اختلال نظام القرين

اسامة هيعمل اي في سولي؟؟

الجزء السابع
اسامة: اله هيا راحت فين كانت لسا جمبي
عم فتحي: انت تعبان يابني ولا اي
اسامة: طيب ياعم فتحي هجيلك تاني
عم فتحي: بالسلامة يابني
راح اسامة المكان اللي كان فيه سولي واحمد ولقاه بيركب معاها العربية تاني وبيمشو
راح وراهم اسامة لحد ما سولي نزلت احمد عند المستشفى وروحت البيت
راح اسامة واستنى شوية عما سولي طلعت عشان يبان أنه لسا جاي من الشغل
اسامة قعد يفكر كتير اوي ...في حاجة غلط اكيد سارة مش بتخوني سارة بتحبني ...طيب مين الواد دا ..أنا قربت خلاص اتجنن
طلع اسامة وعينه حمرة هوا مش متعصب اكتر ما صعبان عليه حب السنين اللي بينهم
سولي اتخضت لما شافت اسامة داخل عليها الأوضة كدا وخلاص الدموع هتنزل من عينه
اخدته ف حضنها وسألته مالك
اسامة من الناحية التانية بيقول لنفسه المفروض اتعصب ويمكن توصل للضرب كمان
بس أنا واثق فيها واكيد في حاجة العصبية مش هتحل حاجة أنا اه غيران بس خايف وانا متعصب اجرحها بكلمة
سارة دي بنتي وانا ابوها اللي لو غلطت يصلح غلطها ويفهمها الصح من الغلط مش يعاقبها
سارة دي حبيبتي ونور عيني اللي حتا لو جرحتني أنا ميجيليش قلب اجرحها
سارة دي مراتي اللي مستحملة معايا ع الحلوة والمرة اللي هتكمل معايا حياتي لاخرها وهموت وهيا لسا ع اسمي
قطع تفكير اسامة سارة وهيا خلاص هتعيط على تعبه وهيا بتقوله ..بالله عليك ما تخوفني عليك ..اسامة ماالك بالله
اسامة: أنا عارف انك بتحبيني ومستحيل تجرحيني ..سارة انتي بتحبيني صح؟؟
سارة: اكيد بحبك لي بتسال السؤال دا دلوقتي؟؟!
اسامة اتنطر من مكانة وصوته بان عليه جرحه وعصبيته وغيرته مقدرش يمسك نفسه وهوا بيقول ...امال لي بتبصي لغيري ...لي بتخونيني ..قصرت معاكي ف اي
سارة لسا هتتكلم وتدافع عن نفسها بس اسامة قاطعها وقالها ..اطلعي برا مش عايز اشوفك تاني
سارة انصدمت من كلام اسامة ..معقول يشك فيها للدرجة دي ..فين الحب وفين كلامه حرفيا سارة اتلجم لسانها ومبقتش عارفة تقول اي ...هيا عملت حاجة واحدة بس لبست وهيا نازلة ياسمين وامها شافوها ودخلوها ع الشقة تحت
ماما: مالك يا سولي؟؟! اي اللي عمل فيكي كدا؟!
سولي وهيا م قادرة تنطق اي كلمة ولا حتا قادرة تعيط وتريح نفسها اغمى عليها ودخلوها ع السرير
ياسو: ماما أنا هطلع اقول لأسامة
ماما: اوعي تقوليله ...اكيد اللي سارة فيه دا بسببه لازم نفهم الاول اي اللي حصل معاهم استني لحد ما تفوق