اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٣٠"٨"٢٠٢٢
قاعده في كافيه مع عصير الفراوله اللي بينسيني اي زعل الكافيه كله كابلز كلهم بيحبو بعض حلوين اوي مع بعض مش عارفه كان ناقصني اي عشان ميكملش معايا اكيد هو اللي غبي عشان يسيب واحده زايي خدت تنهيده وحاولت اهدا واهدي قلبي اللي شبع خذلان لقيت مسدج في موبايلي من صديق ليا او من شخص بيحبني وانا عشان بحب وجوده مش عايزه ابعد وسايبه في حياتي تحت مسمى الأصدقاء كان بعت بيقولي "انتي فين"رديت قولتلو على مكاني وقال انه جاي ومفيش دقايق وكان جيه فعلآ
_الجميل باله مشغول في أي
_ولا حاجه بعدين جيت بسرعه يعني
_مقدرش اتأخر عنك أبدآ أبدآ
شد الكرسي وقعد قدامي وقال
_انتي قولتي قبل كدا انك بتحبي الفراوله ب الجرجير صح
_صح
_طب لسه مش متخيلان سوا
ضحكت بكركعه لفت النظر في الكافيه كله من صوت ضحكتي يمكن هو اكتر واحد بيضحكني وبيعرف يخرجني من اللي انا فيه بس خايفه اديله قلبي يرجعوا مكسور زاي اللي قبلو علاقتين توكسيك مش قليل برضو
_حاسس نفسيتك مش تمام تحبي نسافر نغير جوا ؟
_لاء لاء انا تمام
_طب تحبي نخرج اوديكي الملاهي؟
_يا يوسف هو أنا طفله
_اه انتي طفلتي انا
_طفلتك انت اي بس فوق كدا ده انا اكبر منك ب شهر ونص
_طيب تحبي نروح سينما ؟ حديقة الحيوانات؟ يوم اسكندريه سد رد
_اسفه يا يوسف بس انا قولتلك قبل كدا عايز نبقا صحاب الشرط الوحيد انك متحبنيش عن إذنك
قولت الكلمتين وخدت شنطتي ومشيت روحت كورنيش قصر النيل فضلت واقفه ب الساعات واقفه ببص على النيل وانعاكس ضؤء ألقمر عليه مش عارفه اللي عملتو ده صح ولا لاء بس انا مش حمل خذلان تاني والله انا استكفيت مانا زمان أديت حب واهتمام وخدت في المقابل كسرة قلب تاريخين مش قادره اخرجهم من دماغي ١١/٢٥ يوم ما اتسبت من حبيبي الاول و١٨/٨ يوم ما اتسبت من اللي قالي انه هينسيني حبي الاول مش عايزه اعمل تاريخ جديد انا تعبت والله قطع شرودي صوته وهو بيقول
_صدقيني انا مش زايهم
لفيت اشوفه كان واقف ب طلته اللي بتخطف قلبي ومعاه بوكيه ورد من النوع اللي بحبو قرب من المكان اللي واقفه فيه وطلع علبه اطيفه من جيبو وقال
_تتجوزيني يا روز
معرفتش اعمل اي ردت فعل غير اني عيطت بصوت مسموع وسبتو وجريت ماشيه في الشارع معيطه ولا كأن طفل صغير خده منو لعبته روحت البيت وحاولت ارتب أفكاري مش عارفه اي الصح من الغلط مش عارفه فتحت الواتساب لقتيو منزل استوري ب اغنية
|.. اللي مصبرني عليك إن انا شايف في عينيك حب العالم ده بحالو خليك على كدا على طول..|
ولقيت مسدج منو بيقول
"حقك عليا مكنش قصدي اخليكي تعيطي لو ده شيء هيزعلك فا انا مش هتكلم فيه تاني وهفضل معاكي حتى لو مش بتحبيني ومش شايفني وانا كنت ماشي وراكي وانتي مروحه لحد ماوصلتي للبيت"
لقيتني برد بقولو
_بتحبني ليه يا يوسف؟
_عشان قلبك .. قلبك النضيف وطفولتك هزارك تلقأيتك عشان مبعرفش اتكلم مع حد غيرك عشان في حنيتك بشوفك امي وجدعنتك بشوفك اختي وغيرتك عليا بشوفك حبيبتي كل ده مش كفايه؟
_طب ولو جيت على قلبي في يوم من الايام؟
_مش هيحصل ده انتي روحي صعب اني ازعل روحي صدقيني مش هيبقا في دموع أبدآ حب وفرح وبس ..
_مش عارفه اقولك اي
_قولي اني اجي اخد معاد من باباكي يا روز
_طيب انا هديك فرصه بس لو لقيت اني هتخذل تاني هبعد ومش هرجع يا يوسف مش هرجع أبدآ
_مش هخذلك ومش هتبعدي
وجيه يوسف طلب إيدي فعلآ ووافقت عليه وانا خايفه على قلبي واللي ممكن يحصل بس محصلش حاجه من اللي كانت في بالي بالعكس ده هو الفرحه اللي جت نستني كل حاجه وحشه اتجوزنا وروحنا شهر العسل على اسكندريه كانت اكتر بلد بكرها عشان كان ليا فيها ذكريات وحشه بس مع يوسف عملنا ذكريات جديده كلها حلوه وجميله زاي قلبه اللي حبني
