" ١ نوفمبر ٢٠٢١ "
صحيت متأخره كالعادة وعارفه اني هتهزق من المدير بتاعي بس يلا بقا هي خسارة كرامه ولا اكتر
جهزت نفسي واخدت عربيتي وروحت ع الشركه_انتي يا انسه روز معادك في الشغل الساعه كام
_الساعه 8 يا فندم
_ودلوقتي الساعه كام
_9 ونص يا فندم
_فندم اي بقا لما مدير الشركه يجي قبل حضرتك وانتي تيجي بعدها ب ساعه ونص يبقا نقولك انتي يا فندم
_اللي تشوفه يا فندم
_روحي على مكتبك يا روز مش ناقصه حرقة دم روحي
سبتوا ودخلت مكتبي ونا هموت من الضحك حقيقي هو صعبان عليا مدير زاي القمر زاي ده ميستاهلش واحده زايي تجبله جلطه
دخلت المكتب وفتحت الشباك وقعدت على مكتبي والغير متوقع لقيت علبة شوكولاته من النوع اللي بحبه واللي لفت انتباهي اكتر الورده اللي على العلبه وده اكتر نوع بحبه ف الورد ياترى مين ممكن يعمل كدا
عم اشرف القهوجي مسحتيل وتامر البواب برضوو مستحيل دينا وفي اجازه عشان شهر العسل ريم دي بخيله جدا مستحيل برضو يارا ودي لو شافت لبانه هتقول أن كريم حبيبها اوله بيها ميكونش لاء لاء لا اكيد لاء يوسف اي بس اللي يخليه يعمل كدا ده هو المدير وانا موظفه عنده وكمان مبيحبنيش ل الله ف الله مش عارفه مين بس مش مهم خليني اخلص المشروع اللي ورايا عشان يوسف بيه ميجيش يقولنا كلمه مالهاش لازمهوقعدت عملت المشروع إللي كان مطلوب منيي وروحت سلمته للمدير ورجعت مكتبي اكمل بقيت شغلي وفجأة باب المكتب بيخبط
_اتفضل
_روز هانم انتي المشروع اللي مطلوب منك عن اي
_عن عن بناء النادي الجديد يا فندم
_والمفترض يكون مرسوم اي هنا ف الورق ده
_النادي يا فندم من برا وجوه
_تقدري تفهميني اي ده وفتح ورق المشروع اللي انا لسه مخلصه ولقيت أغلبية الاوراق مرسوم عليها قلوب والورده اللي على الشكولاته
_احيييه
_افندم
_انا اسفه حقيقي اسفه اديني نص ساعه والمشروع الاصلي يكون عند حضرتك يا فندم
_خدي يا روز ولينا كلام تاني مع بعض
سبني وخرج عدلت انا المصيبه اللي عملتها دي وجيه وقت البريك
نزلت للكافيه اللي تحت الشركه طلبت كوفي وكنت قاعده بفكر مين ممكن يكون هو اللي جابلي الهديه دي_ممكن اقعد معاكي
_اها طبعآ اتفضل يا فندم
_احنا مش ف الشغل بلاش الرسميات خليها يوسف ممكن
_امم طيب يا يوسف
_مالك سرحانه في أي
_اممم بصراحه كدا في حاجه عايزه اعرفها بس مش عارفه إزاي
_وضحي اكتر!!
_انا فيه حد حطلي ع المكتب بتاعي ورد شوكولاته من اللي بحبهم ومش عارفه مين
_بس اكيد الحد ده بيحبك مدام عمل كدا
_اه اكيد بس مش عارفه اعرفوا إزاي
_انا هقولك إزاي
_قول
طلع من جيبه سي دي وادهالي
_ده اي ده
_شوفيه الفيلم ده ولو فهمتي روحي للمكان اللي ف الفيلم ونتي هتعرفي مين هو اللي بيحبك وسبني ومشي سبني حيرانه اكتر مانا كنت حيرانه اصلا جريت ع المكتب بتاعي حطيت السي دي في اللاب واتفرجت على الفيلم بعد مرور ساعتين عماله أعيد في الفيلم ومش فاهمه حاجه الفليم عباره عن اتنين بيحبوا بعض وبعد محاربة ومشاكل وحاجات كتير اتقبلو في أعلى مبني في نيويورك فين بقا حبيبي انا وفهمت اي وهروح فين معقوله يكون اللي بيحبني في اعلى مبنى ف نيويورك أو لحظه واحده مايمكن العكس اعلى مبنى في القاهره برج القاهره انا فهمت الفيلم ايوا فهمته
اخدت عربيتي واتجهت ل برج القاهره وطلعت ل اخر مبنى فيه بس فيه اي مش فاهمه حاجه لي المكان متزين كدا فيه حفله هنا ولا أي ولقيت صوت من ورايا بيقول" نسقف للأنسه روز اللي فهمت الفيلم"
_يوو يوسف_ايوا انا
_متخيله إن مديرك اللي مطلعه عينه هو اللي يكون بيحبك يا اوزعه انتي
ولقيت كل الناس اللي اعرفهم موجدين وبيسقفه لينا ويوسف طلع من جيبه علبه اطيفه فيها خاتم وركع على رجله
"تتجوزيني يا روز"
ضحكت ووافقت طبعآ ده انا هبقا مرات المدير يعني اروح واجي براحتي يعومريي وكمان مننساش أن يوسف زاي القمر
حضنته وقولتلو طبعآ موافقه يا يوسف
وبدات حكايتنا من أعلى مكان في القاهره🪄