اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
"واحد مايو ٢٠٢٢"
كان يوم الوقفه..واقفه ف المطبخ ونا بحط السكر على الكحك وبدندن |يا ليلة العيد انستينا وجددتي الامل فينا يا ليلة العيد| خلصت ونزلت اجيب طلبات ل ماما منظر الأطفال وهما بيلعبوا ب الصواريخ وفرحانين ب للبس العيد حاجه كدا ف منتهى الجمال لدرجة اني ضعفت وحسيت اني عايزه العب معاهم بس للاسف مينفعش طلعت البيت وخلصت فرش الشقه بعد ماطلعت روحي واخدت شور سخن وكنت مبسوطه ب البچامه الجديده والكتاب الجديد ومسكاتي والمونكير خرجت عملت مسكات العيد وحطيت المونكير وللبست البچامه الجديده قفلت باب اوضتي وقاعدة مع كوباية الشاي ب اللبن والكحك وكان ف ايدي الكاتب الجديد فضلت اقراء فيه ومع كل صفحه تخلص ابص للموبيل منتظره رساله عارفه أنها مش هتيجي اصلا معقول مش هيعيد عليا زاي كل سنه وصلت ل صفحة "٦٤" كان مكتوب فيها "ولا عارف اعيش دونك ورغم البعد انا بصونك ومستنيك تنجيني ف قرب مني ده لأني بعادك نار بتكويني" وفجأة لقيت الموبيل نور ب صوت مسدچ كانت منو هو فتحت المسدچ ب حماس كان باعتلي "برغم البعد بس عيدي ب وجودك عيدين كانت ايامي صعبه وربنا بعتك هديه انتي الايام بحالها وانتي العيد والعيديه كل سنه وانتي ارق انسانه ف الكون" الفرحه مكانتش سايعني مش عارفه ارد اقول اي اعمل اي مش عارفه لقيتني بعتله قلب احمر عمل سين ومردش ما صحيح اي العبط ده هو يقول الكلام الحلو ده وانا ارد بقلب احمر غباوه أو يمكن عشان مبعرفش ارد على الكلام الحلو حاولت اشيل الموضوع من دماغي وأكمل يومي عادي بس الحاجه الوحيده اللي مميزه ف اليوم ده هي رسالته ومفيش اي حاجه هتقدر تعكنن عليا عشان بمجرد ما بفتكر كلام الرساله بفرح تلقائياً سمعت صوت ام كلثوم وهي بتغني وبتقول كان لك معايا اجمل حكايه دخلت البلكونه ونا ف ايدي مج كاكاو غرقان فيه مرشميلو زاي قلبي الي غرقان ف حبه تمامآ ادندن معاها جوا مناسب ل ام كلثوم وكاكاو ويوم الواقفه ورسالته ولمحته ب عيني قاعد مع بابا على القهوه ده بجد دي حقيقه ولا أنا اللي من حبي فيه بقيت بتخيل حاجات غريبه اي اللي جابوا من اسكندريه للقاهره وبيكلم بابا ف اي اصلا كنت متوتره خايفه مطمنه بس قلقانه شويه مشاعر كدا متلغبطه على بعض مش عارفه انا حاسه ب اي قام سلم على بابا وواقف ب طلته اللي بيدوب بيها قلبي ركب عربيته وقبل ما يتحرك ب العربيه لقيت مسدچ منو بيقولي"عيديتي ف العيد ده هو انتي انا طلبتك من باباكي انهارده وحكتله على كل اللي ما بينا انتظريني رابع يوم العيد انا واهلي عشان نقراء الفاتحه يا هديتي وعيديتي" انتهيت من قراية الرساله مع ام كلثوم وهي بتقول "وإن كنت اقدر احب تاني هحبك انت" ايوا هحبوا وهتجوزه هو عيدي بقا عيدين رن عليا دخلت من البلكونه واتكلمنا ب الساعات قد اي كنا واحشين بعض وقد اي شهر الفراق ده عدا علينا كأنه سنين قد اي كانت ضحكته واحشني وهزارنا وكلامنا خلصت معاه المكالمه ودخلت البلكونه تاني لقيت ورده بتقول".. ومين يصدق يجرا ده كله ونعيش سوا ونعيش سوا العمر كله في يوم وليله ليله ليييلهه.." مين يصدق؟❤🩹🫀🌍
