တို့နှစ်ယောက်ရဲ့ကောင်းကင် ( part - 1 )
↔↔↔↔↔↔↔↔↔↔"မင်းဆိုတဲ့ကောင်က ဒီလောက်ထုထောင်းနေတာတောင်မှတ်ချင်မှ မှတ်မယ့်ကောင်မျိုး"
သူသည်ပါးစပ်ထဲမှသွေးထွက်နေသည်ကို သိသော်လည်း သုတ်ဖို့မကြိုးစားဘဲလူးလဲထဖို့သာ ကြိုးစား၏။
မိုးတွေလည်း သည်းသည်းမည်းမည်းရွာနေ၍ ပါးစပ်ကသွေးတို့သည် မိုးရေနှင့်ရောကာ ရဲရဲနီသွား၏။
ထိုအချိန်သူ့ရင်ဘတ်ကို ခြေထောက်တစ်ချောင်းက အားနှင့်တက်နင်းပစ်လိုက်၍ သူပြန်လဲကျသွားသည်။"မင်းအလှည့်ဆိုတော့ လုပ်ထားပေါ့"
သူ ထပ်ကြိမ်းလိုက်စဉ်မှာပဲ ဝမ်းဗိုက်ဆီကို လှိမ့်အကန်ခံလိုက်ရသဖြင့် သူထပ်မပြောနိုင်တော့ဘဲ တွန့်လိမ်သွားမိသည်။
"ထားခဲ့လိုက်တော့ဇေကြီး သွားစို့"
သူ့အမြင်တွေဝေဝေဝါးဝါးဖြစ်နေသော်လည်းဇေကြီးတို့ ထွက်သွားကြမှန်းသိလိုက်ရသည်။
ထဖို့ ကြိုးစားသော်လည်း သူလုံးဝမလှုပ်နိုင်၍အရာမထင်။
ထိုအချိန် ကားတစ်စီးရပ်လိုက်သံကြားကာ ပြေးဆင်းလာသည့်ခြေသံနှင့်အတူ မျက်ဝန်းညိုညိုလေးများကိုဝေဝါးစွာတွေ့လိုက်ကာ သူမေ့မျောသွားခဲ့သည်။💮💮💮
သူသတိရလာတော့ ဂစ်တာသံသဲ့သဲ့ကိုကြားလိုက်ရသည်မို့ မျက်လုံးတွေကိုအားယူပြီး ဖွင့်လိုက်သည်။
ဖြူဖွေးလှပသော မျက်နှာကျက်ကိုတွေ့လိုက်တော့ သူ့အိမ်မဟုတ်ဟုသောစိတ်က ငုတ်တုပ်ထထိုင်မိလျက်သားဖြစ်သွားသည်။
ဗိုက်ဆီမှဆစ်ခနဲဖြစ်သွား၍ ငုံ့ကြည့်မိတော့ ပတ်တီးအဖွေးသား။
သူထထိုင်မိတော့ ဆိုဖာပေါ်ထိုင်နေသည့် ချာတိတ်လေးက လှည့်ကြည့်၍ ဂစ်တာကိုချခဲ့ကာ သူ့အနားရောက်လာပြီး ဘေးနားကထိုင်ခုံလေးမှာ ဝင်ထိုင်လိုက်သည်။"ဘယ်လိုနေသေးလဲ"
"သက်သာပါပြီ ခုလိုခေါ်လာပေးတာကို ကျေးဇူးတင်ပါတယ် မဟုတ်ရင်တော်တော်မလွယ်မှာ"
YOU ARE READING
တို့နှစ်ယောက်ရဲ့ကောင်းကင် - The Sky that Two of Us
Romanceကိုယ်တို့ တွေ့ဆုံခြင်းတွေမလှပခဲ့ပေမယ့် ပြီးပြည့်စုံတဲ့အချစ်ကိုတော့ ဖန်ဆင်းပေးခဲ့တယ်မလား မင်းကို ကိုယ်လိုအပ်တယ် ခလေးရေ... မင်းနှုတ်ခမ်းလေးဟာ ကိုယ်ရဲ့ကမ္ဘာ မင်းနဖူးလေးဟာ ကိုယ့်ရဲ့အနာဂတ်မို့ မင်းမျက်လုံးလေးတွေဖွင့်ကြည့်လိုက်ပါ... တို့နှစ်ယောက်ရဲ့ကောင်း...