذنك سيبه انت فاهم الموضوع غلط
احمد: اسامة انا جايلك عشان اتكلم معاك عن الشقة القديمة
اسامة: شقة اي؟؟! انت قصدك اي؟!
احمد: لازم تهدا الاول ونتكلم على انفراد
طلعو اسامة وأحمد على البحر عشان يتكلموا بهدوء
احمد: انا عايز اعرف اي اللي حصل ف الشقة من ساعة ما دخلت لحد ما ركبت عربيتك ومشيت
اسامة: وانا احكيلك لي اصلا انت يخصك اي؟!
احمد: هقولك بس لازم تحكيلي الاول ...وصحيح قبل ما تحكي انا معرفش سارة اصلا كل الحكاية اني بحاول أساعدها عشان حصل معاها نفس اللي حصل معاك
اسامة مستغرب وف باله ميت سؤال مين دا؟ ويساعدها ف اي؟ وهوا عرف دا كله منين؟
بس قطع صمته بقرار وهوا بيقول ف باله: انا كدا كدا محتاج حد يساعدني بدل ما اتجنن
حكى اسامة كل حاجة من اول ما قابل زينة لحد ما جري من الشقة
احمد رد بإستغراب: زين؟؟ انت سمعت حد بيقول زين؟؟
اسامة: اه انت تعرفه؟؟
قصادها حكى لأسامة كل حاجة حصلت معاه هوا وسارة وكمان اللي حصل مع سارة ...
اسامة: ازاي؟؟! يعني اللي خرجت معانا مكنتش سارة؟؟! واللي كانت عمالة ترن عليا مكنتش سارة؟؟! واللي اخدت العربية مكنتش سارة؟؟ امال مييين؟؟
احمد: انا لسا معرفش بس صدقني ...وبيقاطع كلام احمد صوت اسامة وهوا بينده بإستغراب ...زينة؟؟؟
زينة: بابا انقذني انا وزين
اسامة: بابا؟؟!! انقذكم من اي؟؟؟
فجأة زينة فضلت تترعش وخافت وبتقول كلمتين بس ...اخويا ...قرين